معزز سپریم کورٹ نے آج اپیل کے لیے نظرثانی شدہ رقم کی حد پر غور کرتے ہوئے 5 کروڑ روپے سے کم کے 573 راست ٹیکس کے معاملات کو نمٹا دیا۔

یہ اہم سنگ میل ٹیکس سے متعلق  قانونی چارہ جوئی کو کم کرنے اور کاروبار کرنے میں آسانی کو فروغ دینے کی حکومت کی کوششوں سے ہم آہنگ ہے۔

مرکزی بجٹ 25-2024 میں ٹیکس ٹربیونل، ہائی کورٹ اور سپریم کورٹ میں ڈائریکٹ ٹیکس، ایکسائز اور سروس ٹیکس سے متعلق اپیلیں دائر کرنے کے لیے مالیاتی حد میں اضافہ کیا گیا تھا اور اس حد کو بڑھا کر بالترتیب 60 لاکھ روپے، 2 کروڑ روپے  اور 5 کروڑ روپے  دیا گیا تھا۔

بجٹ 25-2024 کے اعلان کے مطابق، سی بی ڈی ٹی  اور سی بی آئی سی نے اپنے متعلقہ شعبوں میں اپیلیں دائر کرنے کے لیے مالیاتی حد کو بڑھانے کے لیے ضروری احکامات جاری کیے تھے۔ نتیجے کے طور پر، یہ توقع کی جاتی ہے کہ مختلف اپیلیٹ فورم کے سامنے زیر التوا مقدمات میں کمی آئے گی اور ٹیکس کی قانونی چارہ جوئی میں کمی آئے گی۔

ڈائریکٹ ٹیکس

مرکزی بجٹ 25-2024  میں اعلانات کے مطابق، محکمے کی طرف سے ٹیکس تنازعہ کی اپیلیں دائر کرنے کے لیے مالیاتی حدوں کو اس طرح بڑھایا گیا ہے:

انکم ٹیکس اپیلیٹ ٹریبونل (آئی ٹی اے ٹی) کے لیے: 50 لاکھ روپے سے بڑھا کر 60 لاکھ روپے۔

ہائی کورٹس کے لیے: 1 کروڑ روپے سے بڑھا کر 2 کروڑ روپے کر دیا گیا۔

سپریم کورٹ کے لیے: 2 کروڑ روپے سے بڑھا کر 5 کروڑ روپے کر دیا گیا۔

ان نظرثانی شدہ حدود کے نتیجے میں، یہ اندازہ لگایا گیا ہے کہ وقت کے ساتھ ساتھ مختلف عدالتی فورم سے تقریباً 4,300 مقدمات واپس لے لیے جائیں گے:

آئی ٹی اے ٹی: 700 مقدما

ہائی کورٹس: 2,800 مقدمات

سپریم کورٹ: 800 مقدمات

بالواسطہ ٹیکس

اسی طرح، مخصوص وراثت سینٹرل ایکسائز اینڈ سروس ٹیکس مقدمات کے لیے اپیلیں دائر کرنے کی حد میں اضافہ کیا گیا:

سی ای ایس ٹی اے ٹی  (کسٹمز ایکسائز اینڈ سروس ٹیکس اپیلیٹ ٹربیونل) کے لیے حد کو 50 لاکھ روپے سے بڑھا کر 60 لاکھ روپے کر دیا گیا ۔

ہائی کورٹ کے لیے، حد کو 1 کروڑسے  سے بڑھا کر 2 کروڑ روپے  کر دیا گیا۔

سپریم کورٹ کے لیے حد 2 کروڑ سے بڑھا کر 5 کروڑ روپے کر دی گئی۔

ان نظرثانی شدہ حدود کے نتیجے میں، تقریباً 1,050 مقدمات جو کہ مخصوص وراثت سے متعلق سینٹرل ایکسائز اور سروس ٹیکس کے مقدمات سے متعلق ہیں مختلف عدالتی فورم سے واپس لیے جانے کا تخمینہ ہے:

سپریم کورٹ: 250 اپیلیں۔

ہائی کورٹ: 550 اپیلیں۔

سی ای ایس ٹی اے ٹی  : 250 اپیلیں۔

ڈائریکٹ ٹیکس ویواد سے وشواس اسکیم کے ساتھ، زیر التواء قانونی چارہ جوئی کو کم کرنے کے لیے حال ہی میں متعارف کرایا گیا ایک اقدام، براہ راست ٹیکس اور بالواسطہ ٹیکس کے محاذ پر ان اقدامات سے ٹیکس قانونی چارہ جوئی کے بوجھ کو نمایاں طور پر کم کرنے اور ٹیکس تنازعات کے حل میں تیزی لانے کی امید ہے۔

اس کے علاوہ، انکم ٹیکس کی اپیلوں کی سماعت اور فیصلہ کرنے کے لیے وقف مزید افسران کو تعینات کرنے کے لیے اقدامات کیے گئے ہیں، خاص طور پر ان میں ٹیکس کی اہم رقم شامل ہے۔ یہ اقدامات زیر التواء قانونی چارہ جوئی کو کم کر کے ملک بھر میں 'زندگی گزارنے میں آسانی' اور 'کاروبار کرنے میں آسانی' کو بہتر بنانے کے حکومت کے عزم کی عکاسی کرتے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض(

392