دیہی ترقی کی وزارت نے دین دیال انتیودیا یوجنا - قومی دیہی روزی روٹی مشن (ڈے-این آر ایل ایم) کے تحت انسٹی ٹیوٹ فار وٹ ورکس ٹو ایڈوانس صنفی مساوات کے تعاون سے کل  نئی دہلی میں صنفی مین اسٹریمنگ پر قومی کانفرنس کی کامیابی سے میزبانی کی۔ کنکلیو میں صنفی جوابدہ کمیونٹی اداروں کو مضبوط بنانے پر توجہ مرکوز کی گئی  اور ڈے-این آر ایل ایم فریم ورک کے اندر صنفی انضمام کو آگے بڑھانے کے لیے حکمت عملیوں پر تبادلہ خیال کیا گیا۔

سکریٹری، دیہی ترقی جناب شیلیش کمار سنگھ نے اس بات پر زور دیا کہ دیہی معیشت میں حکومت کی شمولیت کا مقصد سماجی و اقتصادی شمولیت اور بااختیار بنانے کے ذریعے زندگی اور معاش کو بدلنا ہے۔ انہوں نے اس بات پر روشنی ڈالی کہ ڈے-این آر ایل ایم نے بین وزارتی تعاون کے ذریعے ایک 'پوری حکومت کے نقطہ نظر' کو اپنایا ہے۔ انہوں نے مزید کہاکہ  اب، ہمیں زمینی  سطح کی آوازوں اور ماہرین سے سیکھ کر اپنی صنفی حکمت عملی کو تیز کرنے کی ضرورت ہے۔

سابق سکریٹری، حکومت ہند جناب ناگیندر ناتھ سنہا نے کہا کہ ڈے-این آر ایل ایم خواتین کو بااختیار بنانے کا ایک منفرد موقع فراہم کرتا ہے جس سے ساخت کی عدم مساوات کو دور کیا جا سکتا ہے اور خواتین کے مجموعہ، آواز اور ایجنسی کو تقویت ملتی ہے۔ انہوں نے اس بات پر زور دیا کہ محنت کی غیر مساوی تقسیم، بلا معاوضہ نگہداشت کے کام کے بوجھ، اور خواتین کے لیے حقوق اور استحقاق کی کمی کو سمجھنے کے لیے اہم خود آگاہی ضروری ہے۔ انہوں نے ملک بھر میں ہرسیلف ہیلپ گروپ ایس ایچ جی کے منفرد چیلنجوں کے مطابق ، سیاق و سباق سے متعلق مخصوص حل پر زور دیا اور تجرباتی سیکھنے اور سول سوسائٹی کی تنظیموں کے ساتھ شراکت کو مضبوط بنانے کے لیے ایمرشن سائٹس قائم کرنے کی سفارش کی۔

ایڈیشنل سکریٹری، دیہی ترقی جناب چرنجیت سنگھ نے کہا کہ صلاحیت کی تعمیر ایک مسلسل عمل ہے۔ انہوں نے ایس ایچ جیز، ولیج آرگنائزیشنز ، کلسٹر لیول فیڈریشنز  اور سوشل ایکشن کمیٹیوں  کی صلاحیتوں کو بڑھانے پر زور دیا۔ انہوں نے ایس ایچ جی اراکین کے لیے بہتر قانونی اور نفسیاتی مدد کی ضرورت پر زور دیا اور خواتین کے لیے دستیاب قانونی علاج کے بارے میں معلومات پھیلانے کے لیے محکمہ انصاف کے ساتھ تعاون کی تجویز رکھی۔

اس تقریب میں صنفی جوابی کمیونٹی کے اداروں، کنورجنس کے راستوں، پروگرام کے ڈیزائن میں صنف کو ضم کرنے، اور اتحاد نیز وکالت سمیت چار موضوعات پر پینل مباحثے ہوئے۔ شرکاء میں پنچایتی راج کی وزارت، خواتین اور بچوں کی ترقی کی وزارت، ، ایس ایچ جی ، ایس آر ایل ایمز  کے اراکین، صنفی ماہرین اور سول سوسائٹی کے شراکت دار شامل تھے۔

 کلیدی بات چیت خواتین کو بااختیار بنانے کی راہ میں حائل رکاوٹوں پر مرکوز تھی، جس میں بلا معاوضہ کام، لیبر کی صنفی تقسیم، اجرت میں فرق، اور زراعت میں ملکیت کی کمی شامل تھی۔ ، ایک عالمی وکالت پروگرام نئی چیتنا پہل جو اب اپنے تیسرے سال میں ہے، اجتماعی کارروائی کے ذریعے ان مسائل کو حل کرنے کے لیے اس کا تذکرہ  کیا گیا ۔ ایک اہم نکتہ یہ اٹھایا گیا  کہ ا ن مسائل کا زیادہ موثر طریقے سے  حل نکالنے کے لئے این آر ایل ایم مشن کے تمام عملےکے اہلکاروں، پنچایت کے نمائندوں اور ادارہ جاتی متعلقین کے لیے صنفی تربیت کی ضرورت ہے۔

یہ  بات بھی محسوس کی گئی کہ صنف ایک اہم مسئلہ ہے جس کو تمام شعبوں بشمول معاش اور ادارہ جاتی میکانزم میں ضم کرنے کی ضرورت ہے۔ مباحثوں کے دوران روایتی صنفی اصولوں کو چیلنج کرنے اور جامع جگہیں بنانے کے لیے مردوں، لڑکوں اور نوجوانوں کو شامل کرنے کی اہمیت پر زور دیا۔ اسی طرح سے کنبوں میں  بھی صنفی مساوات کو فروغ دینے اور کاشتکاری اور مقامی اداروں میں خواتین کی قیادت کو فروغ دینے میں ایس ایچ جیز کے کردار کو بھی  تسلیم کیا  گیا۔

یہ کنکلیو نہ صرف این آر ایل ایم کے اندر بلکہ اس سے آگے، اس بات کو یقینی بنانے کے لئے پورے ہندوستان میں دیہی خواتین کو مکمل اور تشدد سے پاک زندگی گزارنے کے لیے بااختیار بنایا جائے،ادارہ جاتی میکانزم کو مضبوط بنانے، باہمی تعاون کی کوششوں کو وسعت دینے اور صنفی مرکزی دھارے میں شامل کرنے کے لیے ایک مضبوط حکمت عملی تیار کرنے کے ساتھ اختتام پذیر ہوا۔

*******

ش ح۔ش ار۔  ج

Uno-238