২০৪৭ ফাওবদা বিক্সিত ভারত পুরক্নবা ইকায়খুম্নরবা প্রধান মন্ত্রীগী মঙলান মঙফাওনহন্নবা লম্বী পরিংদা মশক থোকপা পন্দোল অমা ওইনা, কেন্দ্রগী হকশেল মন্ত্রালয়গী দিপার্তমেন্ত ওফ হেল্থ রিছর্চনা (DHR) নুমিৎ ১০০নিগী প্রোগ্রামশিং মায় পাক্না পায়খৎখ্রে হায়না কেন্দ্রগী হকশেল মন্ত্রী জে.পি. নদ্দানা লাউথোকখ্রে‍। “থৌরাংশিং অসিনা হেল্থকেয়র ইনোভেসন, লাইচৎকীদমক শেম শাবা, অমসুং লমদমসিগী ওইবা হিদাক লাংথক্কী পাম্বৈ পুথোকপগী লমদা থাংজিল্লিবা অওন্বা পুরক্কদবা খোঙথাংশিংগী মমি তাদুনা মশা মউ হেন্না ফবা, হেন্না খাঙবা কন্বা অমসুং আত্মনিরভর ভারত পুরকবদা থৌদাং য়ার” হায়না মহাক্না হায়খি‍।

মখাদা পীরিবশিং অসি হৌখিবা নুমিৎ ১০০নিসিদা দিপার্তমেন্ত ওফ হেল্থ রিছর্চনা মায় পাকপা ঙমখিবা অমসুং পায়খৎখিবা মরুওইবা থৌরাং খরনি:

১.      মেদ-তেক মিত্র: মসি ইন্দিয়ন কাউন্সিল ওফ মেদিকেল রিছর্চ (ICMR) অমসুং সেন্ত্রেল দ্রগ্স স্তেন্দর্দ কন্ত্রোল ওর্গনাইজেসন (CDSCO) অনিগী অপুন্বা থৌরাং অমনি‍। ফম্পাক অসিগী খুত্থাঙদা ইনোভেতর, স্তার্ত-অপ, অমসুং ইন্দস্ত্রী পার্ত্নর ২৫০ হেন্না শরুক য়াহন্দুনা রিগুলেসন ঙাকপা পোত্থোকশিং শেমগৎপা, মখোয়গী ক্লিনিকেল ভেলিদেসন, অমসুং স্কেলিং অপ তৌবদা থেংনরিবা শিংনবশিং থেংনবদা মতেঙ পাংলি‍।

২.     লাইচৎকীদমক শেম শাবগী নেস্নেল ৱন হেল্থ মিসন (NOHM): NOHM অসি মীওইবা, শা-উচেক, অমসুং এনভাইরনমেন্তেল হেল্থকী লংদাইদা লায়নাশিং লাকশিন্নবা পুন্না থাজিন্বা খোঙথাং অমনি‍। মিসন অসি শা-উচেক্তগী শন্দোরকপা লায়নাশিং অমসুং লাইচৎশিং লাকশিন্নবা ভারতকী মতিং শেমগৎপগী মায়কৈদা থাংজিল্লিবা মরুওইবা খোঙথাং অমনি‍। থৌরাং অসি, মীপুম খুদিংমক্কী ওইবা সেফ অমসুং হেল্দী ওইইবা এনভাইরনমেন্ত অমা শেমগত্তুনা ভারতকী লোং-তর্ম হেল্থ সিক্যুরিতীগী মরুওইবা শরুক অমনি‍। মিসন অসিগী মখাদা লৈঙাক্কী অহান্বা নুমিৎ ১০০নিগী মনুংদা ‘ৱন হেল্থ’ পরিংদা পায়খৎখিবা তোঙান তোঙানবা থবক থৌরমশিং মখাদা পীরি:

ক.     নেস্নেল নেতৱর্ক ওফ BSL-3 লেবোরেতরিজ লিংখৎখ্রে, মসিদা মন্ত্রালয় কয়াগী লেপ ২০ হেন্বগী নেতৱর্ক শেম্লি‍।

খ.     নেস্নেল ইন্সতিত্যুৎ ওফ ভিরোলোজী (NIV) পুনে অমসুং ICAR-নেস্নেল ইন্সতিত্যুৎ ওফ হায়-সিক্যুরিতী এনিমেল দিজিজেজয় (NIHSAD), ভোপালদা ত্রেনিংশিং পাঙথোক্লি‍।

গ.     তুংদা লাক্কদবা লাইচৎকীদমক লৈবাক্কী ওইনা শেম শাদুনা লৈবগী ফীভম মপাঙ্গল কনখৎহল্লদুনা, H5N1 গী মোক দ্রিল, “বিসনু য়ুধ অভ্যাসস” অমা রাজস্থানগী অজমের দিস্ত্রিক্তা ওগস্ত ২৭ দগী ৩১ ফাওবা য়াম্লবা স্তেকহোল্দরশিংগা লোয়ননা পাঙথোকখ্রে‍।

