گنگا کی بحالی پر بااختیار ٹاسک فورس (ای ٹی ایف)کے 12ویں میٹنگ کی صدارت وزیر مملکت  ڈاکٹر راج بھوشن چودھری کی موجودگی میں جل شکتی کے وزیرسی آر پاٹل نے کی۔  اس میٹنگ میں اعلیٰ حکام بشمول پینے کےصاف پانی اور صفائی کا محکمہ او ایس ڈی جناب اشوک کے مینا ، جناب راکیش کمار ورما (اے ایس )، جناب راجیو کمار متل (ڈی جی)، ایگزیکٹوڈائریکٹرز، اور وزارت توانائی، وزارت سیاحت، ہاؤسنگ اور شہری امور کی وزارت اور ماحولیات جنگلات اور موسمیاتی تبدیلی کی وزارت کے نمائندے موجود تھے۔ اس  اجلاس میں پرنسپل سکریٹری حکومت اتر پردیش جناب انوراگ سریواستو،ایڈیشنل سکریٹری حکومت بہار جناب سنیل کمار یادو،ریاستی سکریٹری حکومت اتراکھنڈجناب شیلیش بگولی،ریاستی سکریٹری حکومت جھارکھنڈ جناب سنیل کماراورپروجیکٹ ڈائریکٹر ایس پی ایم جی مغربی بنگال اور محترمہ نندنی گھوش نے  شرکت کی۔

  اس موقع پر ڈائریکٹر جنرل جناب این ایم سی جی راجیو کمار متل نے مختلف مسائل پر تفصیلی پریزنٹیشن دی اور وزیر کو سابقہ میٹنگ سے لے کر اب تک ہونے والی پیش رفت سے آگاہ کیا۔

اس اجلاس کے دوران دریائے گنگا کی بحالی کے لیے ایک جامع ایکشن پلان پر تبادلہ خیال کیا گیا۔ کلیدی موضوعات میں نمامی گنگا پروگرام کے تحت پیش رفت شامل تھی، جس میں تجدید شدہ  پانی کے دوبارہ استعمال، حیاتیاتی تنوع کے تحفظ، آلودہ دریا کے حصوں کا تدارک، اور ریورایکشن پلان کے نفاذ  اور قدرتی کاشتکاری پر خصوصی توجہ دی گئی ۔

 اس موقع پر مرکزی وزیر نے گنگا سے متعلق پروجیکٹوں کی پیش رفت کی قریبی نگرانی اور جائزہ لینے کے لیےشراکت دار  کے درمیان ایک متفقہ نقطہ نظر،تحفظ کے لیے وقف شدہ کوششوں کے ذریعے مقدس ندی کے تقدس کو برقرار رکھنے کی ضرورت پر زور دیا اور کہا کہ دریا کی صفائی میں دیہی اور شہری صفائی ستھرائی کی کوششوں کا بڑا کردار ہے، انفراسٹرکچر کی تعمیر کے اہداف کو مقررہ مدت میں مکمل کرنے کی ہدایت دی ۔

وزیرموصوف نے ریاستی حکومتوں کو ہدایت دی کہ وہ آلودگی میں کمی کی کوششوں کو مکمل کرنے میں این ایم سی جی کی مدد کریں تاکہ  ندی کی صفائی کی کوششوں کو اگلے درجے تک لے جایا جاسکے۔

مرکزی وزیر جناب سی آر پاٹل نے ملک میں دریائے گنگا کے روحانی رابطے پر زور دیا اور ہدایت دی کہ اس مقدس دریا کے کنارے سیاحت کی صلاحیت کو بروئے کار لایا جائے، اس سے خطے کی معیشت ترقی کرے گی اور بنیادی ڈھانچے کو بھی فروغ ملے گا۔

 مرکزی وزیر سی آر پاٹل نے اس بات پربھی زور دیا کہ  اربن  ریور منیجمنٹ پلانس کے منصوبے شہر کی سطح پر دریا کی بحالی کی کوششوں کے لیے ایک جامع نقطہ نظر فراہم کرتے ہیں اور ان کو شہری ندیوں کی صحت کو بہتر بنانے کے لیے مرکزی دھارے میں لایا جانا چاہیے۔ انہوں نے اس بات پر زور دیا کہ ریور سٹی الائنس (آر سی اے) کو دریائی شہروں کے درمیان تعاون کو یقینی بنانے پر توجہ دینی چاہیے اور اسے دریا سے متعلق مسائل کے حل کے لیے ایک پلیٹ فارم کے طور پر کام کرنا چاہیے۔ انہوں نے صاف ندیوں کے لیے اسمارٹ لیب کے تصور کی تعریف کی جو ڈنمارک کے تعاون اور آئی آئی ٹی (بی ایچ یو) کے  ساتھ تیار کیا جا رہا ہے   جو ملک میں چھوٹے ندیوں کی بحالی کی کوششوں میں مدد کرے گا۔

 

وزیر موصوف نے گنگا  کے نشیبی علاقے میں قدرتی کھیتی کے طریقوں کو اپنانے کی ضرورت پر زور دیا کیونکہ اس سے دریا کی بحالی میں مدد ملے گی۔ زراعت کی وزارت نے کہا کہ وہ این ایم سی جی کے اس اقدام کی حمایت کریں گے اور اس پہل کو آگے بڑھانے کے لیے فعال طور پر تعاون کریں گے نیز قدرتی کاشتکاری کے تحت سرگرمیوں پر توجہ  کرنے کے لیے ایک ایکشن پلان بھی تیار کیا جائے گا۔

ادارہ جاتی ترقی کی پہل کے طور پر، پینے کے پانی اور صفائی ستھرائی کے محکمے اور  این ایم سی جی کے  ذریعے مشترکہ طور پر صاف گنگا ورکشاپ منعقد کرنے کا فیصلہ کیا گیا تاکہ ڈی جی سی ایسزکواقدامات کے بارے میں آگاہ کیا جاسکے۔

وزیر موصوف نے دریا کے احیاء کے مقصد کو آگے بڑھانے کے لیے  تمام شراکت دار کی مشترکہ کوششوں پر زور دیا اور کہا کہ ای ٹی ایف دریا سے متعلق مسائل پر توجہ مرکوز کرنے کے لیے ایک پلیٹ فارم فراہم کرتا ہے۔  اور کہا کہ  تمام شراکت دار  گنگا ندی کی بحالی کی کوششوں کو اگلی سطح پر لے جانے کے لیے عزت مآب وزیر اعظم کے طے کردہ اہداف کو حاصل کرنے کے لیے مل کر کام کریں گے اور اسے ایک ماڈل بنائیں گے۔

************

ش ح۔م ح۔م ذ

U:10819

(Release ID: 2054104) Visitor Counter : 32