زراعت اور کاشتکاروں کی فلاح و بہبود کی وزارت
محکمہ زراعتاور کسانوں کی بہبود سوچھتا ہی سیوا، 2024 مہم میں بڑھ چڑھ کر حصہ لے رہا ہے
سوچھتا ہی سیوا، 2024 مہم کے دوران محکمہ اپنے تمام ماتحت/ ملحقہ/ خود مختار اداروں/ پبلک سیکٹر انڈر ٹیکنگ/ فیلڈ دفاتر کے ساتھ مل کر ملک بھر میں صفائی ستھرائی کے حوالے سے تقریباً 600 سرگرمیاں انجام دے گا
نئی دہلی کے کرشی بھون میں محکمہ زراعت اور کسانوں کی بہبود کے ذریعہ آج صفائی مترا کے بچوں کے لئے "سوچھتا" کے موضوع پر ڈرائنگ کے مسابقے کا انعقاد کیا گیا
Posted On:
21 SEP 2024 1:47PM by PIB Delhi
محکمہ زراعت اور کسانوں کی بہبود سوچھتا ہی سیوا، 2024 مہم میںبڑھ چڑھ کر حصہ لے رہا ہے۔ سوچھتا ہی سیوا، 2024 مہم کے دوران محکمہ اپنے تمام ماتحت/ ملحقہ/ خود مختار اداروں/ پبلک سیکٹر انڈر ٹیکنگ/ فیلڈ دفاتر کے ساتھ مل کر ملک بھر میں صفائی ستھرائی سے متعلق تقریباً 600 سرگرمیاں انجام دے گا۔
محکمہ زراعت اور کسانوں کی بہبود کی طرف سے آج نئی دہلی کے کرشی بھون میں صفائی مترا کے بچوں کے لئے "سوچھتا" کے موضوع پر ڈرائنگ کے مسابقے کا انعقاد کیا گیا۔ اس پروگرام میں محکمہ زراعت اور کسانوں کی بہبود کے سکریٹری ڈاکٹر دیوش چترویدی اور محکمہ کی ایڈیشنل سکریٹری محترمہ شوبھا ٹھاکر نے شرکت کی۔
مذکورہ ڈرائنگ کے مسابقے میں 60 سے زائد بچوں نے حصہ لیا۔
پینے کے پانی اور صفائی ستھرائی کے محکمے اور ہاؤسنگ اور شہری امور کی وزارت کی طرف سے چلائی جانے والی سوچھتا ہی سیوا، 2024 (ایس ایچ ایس، 2024) مہم 17 ستمبر سے 1 اکتوبر 2024 تک 'سوبھاؤ سوچھتا - سنسکار سوچھتا' کے عنوان سے منائی جا رہی ہے اور اس کے اختتام پر 2 اکتوبر 2024 کو سوچھ بھارت دیوس منایا جائے گا۔
******
ش ح۔ م ش ع
U.No: 247
(Release ID: 2057373)
Visitor Counter : 23