حکومت ہند اگلے سال کے اوائل میں 5 سے 9 فروری تک عالمی سمعی – بصری  اور تفریح  سمٹ (ویوز) کی میزبانی کرنے کی تیاری کر رہی ہے، تاکہ ہندوستان کی میڈیا اور تفریحی صنعت کو تقویت ملے اور اس کے عالمی اثر و رسوخ کو بڑھایا جا سکے۔

آج شہر میں جواہر لعل نہرو آرکیٹیکچر اینڈ فائن آرٹس یونیورسٹی (جے این اے ایف اے یو) میں ویوز کو فروغ دینے کے لیے ایک روڈ شو سے خطاب کرتے ہوئے، اطلاعات و نشریات کی وزارت کے سکریٹری، جناب سنجے جاجو نے کہا کہ ویوز پہلی عالمی سربراہی کانفرنس ہوگی، جس میں میڈیا اور تفریحی صنعت کےپورے پہلوؤں کا احاطہ کیا جائے گا۔ اس تقریب میں شرکت کرتے ہوئے حکومت تلنگانہ کے آئی  ٹی،  الیکٹرانکس اینڈ کمیونیکیشنز کے محکمے کے   اسپیشل چیف سکریٹری جناب جیش رنجن نے کہا کہ ریاست کے پاس اس شعبے میں اختراعات کو فروغ دینے کے لیے ایک تیار شدہ  ایکو سسٹم ہے اور اسے قومی سطح پر لے جانے میں خوشی ہوگی۔

آئی اینڈ بی کےسکریٹری جناب سنجے جاجو حیدرآباد میں ویوز سمٹ کے بارے میں بریفنگ دیتے ہوئے

جناب جاجو نے کہا کہ ویوز  میڈیا اور تفریحی صنعت (ایم اینڈ ای) اور ٹیکنالوجی کے درمیان قریبی مربوط کوششوں کا مشاہدہ کرے گی۔ ویوز کا مقصد ترقی پذیر ایم اینڈ ای صنعت کے منظر نامے میں مکالمے، تجارتی تعاون اور اختراع کو فروغ دینے والا ایک اعلیٰ فورم بننا ہے۔ یہ سمٹ صنعت کے رہنماؤں، اسٹیک ہولڈرز، اور اختراع کاروں کو مواقع تلاش کرنے، چیلنجوں سے نمٹنے، تجارت کو ہندوستان کی طرف راغب کرنے اور اس شعبے کے مستقبل کی تشکیل کے لیے منعقد کی جائے  گی ۔

اس سے پہلے دن میں وزارت  اطلاعات ونشریات کے سکریٹری (آئی اینڈ بی) جناب سنجے جاجو نے فلم ایسوسی ایشنز اور اے وی جی سی سیکٹر کے صنعت کاروں سے ملاقات کی۔ حیدرآباد کے سی بی ایف سی ریجنل آفس کے زیر اہتمام میٹنگ میں انہوں نے فلم انڈسٹری کو درپیش پائریسی کے خلاف تعزیری اقدامات پر سختی سے عمل درآمد کا وعدہ کیا۔ جناب جاجو نے گیمنگ انڈسٹری کے اسٹیک ہولڈرز کو حکومت کی حمایت کا بھی یقین دلایا۔

جناب جاجو نے کہا کہ ویوز  میڈیا اور تفریحی صنعت (ایم اینڈ ای) اور ٹیکنالوجی کے درمیان قریبی مربوط کوششوں کا مشاہدہ کرے گی۔ ویوز کا مقصد ترقی پذیر ایم اینڈ ای صنعت کے منظر نامے میں مکالمے، تجارتی تعاون اور اختراع کو فروغ دینے والا ایک اعلیٰ فورم بننا ہے۔ یہ سمٹ صنعت کے رہنماؤں، اسٹیک ہولڈرز، اور اختراع کاروں کو مواقع تلاش کرنے، چیلنجوں سے نمٹنے، تجارت کو ہندوستان کی طرف راغب کرنے اور اس شعبے کے مستقبل کی تشکیل کے لیے منعقد کی جائے  گی ۔

اس سے پہلے دن میں وزارت  اطلاعات ونشریات کے سکریٹری (آئی اینڈ بی) جناب سنجے جاجو نے فلم ایسوسی ایشنز اور اے وی جی سی سیکٹر کے صنعت کاروں سے ملاقات کی۔ حیدرآباد کے سی بی ایف سی ریجنل آفس کے زیر اہتمام میٹنگ میں انہوں نے فلم انڈسٹری کو درپیش پائریسی کے خلاف تعزیری اقدامات پر سختی سے عمل درآمد کا وعدہ کیا۔ جناب جاجو نے گیمنگ انڈسٹری کے اسٹیک ہولڈرز کو حکومت کی حمایت کا بھی یقین دلایا۔

فلم ایسوسی ایشنز اور اے وی جی سی سیکٹر کے اسٹیک ہولڈرز کی میٹنگ سے جناب سنجے جاجو اور جناب جیش رنجن خطاب کرتے ہوئے

جناب اجے دھوکے، این ایف ڈی سی کے جی ایم اور  ویوز کے سی ای او، جناب راجندر سنگھ، سی بی ایف سی کے سی ای او،محترمہ شیفالی کمار ، آر او اور جناب راہل گولیکرسی بی ایف سی حیدرآباد سے ای او نے میٹنگ میں شرکت کی۔

************

U.No:211

ش ح۔اک۔ق ر