আয়ুশ মন্ত্রালয়না থবক শুফমদা লু-নানবা হেনগৎহন্নবা অমসুং নিংথিনা লু-নান্না থম্নবগী পান্দমদা তৌখিবা স্পেসিয়েল কেমপেন ৩.০ মাইপাকখিবগা লোইননা য়াম্না শিংথানিংঙাই ওইবা মওংদা খুমাং চাউশিনখ্রে। লৈবাক পুম্বগী ওইনা পাংথোক্কদবা অনৌবা থৌরাং অসিগী শেম-শাবা ওইনা, ২০২৩গী নবেম্বরদগী ২০২৪গী ওগস্ত ফাওবদা মন্ত্রালয় অসিনা পন্দুনা লৈরম্বা ইশুশিং মশক খঙদোকখ্রে অমসুং অদুবু লোইশিনখ্রে, মসিদা মেম্বর ওফ পার্লিয়ামেন্তকী রিফরেন্স ৩৩, পার্লিয়ামেন্তরী এসয়ুরেন্স ১৮, পব্লিক গ্রীভান্স ১৩৪৬, পব্লিক গ্রীভান্স অপীল ১৮৭, ফাইল মেনেজমেন্ত তাস্ক ৭৬৫ অমসুং লু-নানবগী কেমপেন ১১ য়াওরি।

মসিগী অনৌবা থৌরাং অসিগী পান্দম অসি ৱার্কিং এনভাইরনমেন্ত ফগৎহনবা অমসুং রিফরেন্স দিসপোজল নিংথিনা তৌদুনা থবক শুবগী এক্সপরিয়েন্স অদুবু হেন্না ফগৎহনবা। ক েমপেন অসিনা মন্ত্রালয়গী ওফিসকী মনুংদা দিক্লতরিং তৌবা অমসুং অরু-অনান ঙাক্না থম্বদা য়াম্না মরু ওইবা থমখি। মসিগী অনৌবা থৌরাং অসি হেন্না ফবা ৱার্ক আতমোসফিয়র অমা লৈহন্নবা অমসুং এমপ্লোয়ীগী প্রোদক্তিবিতী হেনগৎহন্নবা শেমখিবনি।

মন্ত্রালয় অসিনা স্পেসিয়েল কেমপেন ৪.০গীদমক্তা শেম-শারি, লোইননা মখোয়গী ওফিসিয়েলশিংদা লৌহনখিবা ৱারেপশিং অদুগী খুত্থাংদা য়াম্না লু-নানবা অমসুং ৱেস্ত-ফ্রী ওইবা ভারত অমা শেমগৎনবগী অচেৎপা ফিরেপ লৌরি। সেক্রেতরী ভৈদ্য রাজেশ কোতেচানা সেনিয়র ওফিসিয়েলশিংদা মসিগী কেমপেন অসিগী মনুংদা থম্লিবা তার্গেতশিং অদুবু মাইপাক্না ফংবা ঙম্নবগীদমক্তা হোৎনগদবনি হায়খি। মসিগীদমক্তা অখন্নবা তীম অমনা নোংমগী ওইনা কয়া য়াম্না খুমাং চাউশিল্লবগে হায়বদু য়েংশিন্নবা থম্লি। ইনস্তিত্যুতশিং, ওর্গনাইজেশনশিং, অমসুং কাউন্সিলশিংনা মখোয়গী কেমপসশিং অমসুং বস স্তেশনশিং, পার্কশিং, হর্বল গার্দেনশিং, অমসুং ৱাতর বোদীশিং য়াওনা পব্লিক এরিয়াশিংদা শেংদোক্নবগী থবক-থৌরমশিং পাইখৎখ্রে।  মসিগী অনৌবা থৌরাং অসিগী শরুক অমা ওইনা আয়ুশ কম্যুনিতীগী সেনিয়র ওফিসিয়েলশিং অমসুং মেম্বরশিংনা আয়ুশ ভাৱন অমসুং মদুগী অকোইবদা লৈবা মফমশিংবু শেংদোকপদা শরুক য়াখি। স্বচ্ছতা কেমপেনগা চপ মান্ননা , আয়ুশ মন্ত্রালয়না রিসর্চ কাউন্সিলশিং অমসুং নেস্নেল ইনস্তিত্যুতশিংদা মসিগী লৈবাক পুম্বগী ওইবা কেমপেন অসিদা শরুক য়ানবশু হায়খ্রে।

****