পঞ্চাচতী রাজ মন্ত্রালয়না ভারত মন্দপপম, হোল নম্বর ১২এ, প্রগতী মৈদান, নই দিল্লীদা, সেপ্তেম্বর ১৭ দগী ২০, ২০২৪ ফাওবা পাঙথোক্কদৌরিবা ৮শুবা ইন্দিয়া ৱাতর ৱীক অমসুং একজিবিসন্দা খোঙবু মন্ত্রালয় অমা ওইনা শরুক য়াগদৌরি‍। থৌরমসিগী থীম “পার্তনরসিপ এন্দ কোওপরেসন ফোর ইনক্লুজিব ৱাতর দিভেলপমেন্ত এন্দ মেনেজমেন্ত” অসি ভারতকী খুঙ্গংগী লমশিংদা সস্তেনেবল ৱাতরগী থৌওংশিং খুমাঙ চাওশিলহন্নবগীদমক রিসোর্সশিং খোমজিন তাশিন্দুনা তার্গেতেদ পঞ্চায়ত দিভেলপমেন্ত প্লানগী খুত্থাঙদা লোকেলাইজেসন ওফ সস্তেনেবল দিভেলপমেন্ত গোল্সকী পায়খৎলিবা থৌরাংশিংগী মনুং চন্না ঈশিং মরাঙ কায়বা খুঙ্গংশিং শেমগৎনবা লেপ্লিবা ফিরেপকী পরিংদা লৈরি‍।

মন্ত্রালয় অসিগী একজিবিসন স্তোলনা লৈবাক শিন্বা থুংবদা লৈরিবা গ্রাম পঞ্চায়তশিংদগী ঈশিং য়োকশিন্বা, নোংগী ঈশিং লোকশিন্বা, লৈনুংগী ঈশিং অমুক থনগৎহন্বা, ঈশিং য়েন্থোকপা, ঈশিং য়েন্থোকপদা রেসনিং তৌবনচিংবা ঈশিং মেনেজ তৌবগী খ্বায়দগী ফবা থৌওংশিং উৎকনি‍। পন্বা য়াবা খুদম অমদি উত্তরাখন্দগী পাউরী গরৱাল দিস্ত্রিক্তা লৈবা কোথর গ্রাম পঞ্চায়ত্তা চীংজাও অমগী মখোঙদা ঈশিং য়োকশিন্নবা অচৌবা ইকোন অমা শেমগত্তুনা মদুদগী মনাক নক্বা খুঙ্গংশিংদা পম্প হাউস অমগী খুত্থাঙদা ঈশিং য়েন্থোক্লিবসিনি‍। প্রোজেক্ত অসিদা গ্রাম পঞয়্চায়ত অসিনা ঈশিং মরাঙ কায়না ফংহন্নবগীদমক থবক ওইনা পায়খৎপা য়াবা, ইনোভেতিব ওইবা পাম্বৈশিং পুথোকপদা পুক্নিং চঙলিবা অসিগী মমি তারি‍।

মসিগী মথক্তা, ৱাতর ATM কিওস্ক লিংখত্তুনা খুঞ্জাশিংদা RO+UV ঈশিং য়েন্থোক্লিবা মনিপুরগী কৈনৌ গ্রাম পঞ্চায়তকী ইনোভেতিব ওইবা থৌওং, ভংমুন (দিস্ত্রিক্ত – জম্পুই হিল্স, ত্রিপুরা), চিলুবুরু (দিস্ত্রিক্ত – গুন্তুর, অন্ধ্র প্রদেশ), বিরগঞ্জ (দিস্ত্রিক্ত – গোমতী, ত্রিপুরা), হিৱারে বজার (দিস্ত্রিক্ত – অহমদনগর, মহারাস্ত্র), বজারৱদা (দিস্ত্রিক্ত – ৱর্ধা, মহারাস্ত্র), অমসুং খুর্সাপুর (দিস্ত্রিক্ত – নাগপুর, মহারাস্ত্র) অসিনচিংবা গ্রাম পঞ্চায়তশিংনা ঈশিং য়োকশিন্বা অমদি শিন-লাংবগী লমদা পায়খৎলিবা থৌরাংশিংসু উৎকনি‍।

ঈশিং মরাঙ কায়বা পঞ্চায়ত হায়রিবা অসি লোকেলাইজেসন ওফ সস্তেনেবল দিভেলপমেন্ত গোল্স (LSDGs)কী থীম মাপনগী মনুংদা অমনি‍। মসিনা অরুবা ঈশিং ফংহন্নবা, সেনিতেসন পুক্নিং থৌগৎনবা, অমসুং তুং কোইগদবা ঈশিং শিন লাংবগী থৌরাংশিং য়োকখৎনবা পান্দম থম্লি‍। পঞ্চায়তী রাজ মন্ত্রালয়না তোঙান তোঙানবা মন্ত্রালয় অমদি দিপার্তমেন্তশিংগা খুৎশম্নরগা শেমখিবা থীম মাপনমক অমগা অমগা মরী লৈনৈ, অমদি খুঙ্গংগী লমদা মপুং ফাবা চাওখৎপগী পান্দম ফংনবগীদমক পুন্না চৎমিন্নৈ‍।

