ماحولیات، جنگلات اور موسمیاتی تبدیلی کی وزارت نے شجر کاری  مہم 'ایک پیڑ ماں کے نام' کے تحت ایک اہم ہدف حاصل کیا ہے۔ ستمبر 2024 تک 80 کروڑ پودے لگانے کا ہدف تھا۔ آج یہ ہدف حاصل کر لیا گیا ہے۔ یہ حکومتی ایجنسیوں، گاؤں کی سطح کے اداروں، مقامی لوگوں اور دیگر شراکت داروں کی اجتماعی کوششوں سے ممکن ہوا ہے۔

ایک پیڑ ماں کے نام شجر کاری کی ایک خصوصی ملک گیر مہم ہے جو 5 جون 2024 کو عالمی یوم ماحولیات کے موقع پر شروع کی گئی تھی۔ مہم کے تحت اپنی ماں کے تئیں  محبت، احترام اور عزت کے اظہار کے طور پر لوگوں کو  شجر کاری کرنے کی حوصلہ افزائی کی جاتی ہے اور  درختوں اور دھرتی ماں  کی حفاظت کا عہد کیا جاتا ہے۔ اس مہم کا مقصد زمین کی تنزلی  کو روکنا اور تنزلی سے متاثرہ  زمینی حصے کی ماحول کی بحالی ہے۔

******

ش ح۔ م ش۔س ع س

U:434