பாதுகாப்பு ஆராய்ச்சி மற்றும் மேம்பாட்டு நிறுவனம் (டிஆர்டிஓ) மற்றும் இந்திய கடற்படை ஆகியவை செங்குத்து ஏவுகணை குறுகிய தூர மேற்பரப்பில் இருந்து வான் ஏவுகணை (வி.எல்.எஸ்.ஆர்.எஸ்.ஏ.எம்) அடுத்தடுத்து, வெற்றிகரமாக விமான சோதனைகளை நடத்தியுள்ளன. தொடர்ச்சியான இரண்டாவது சோதனை செப்டம்பர் 13, 2024 அன்று ஒடிசாவின் சந்திப்பூரில் உள்ள ஒருங்கிணைந்த சோதனை வரம்பில் (ITR) நடத்தப்பட்டது.

இந்த ஏவுகணை அதிவேக வான்வழி இலக்கை இடைமறித்து, மிகக் குறைந்த உயரத்தில் பறந்து, கடல்-சறுக்கு அச்சுறுத்தலை உருவகப்படுத்தியது, இது இலக்குகளை நடுநிலையாக்குவதற்கான அதன் துல்லியத்தையும் திறனையும் வெளிப்படுத்தியது. இது செப்டம்பர் 12, 2024 அன்று முந்தைய சோதனையைப் பின்பற்றுகிறது. அப்போது VLSRSAM ஏவுகணை மற்றொரு குறைந்த உயர இலக்கை திறம்பட ஈடுபடுத்தியது. இந்த தொடர்ச்சியான சோதனைகள், ஆயுத அமைப்பின் நம்பகத்தன்மையை நிரூபிப்பது மட்டுமல்லாமல், அமைப்பின் பல்வேறு கூறுகளுக்கு செய்யப்பட்ட சமீபத்திய மேம்பாடுகளையும் சரிபார்க்கின்றன.

இந்த வெற்றிகரமான சோதனைகளுக்காக, பாதுகாப்பு ஆராய்ச்சி மற்றும் மேம்பாட்டு நிறுவனம், இந்திய கடற்படை மற்றும் அதனுடன் தொடர்புடைய அனைத்து குழுக்களையும் பாதுகாப்புத் துறை அமைச்சர் திரு ராஜ்நாத் சிங் பாராட்டியதுடன், நவீன தொழில்நுட்பங்கள் கொண்ட இந்த ஏவுகணை, ஆயுதப்படைகளுக்கு மேலும் தொழில்நுட்ப ஊக்கத்தை அளிக்கும் என்று கூறியுள்ளார்.  

பாதுகாப்பு ஆராய்ச்சி மற்றும் மேம்பாட்டுத் துறை செயலாளரும், டிஆர்டிஓ தலைவருமான டாக்டர் சமீர் வி காமத், வி.எல்.எஸ்.ஆர்.எஸ்.ஏ.எம் ராக்கெட் சோதனைகளில் ஈடுபட்ட குழுக்களை வாழ்த்தினார்.

--- 

MM/KPG/KR