পঞ্চায়তী রাজ মন্ত্রালয়না ভারতকী খুঙ্গংগী লমদমদা ঈশিংগী শিংনবশিংগী পাম্বৈ পুরকপদা গ্রাম পঞ্চায়তশিংনা লৌরিবা মরুওইবা শক্লোনবু শকখঙলি‍। পঞ্চায়তী রাজ মন্ত্রালয়না পঞ্চায়তী রাজ ইন্সতিতঞুসনশিং (PRIs) খুঙ্গংগী লমদমগী মীয়ামশিং, অতৈ স্তেকহোল্দরশিং অমসুং মীদিয়াগীম ফমদা হায়রিবা মীয়ামগী য়াইফনবা থবক থৌরমশিংদা ইচঙ থৌনা শরুক য়াননবা ৱাফম থম্লি‍। খুঙ্গংগী লমশিংদা ঈশিং শিন লাংবা হায়বসি অপুন্বগী থৌদাং ওইবা মরম্না থৌরাংশিং অসিনা মায় পাকপা হায়বসি মীয়ামদা পাক শন্না খঙহন্বা অমসুং পুন্না থবক পায়খৎমিন্নবগী মখা য়াম্না পোল্লি‍।

৮শুবা ইন্দিয়া ৱাতর ৱীক্না মিসন অসিদা লৈরিবা স্তেকহোল্দর পুম্নমক পুনশিন্নবা নীংথিরবা তাঞ্জা অমা পীরি‍। LSDGs গী ৱাতর সফিসিএন্ত পঞ্চায়ত থীমগী মখাদা থবক নীংথিনা তৌরিবা পঞ্চায়ত খরগী মীহুৎশিং ৮শুবা ইন্দিয়া ৱাতর ৱীক অসিদা মীথুং ওইনা শরুক য়াগদৌরি‍। ভারত পুম্বদা লৈরিবা গ্রাম পঞ্চায়তশিংগী মীহুৎশিংনা ইন্দিয়া ৱাতর ৱীক ২০২৪দা শরুক য়াননবা পুক্নিং থৌগৎলদুনা পঞ্চায়তী রাজ মন্ত্রালয়না মশক থোকপা খোঙথাঙ অমা লৌখৎলি‍। থৌরাং অসিদা ঈশিং শিন-লাংবগী লৈবাক্কী ওইনা খন্নবদা গ্রাসরুত্তা লৈরিবশিংনা শরুক য়াহন্নবা মন্ত্রালয়না লেপ্লিবা খোঙফমগী মমি তারি‍।

পঞ্চায়তী রাজ মন্ত্রালয়না পঞ্চায়তশিংগী মীখল মায় পাক্লবা মীহুৎশিং অমসুং থৌমীশিং য়াওনা মরুওইবা স্তেকহোল্দরশিংগা লোয়ননা তোঙান তোঙানবা কন্ফরেন্স, ৱর্কসোপ, কেপাসিতী বিল্দিং, ত্রেনিং, অমসুং ইন্সেন্তিভাইজেসন ইন্তরভেন্সন, অমসুং চাং নাইনা ৱারী ৱাতায় শানবনচিংবা পাঙথোক্তুনা ঈশিং মরাঙ কায়হন্নবা থৌরাংশিং লেপ্পা লৈতনা শৌগৎলি‍। ৱাতর সফিসিএন্ত পঞ্চায়ত অমসুং ক্লীন অমদি গ্রীন পঞ্চায়তশিংদা মীৎয়েঙ থম্বা LSDGsকী মতাঙদা নেস্নেল কন্ফরেন্স অমা অজাদী কা অমৃৎ মহোৎসব (AKAM) আইকনিক ৱীককী শরুক অমা ওইনা এপ্রিল ১৬, ২০২২দা পাঙথোকখি‍। মসিগী মতুংদা পুনে, মহারাস্ত্রদা সেপ্তেম্বর ২২দগী ২৪, ২০২২ ফাওবদা হায়রিবা থীম অসিমক্তদা নেস্নেল থীমেতিক ৱর্কসোপ অমা পাঙথোকখি‍। নেস্নেল পঞ্চায়তী রাজ নুমিৎকী (এপ্রিল ২৪, ২০২৩) মাঙওইননা, মশা মউ ফবা পঞ্চায়ত, ঈশিং মরাঙ কায়বা পঞ্চায়ত, অমসুং ক্লীন অমদি গ্রীন পঞ্চায়ত হায়রিবা হীরমশিংদা মীৎয়েঙ থম্বা নেস্নেল কন্ফরেন্স ওন LSDGs অমা এপ্রিল ২০, ২০২৩দা পাঙথোকখি‍।