গ.     দিপার্তমেন্ত ওফ হেল্থ এন্দ ফেমিলী ৱেলফ্যার (DoHFW)না নেস্নেল জোইন্ত আউতব্রেক রেসপোন্স তীম অমা নোতিফাইদ তৌখ্রে‍। মসিনা ইনফেক্সন থোক্লকপদা মদুগী হোতস্পোত খঙদোকপগী থৌওং মপাঙ্গল কনখৎহনগনি অমসুং ঙাকথাক্নবা অমসুং লাকশিন্নবা মতম চানা থিজিন হুমজিন্বা ঙমহনগনি‍।

ঘ.     ICMRনা ৱেস্ত ৱাতর সর্ভিলেন্স তুলশিং শেমগৎলে অমসুং স্লোতরহাউসকীদমক সর্ভিলেন্স মোদেল অমসু শেম্লে‍।

ঙ.     এভিয়ন ফ্লু, ক্যাসনুর ফোরেস্ত দিজিজ (KFD) অমসুং MPox ভেক্সিন শেমগৎপগী থবক প্রাইভেত সেক্তর অমসুং ইন্দস্ত্রী পার্ত্নরশিং পুনশিন্দুনা হৌরে‍। NIPAH মোনোকোকেল এন্তিবোদীশিংসু শেমগৎলি‍।

চ.     মিসন অসিগী একজেক্যুতিব অমসুং সাইন্তিফিক স্তীরিং কম্মিতীশিংনা মখোয়গী মীফমশিং লৈবাকসিগী লাইচৎকীদমক শেম শাবগী ফীভম য়েংশিন্দুনা অমসুং মখা তাবা পায়খৎকদবা থৌরাংশিং হৌদোক্নদুনা পাঙথোকখ্রে‍।

ছ.     বাইও-সেফ্তী লেভেল (BSL-3) লেবশিং লিংখৎপা অমসুং সর্তিফিকেসনগী ইন্দিয়ন কাউন্সিল ওফ মেদিকেল রিছর্চ (ICMR) অমসুং দিপার্তমেন্ত ওফ বাইওতেক্নোলোজী (DBT)গী চৎন-পথাপশিংসু নেস্নেল দোকুমেন্ত অমদা পুনশিল্লে‍।

৩.     ইন্তিগ্রেতেদ রিছর্চ এন্দ দাইগ্নোস্তিক লেবোরেতরিজ (IRDLs): লৈবাক শিন্বা থুংনা ভাইরেল রিছর্চ এন্দ দাইগ্নোস্তিক লেবোরেতরিজ (VRDLs)শিং ফন্দিং সপ্পোর্তকী খুত্থাঙদা মপাঙ্গল কনখৎহন্নবা থবক পায়খৎলে‍। মসিগী মনুংদা VRDLs তরুক্তি ইন্তিগ্রেতেদ রিছর্চ এন্দ দাইগ্নোস্তিক লেবোরেতরী (IRDLs) ওইনা শেমগত্তুনা লৌনগন্বা লায়না কয়াবু কোনশিল্লি‍। নেস্নেল ইন্সতিত্যুৎ ওফ ভিরোলোজী (NIV)গী জোনেল লেবোরেতরীশিং শেমগৎ শাগৎপগী থবকসু হৌরে‍।

৪.     প্রোগ্রাম ফোর দিভেলপমেন্ত ওফ ইন্দিজিনস দ্রগ্স ফোর র‍্যার দিজিজেস: এফোর্দেবল হেল্থকেয়রগী লমদা মালেমগী লুচিংবা অমা ওইরক্নবগী মায়কঅদা ভারতনা চঙশিল্লিবসিগী শরুক অমা ওইনা, DHRনা তাঙনা থোকপা লায়না মখল ৮গী লমদমসিগী ওইবা দ্রগ ১২ শেমগৎনবা প্রোগ্রাম অমা হৌদোক্নবা শেম শাবা লোইরে‍। থৌরাং অসিনা মস্কুলর দিস্ত্রোফী অমসুং গোসর্স দিজিজকুম্বা লায়নাশিংগী লায়েংবগী শেঞ্জং শাথিনা হন্থহন্দুনা লাইফ সেভিং থেরাপীশিং মীয়ামগীদমক এসেসিবল অমসুং এফোর্দেবল ওইহন্নবা পান্দম থমগনি‍।

