ٹیکسٹائل کی وزارت اور اس کی تنظیموں نے کل ملک کے تمام دفاتر میں صفائی مہم کے لیےتیاری مکمل کرلی ہے۔ ان اقدامات میں دفتر کے احاطے میں صفائی مہم، قریبی مقامات، کچڑے کو الگ کرنے، ڈارک اسپاٹ(سیاہ دھبے) کی نشاندہی، ریکارڈ رومز کی صفائی اور دفتر کے احاطے کی تزئین کاری سمیت متعدد سرگرمیاں شامل  ہیں۔

نیشنل انسٹی ٹیوٹ آف فیشن ٹیکنالوجی ، کنور کے ذریعہ صفائی مہم          -  قومی جوٹ بورڈ کے ذریعہ ڈارک اسپوٹ کی نشاندہی اور صفائی

‘ویسٹ  ٹو ویلتھ’  موضوع کے تحت  نئے خیالات اور سرگرمیاں شروع کی گئی ہیں، جس میں پائیداری پر توجہ مرکوز کرتے ہوئے  5 آر ، ریفوز، رڈیوس، ری یوز، ری پرپز اور ری سائیکل پر زور دیاگیا۔ ٹیکسٹائل کمیٹی نے ‘‘تبدیلی کے تانے بانے: پائیداری  اور تفویض  اختیارات  وضع  کرنا’’  کے موضوع کے تحت ماحولیات اور سماجی بہبود پر  اَپ سائیکلنگ کے اثرات کو اجاگر کیا،جو کہ  سووچھتا ہی سیوا کے اہداف سے ہم آہنگ ہے۔

ٹیکسٹائل کمیٹی کے زیر اہتمام ‘‘تبدیلی کے تانے بانے: پائیداری  اور تفویض  اختیارات  وضع  کرنا’’

ڈیولپمنٹ کمشنر (ہینڈی کرافٹ) کے دفتر نے کچڑے کو آرٹ میں بدلنے کی ایک پہل کی ہے۔ اس دفتر نے ہاؤس کیپنگ کے عملے/ ایم ٹی ایس/ملازمین کی مدد سے شیشے، دیا، پلانٹر وغیرہ کی شکل میں ‘ویسٹ ٹو آرٹ’ کے تحت مصنوعات تیار کیں۔ ان اقدامات نے کچڑے کو قیمتی مصنوعات میں بدل دیا،جس  نےکمیونٹیز کو بااختیار بنایا اور یہ پائیدار اور بامعنی تبدیلی کو فروغ دینے کے لیے مثالی بنا۔

اس کے علاوہ پبلک سیکٹر انڈر ٹیکنگس بشمول کاٹن کارپوریشن آف انڈیا، نیشنل ٹیکسٹائل  کارپوریشن  ، جوٹ کارپوریشن آف انڈیا اور دیگر میں ‘ایک پیڑ ماں کے نام’پہل کے تحت بڑے پیمانے پر شجرکاری مہم کو انجام دیا گیا۔

نیشنل ٹیکسٹائل کارپوریشن میں  ایک پیڑ ماں کے نام

صفائی سے متعلق بیداری کو فروغ دینے کے لیےوزارت ٹیکسٹائل کے ہیڈ کوارٹر میں ایک سیلفی پوائنٹ قائم کیا گیا اور لوگوں کو سووچھتا ہی سیوا ہیش ٹیگ کا استعمال کرتے ہوئے اپنی سیلفیز سوشل میڈیا پر شیئر کرنے کے لیے حوصلہ افزائی کی گئی۔

******

ش ح۔ م ع ن۔م ذ

U:199