কন্ফরেন্স অমসুং ৱর্কসোপশিং অসিনা থবক নীংথিনা পায়খৎলিবা পঞ্চায়তশিংগীদমক মখোয়গী খ্বায়দগী ফবা থৌওংশিং মীয়ামগী মফমদা পুথোক্নবা ফম্পাক অমা পীদুনা, ঈশিং তুং কোইনা চৎহন্নবগী মায়কৈদা লৈবাক পুম্বগী ওইবা ঈহৌ অমা শাগৎনবা পুক্নিং থৌগৎলি‍। ইকায়খুম্নরবা প্রধান মন্ত্রী বিক্সিত ভারতকী মঙলান পরিংদা, পঞ্চায়তশিংনা খঙ্গংগী লমশিংদা ঈশিং শিন লাংবা, ঈশিং য়োকশিন্বা, অমসুং অরুবা থক্নবা ঈশিং ফংহন্নবগগী থবক থৌরমশিং পায়খৎপদা মরুওইবা শক্লোন অমা লৌদুনা, লোকেলাইজেসন ওফ সস্তেনেবল দিভেলপমেন্ত গোল্স (LSDGs) কী লমদা অমসুং নুংঙাই য়াইফবা অমদি তুং কোইগদবা তুংলমচৎ অমগী মায়কৈদা ভারতনা থাংজিল্লিবা খোঙথাঙগী লমদা মশক থোকপা থৌদাং য়ারি‍।

পঞ্চায়তী রাজ মন্ত্রালয়না থবক খ্বায়দগী নীংথিনা তৌবা পঞ্চায়তশিং নেস্নেল পঞ্চায়ত এৱার্দকী খুত্থাঙদা ইন্সেন্তিভাইজ তৌরি‍। হায়রিবা মনাশিং অসি, SDGs ১৭ পুন্শিন্দুনা শেম্বা লোকেলাইজেসন ওফ সস্তেনেবল দিভেলপমেন্ত গোল্স (LSDGs)কী পরিংগা চানহন্দুনা নৌনা শেমদোক্লে অমদি ২০২২দা হৌদোকখ্রে‍। মসিগী মতুং ইন্না, পঞ্চায়তী রাজ মন্ত্রালয়না ৱাতর সফিসিএন্ত পঞ্চায়ত থীমগী মখাদা থবক নীংথিনা তৌবা পঞ্চায়তশিংগী ওইবা ইন্সেন্তিব মেকানিজম অমা পুথোক্তুনা, অতৈবুসু মান্নবা থৌওংশিং পায়খৎনবা পুক্নিং থৌগৎলি‍। শিংথানিংঙাই ওইবা পঞ্চায়তশিংদা মখোয়গী মায় পাকপশিং তম্নবা, মখোয়গী গ্রাম পঞ্চায়তকী মায় পাক্লবা ঈশিং শিন লাংবগী থৌরাংশিং মতৌ তমহন্নবা অতৈদা পুক্নিং থৌগৎনবা লৈবাক্কী থাক্কী ফম্পাকশিং পীরি‍। পঞ্চায়ত দিভেলপমেন্ত ইন্দেক্স (PDI)গী খুত্থাঙদা লৈরিবা খোঙজেলশিং য়েংশিন্দুনা একাউন্তেবিলিতী অমসুং লেপ্পা লৈতনা ফীভম ফগৎহন্নবা থৌরাংশিং পায়খৎপা য়াহল্লি‍।

৮শুবা ইন্দিয়া ৱাতর ৱীক মনুংদা, ঈশিংগী সেক্তরদা খ্বায়দগী ফবা থৌওংশিংগী মতাঙদা পাঙথোক্কদবা থীমেতিক সেসন অমনা ভারত পুম্বদগী তোঙান তোঙানবা স্তেত অমসুং য়ুনিয়ন তেরিতরীশিংগী মায় পাক্লবা থৌরাংশিংদা মরুওইবা মীৎয়েঙ থমগনি‍। সেসন অসিনা স্তেতশিংগী মরক্তা খুৎশম্ননা চৎমিন্ননবা হেনগৎহন্নবা অমসুং লৈবাক পুম্বদা ঈশিংগী অৱাবা কোকহন্নবা শীজিন্নবা য়াবা মোদেলশিং পুথোক্নবা পান্দম থম্লি‍।

*****