৫.     “ফর্স্ত ইন দি ৱর্ল্দ” চেলেঞ্জ: ভারতকী মশক নাইরবা চন্দ্রয়ান-৩ মিসন্না পুক্নিং থৌগত্তুনা, “ফর্স্ত ইন দি ৱর্ল্দ” চেলেঞ্জনা বাইওমেদিকেল রিছর্চকী লমদা হায়-রিস্ক, হায়-রিৱার্দ ইনোভেসন ৫০দা শেন্থং পীথগনি‍। থৌরাং অসিনা ভারতকী ইনোভেসন অমসুং এক্সেলেন্সকী ৱাখল্লোনবু ৱাংনা থাঙ্গত্তুনা, গ্লোবেল হেল্থকেয়র সোলুসন্সতা লুচিংবা অমা ওইরক্নবগী মায়কৈদা চঙশিল্লিবা খোঙজঙ য়াঙখৎহনগনি‍।

৬.     সেন্তর ফোর ইভিদেন্স-বেজ গাইদলাইন্স: শঙ্গাগদবগী ঙাইদুনা লৈরবা সেন্তর ফোর ইভিদেন্স ফোর গাইদলাইন্সনা লৈবাক শিন্বা থুংনা মেদিকেল প্রাক্তিস স্তেন্দর্দাইজ তৌদুনা খ্বায়দগী ৱাংদা স্তেন্দর্দ ওফ কেয়র ফংহনগনি‍।  সেন্তর অসিনা মালেমগী থাক্কী খুদম চাংদমদা য়ুম্ফম ওইবা নেস্নেল হেল্থ গাইদলাইন্স শেমগৎপদা মতেঙ ওইগনি‍। মসিবু লৈবাক্কী তোঙান তোঙানবাম ফমশিংদা লৈবা সিস্তেমেতিক রিভিউ সেন্তরশিংনা শৌগৎকনি‍।

৭.     রিছর্চ তু এক্সন ভর্তিকেল: DHRদা :রিছর্চ তু এক্সন” ভর্তিকেল লিংখৎপনা কত্তিং-এদ্জ হেল্থ রিছর্চপু থৌশিল অমসুং থৌওংদা অপন্বা লৈতনা পুনশিন্বা ঙমহনগনি‍। মসিনা রিছর্চ ফাইন্দিংশিংবু তোঙান তোঙানবা স্তেতশিংদা থবক ওইনা পায়খৎপা য়াবা থৌশিলদা ওন্থোকপদা মতেঙ পাংদুনা মীয়ামগী হকশেলগী ফীভম মশক থোক্না ফগৎহনগনি‍।

৮.     রিছর্চ কেপাসিতী বিল্দিং: পুন্না ফেলো ৯৩না হৌজিক ফাওবদা মেদিকেল রিছর্রকী লমদা PhD গীদমক ফেকল্তী ওফ মেদিকেল রিছর্চ (FMR)গী অহান্বা বেতচতা তোঙান তোঙানবা ICMR ইন্সতিত্যুৎশিংদা মিং চল্লক্লে‍। মখা তানা, নহা ওইরিবা মেদিকেল কলেজ ফেকল্তী মেম্বর ৬৩দা PhD প্রোগ্রাম পায়খৎনবা ফেলোসিপ ফংহনখ্রে‍। থৌরাং অসি লৈবাকসিদা ফীজিক্সিয়ন সাইন্তিস্ত বেজ মপাঙ্গল কনখৎহন্নবা অচৌবা খোঙথাঙ অমনি‍। মসিগী মথক্তা, নুপী সাইন্তিস্ত ৫৮দা হেল্থ রিছর্চকী থবক পায়খৎনবা ফেলোসিপ পীখ্রে‍।

মথক্তা পল্লিবা থৌরাংশিং অসি কেন্দ্রগী হকশেল মন্ত্রীনা ওক্তোবর ২০২৪দা হৌদোক্নবা শেম শাদুনা লৈরে‍। দোক্তর রাজিব বাহল, সেক্রেতরী, DHR অমসুং DG, ICMR না পায়খৎলিবা থৌরাংশিং অমসুং হন্দক মায় পাকপা ঙমখ্রিবশিং অসিনা ইনোভেসন অমসুং রিছর্চকী খুত্থাঙদা হেল্থকেয়রগী ফীভম খুমায় চাওশিলহন্নবা লৈঙাক্না লেপ্লিবা খোঙফম উৎলি হায়খি‍। খোঙথাঙশিং অসিনা লৈবাকসিগী হেল্থকেয়র সিস্তেমদা অওন্বা পুরকপদা অমসুং মসিবু তুংদা লাক্কদবা শিংনবশিং থেংনবা ঙম্নবা শেমগৎপদা মরুওইবা শক্লোন লৌগনি হায়না মহাক্না থাজবা ফোঙদোকখি‍।

***