Ka Sorkar Pdeng ka dang thmu ban don ka jingkylla hapoh ka por ba la buh ha kumba ar lak tylli ki jaka ba jynjar bad ba jaboh ha kane ka prokram ‘Swabhav Swachhata Sanskaar Swachhata (4S)’ 2024 kaba long ka phang jong ka Swachh Bharat Mission (SBM) na ka bynta une u snem. Kine ki Cleanliness Target Unit (CTU) - स्वच्छ ता लक्षित एकाई ki long ka mat ba kongsan jong ka prokram mynta u snem bad ka don bynta bad ka jingithuh ia ki CTU bad ka jingbuh dak ia ki lyngba ka rynsan. Ia kane la pynbna da u Myntri Sorkar Pdeng ba dei khmih ia ka tnad Housing and Urban Affairs, Manohar Lal bad u Myntri Sorkar Pdeng ba dei khmih ia ka tnad Jal Shakti, C R Patil ha ka prokram shuwa ban sdang kane ka kam ba la pynlong ha Sushma Swaraj Bhawan ha New Delhi mynta ka sngi.

Kine ki myntri ki la pynbna ba la pynshlur ia ki PSU jong ka Sorkar Pdeng, ki kompani ba iasnoh kti lang ha kane ka kam bad ki NGO ba kin pdiang ia ki CTU. Kane ka kam ka kynthup ia ki jingpynkhuid ha ki jaka bapher bapher kum ki jaka jngoh kai, ki jaka paidbah, ki jaka ba khlain ka iadie iathied, ki painkhana paidbah, ki jaka shong um, ki zoo, ki sanctuary lyngba ka shramdaan & ka jingiatreilang.

Baroh ki tnad Sorkar Pdeng bad ki Jylla ki dang pynkhreh ia ki prokram ban iakren bad ki paidbah. Kane ka kam kan sdang ha ka 17 tarik u Nailur bad kan kut ha ka 2 tarik u Risaw, 2024 ka lyngkhuh sngi kha jong u Mahatma Gandhi.

U Myntri Sorkar Pdeng ba dei khmih ia ka tnad Housing and Urban Affairs, Manohar Lal, u la ong ba kane ka prokram mynta u snem ka la kiew na ka ‘Jingkhuid ka dei ka Jingai Jingshakri’ sha ka ‘Jinkhuid ka dei ka Swabhav & Sanskaar’ jong baroh ki briew ha ka imlang sahlang. U la ong ba kane ka dei ka jingiakhih paidbah kaba heh tam ha ka pyrthei bad ka dei ka lad ban wanrah shakhmat ia baroh kawei ka imlang sahlang bad baroh kawei ka Sorkar ban buh ia ka nuksa kaba bha ia ka pyrthei.

U Myntri u la pyntip ba ki don kumba 2,300 tylli ki jaka theh niut ha ki jaka sor kiba don kumba 22 Klur Metric Ton ki jaboh bad na kine 427 klur ki jaka theh niut kiba don 9 klur metric ton ki jaboh ki dei kiba la pynbeit bad ka jaka ba la ioh biang namar kane ka long 4,500 acre. U la ong ba kane ka kam ka thmu ban wanrah ia ka jingkylla na ka jinglum na ki iing sha 100% ka jingpynkhuid.

Ha kane ka sngi, u Myntri Sorkar Pdeng ba dei khmih ia ka tnad Jal Shakti, C R Patil u la ong ba palat 93% ki longkmie ha ka ri mynta ki ioh ban pyndonkam ia ki painkhana bad katkum ka kaiphod ba dang shen jong ka WHO, kane ka kam ka la pynduna ia ka jingkhlad ki khyllung da kumba 3 lak ha ki 5 snem ba nyngkong jong kane ka kam. U Patil u la ong ba ha u 2014, ka Swachh Bharat Mission ia kaba la pynbna na ki kynroh jong ka Red Fort ha Delhi da u Myntri Rangbah Duh Narendra Modi, ka la kylla sha ka jingiakhih paidbah na ka bynta ka jingkylla ha ka rukom im bad mynta ka pyrthei baroh kawei ka la ithuh ia ka kum ka sienjam kaba donbor ban tehlakam ia ka jingkhlad ki khyllung, ka jingpynduna ia ka jingioh pang bad ka jingkyntiew ia ki lad kamai kajih.

