ৱার্ল্দ ফুদ ইন্দিয়া ২০২৪ পাঙথোকপগী মতাংদা তাবদা নুংঙাইবা ফাউজৈ। মালেমগী তোঙান-তোঙানবা মফমশিংদগী লেঙবীরক্তুনা শরুক য়াবীরিবশিংগী মফমদা ইকাইখুম্নবা অমসুং য়াইফ পাউজেল পীজরি।

লৈবাক কয়াদগী শরুক য়ারবনা ৱার্ল্দ ফুদ ইন্দিয়া ২০২৪বু মালেমগী ফুদ ইন্দস্ত্রী, একাদেমিয়া অমসুং রিসর্চতগী লৈরিবা খ্বাইদগী ৱাখল ফরবা মীওইশিংনা হেনগৎলক্লিবা খুদোংচাবা লান্থোক্নবা অমসুং অমনা অমদগী হৈশিংবশিং লান্থোক্ননবগী অচুম্বা মফম অমা ওইরে হায়বা তাক্লে।

ভারত্তা তোঙান-তোঙানবা চীঞ্জাক্কী চৎনবী লৈ। ভারতকী চীঞ্জাক্কী ইকোসিস্তেম অসিগী য়াঙলেন শরূদি লৌমীশিংনি। হাওর-হাওরবা অমসুং মচি ওইবা চীঞ্জাক কয়াগী হৌরকপফমদি লৌমীশিংনি। মখোয়গী হোৎনবা কনবা মতৌবু ঐখোয়না অনৌবা থৌশিল অমসুং নীংথিনা চলাইদুনা মতেং পাংলি।

অনৌবা য়ুগ অসিদা, প্রোগ্রেসিব ওইবা লৌউশিংউগী থৌরাং, মপাঙ্গল লৈরবা এদমিনিস্ত্রেতিব ফ্রেমৱার্কশিং অমসুং অনৌবা তেক্নোলোজী কয়াগা লোইননা ঐখোয়না ভারতপু অনৌবা, তুং কোইনা চৎপা অমসুং অশোই অঙাম য়াওদবা চীঞ্জাক্কী সেক্তর অমা পুরক্তুনা মালেমগী বেঞ্চমার্ক অমা ওইহন্নবা হোৎনরি।

হৌখিবা চহি ১০ রোম অসিদা ঐখোয়না চীঞ্জাক প্রোসেসিং তৌনবা সেক্তর অসিবু অহোংবা পুরক্নবা তোঙান-তোঙানবা রিফোর্ম কয়া হৌদোকখ্রে। মলতি দাইমেন্সনেল ওইবা থৌরাংশিং হায়বদি ফুদ প্রোসেসিংদা ১০০% এফ.দি.আই., প্রধান মন্ত্রী কিসান সম্পদ য়োজনা, মাইক্রো ফুদ প্রোসেসিং এন্তর্প্রাইজ, ফুদ প্রোসেসিং ইন্দস্ত্রীশিংগী প্রদক্সন লিঙ্ক ইন্সেন্তিব স্কিম, মপাঙ্গল লৈরবা সপ্লাই চেন অমসুং লৈবাক শীনবা থুংবদা থবক পীনবা হোৎনরি।

ঐখোয়গী মঙলানগী মরুওইবা শরুক অমা হায়রবদি অপীকপা এন্তর্প্রাইজশিংবু শক্তি পীবনি। ঐখোয়না ঐখোয়গী এম.এস.এম.ই.শিংবু চাউখৎহনবা পাম্মি অমসুং মালেমগী ভেল্যু চেনগী মরুওইবা শরুক অমা ওইহনবা পাম্মি অমসুং মসিগা লোইননা, নুপীশিংবু মাইক্রো ওন্ত্রপ্রিনর ওইহনবা পাম্লি।

অসিগুম্বা তানফম অসিদা, ৱার্ল্দ ফুদ ইন্দিয়া হায়বসি ঐখোয়না মালেমগা লোইননা বি২বি ইন্তরেক্সন অমসুং একজিবিসনশিং, রিভর্স বাইয়র-সেল্লর মিত, অমসুং লৈবাক, রাজ্য অমসুং সেক্তর স্পেসিফিক সেসনশিংগা লোইননা থবক পায়খৎমিন্ননবা মতীক চাবা ফম্বাক অমা ওইরি।

মসিগী মথক্তা,  ফুদ সেফতী স্তেন্দার্দ ওথোরিতী ওব ইন্দিয়া –ফসাইগা লোইননা দব্ল্যু.ঐচ.ও., এফ.এ.ও. অমসুং তোঙান-তোঙানবা মতীক লৈবা দোমেস্তিক ইন্সতিত্যুতশিংগা লোইননা ফুদ সেফতী, ক্বালিতী স্তেন্দার্দ অমসুং খ্বাইদগী প্রেক্তিস পায়খৎনবা গ্লোবেল ফুদ রিগুলেতর সম্মিত পাঙথোক্লি।

মখা তানা, ঐহাক্না থাজৈ মদুদি ফুদ সেফতী হেনগৎনবা অমসুং চীঞ্জাক মাঙবা হন্থনবা, পাম্বীশিংদা য়ুম্ফম ওইবা প্রোতিনশিংনা মচি ওইবা চীঞ্জাক হেনগৎনবা অমসুং তুং কোইনা চৎপা হেনগৎনবা অমসুং সার্কুলার ওইবা শেন্মিৎলোন শেমগৎনবা ফুদ ইরাদিএসনগুম্বা মরুওইবা তোপিকশিং উৎকনি।

ঐখোয়না মাঙজিল থানা চঙশিন্দুনা তুং কোইনা চৎপা য়াবা, অশোই অঙাম য়াওদবা, মচি ওইবা চীঞ্জাক মরাং কায়না ফংবা মালেম অমগী মঙলান মঙফাওনহন্নবা চঙশিল্লসি।

***