U Myntri Khynnah ba dei khmih ia ka Tnat Housing & Urban Affairs, Tokhan Sahu ryngkat ki ophisar jong ka Tnat Housing and Urban Affairs (MoHUA), Tnat Drinking Water and Sanitation (DDWS), Tnat Jal Shakti, Tnat Rural development, Tnat Panchayati Raj bad ki sorkar jylla ki la iadonlang ha kane ka jingialang.

Shiphew snem ki sienjam Swachhata kiba la wanrah jingkylla

Ka campaign SBM, kaba la sdang ha ka 2 tarik Risaw 2014 da u Myntri Rangbah duh Narendra Modi, ka long ka dak jong ka rukom treikam ‘ba kynthup ia baroh ka imlang sahlang’ ban pynlong ia ka jingkhuid jingsuba ‘ka kam jong baroh’.

Ka campaign ka thmu ban ai mynsiem ia ka jingkylla sha ka rukom im kaba iaineh, ka jingpyniaoshlang ia ka jingkhuid jingsuba bad ki jingmlien ba man ka sngi, bad kyntiew ia ka jingiashim bynta ki paidbah ban pynthikna ia ka jingkhuid jingsuba bad ka mariang kaba koit ba khiah.  

Ha ka jingrakhe ia ka sngi ioh jinglaitluid jong ka ri, u Myntri Rangbah duh Narendra Modi u la ban biang kumno ka Swachhata ka la long ka bynta ba kongsan ha ka imlang sahlang jong ka ri, kaba la ai mynsiem ia ki jingkylla ha kylleng ka ri.

Ia ka campaign mynta u snem la rakhe hapoh ka phang pdeng ‘Swabhav Swachhata Sanskaar Swachhata (4S)’ bad kan sdang naduh 17 tarik Nailur haduh 2 tarik Risaw 2024, kaba long ka lyngkhuh ba 10 jong ka Swachh Bharat Mission.

Ki rishot ba kongsan jong ka Campaign

Ia ka campaign Swabhav Swachhata Sanskaar Swachhata (4S) 2024 la tei ha ki lai tylli ki rishot ba kongsan:

3935614071351. 1. Ki Bhaagidari – ka jingiashim bynta ki paidbah, ka jingai jingtip bad ka jingkyrshan ia ka Swachh Bharat.
3762779027879. 2. Swachhata – ki kam pynkhuid ia ki jaka ba jynjar bad kiba jaboh (ki Cleanliness Target Unit).

97771325961063. 3. Suraksha Shivir – ka jingai jingshakri Single-window, ka jingshngain, bad ki camp na ka bynta ka bha ka miat bad ka koit ka khiah jong ki nongpynkhuid.

Ka rukom treikam ‘jong baroh kawei ka imlang sahlang’ bad ‘baroh kawei ka sorkar’

Ka campaign, ka wanrah ia ka jingiatreilang jong baroh kawei ka imlang sahlang, ki kompani, ki NGO, ki kynhun kiba trei ha ki kam ka roi ka par, ki kynhun ba dei khmih ia ki jaka sor, ki panchayat, bad kito kiba don bynta ha kane ka kam. Shuh shuh, lyngba ka rukom treikam ‘baroh kawei ka sorkar’ baroh ki Jylla, ki Union Territory, ki Myntri Rangbah, ki Tnat sorkar pdeng, bad ki kynhun ha ki shnong kin iashim bynta ban pynthikna ka jingiakhih ha baroh kawei ka ri na ka bynta ka jingkhuid.

Katba ka campaign ka la jan sha ka Swachh Bharat Diwas, ka campaign kan bteng ban wanrah ka jingsted ha ki kam, ka jingiatreilang jong ki paidbah, kaba wanrah ia ka jingsngewthuh, bad nohsynniang sha ka India kaba kham khuid bad kaba koit ba khiah.

*******