மத்திய இளைஞர் நலன், விளையாட்டு, தொழிலாளர் மற்றும் வேலைவாய்ப்புத் துறை அமைச்சர் டாக்டர் மன்சுக் மாண்டவியா, மத்திய இளைஞர் நலன் மற்றும் விளையாட்டுத் துறை இணையமைச்சர் திருமதி ரக்ஷா காட்சே ஆகியோர், புதுதில்லி திரும்பிய இந்திய பாராலிம்பிக் உறுப்பினர்களை இன்று பாராட்டினர். பாரிஸ் 2024 பாராலிம்பிக் போட்டிகளில் அவர்களின் வியத்தகு சாதனைகளைக் கொண்டாடும் விளையாட்டு வீரர்களுக்கு, அமைச்சர்கள் தங்கள் மனமார்ந்த வாழ்த்துக்களைத் தெரிவித்தனர்.

தடகள வீரர்களிடையே உரையாற்றிய டாக்டர் மன்சுக் மாண்டவியா, ஒட்டுமொத்த தேசமும் உணர்ந்த பெருமிதத்தையும் மகிழ்ச்சியையும் வெளிப்படுத்தினார். விளையாட்டு வீரர்கள் மற்றும் பயிற்சியாளர்களுக்கு, இந்திய அரசு தொடர்ந்து முழு ஆதரவு அளிக்கும் என்றும், அவர்கள் தங்களது உயர்ந்த திறனை எட்டுவதை உறுதி செய்ய, அனைத்து முயற்சிகளையும் மேற்கொள்ளும் என்றும் அவர் உறுதியளித்தார். எதிர்கால பாராலிம்பிக் போட்டிகளுக்கு தளராத உத்வேகத்துடனும் உறுதியுடனும் தயாராகுமாறு விளையாட்டு வீரர்களை அவர் ஊக்குவித்தார்.

விளையாட்டு திறமைகளை வளர்ப்பதற்கான அரசாங்கத்தின் உறுதிப்பாட்டை எடுத்துரைத்த டாக்டர் மாண்டவியா, பாரிஸ் பாராலிம்பிக்கில் பங்கேற்ற 84 பேரில், 50 பேர் இலக்கு ஒலிம்பிக் போடியம் திட்டம் (டாப்ஸ்) மூலம் ஆதரிக்கப்பட்டனர், மற்றவர்கள் கேலோ இந்தியா திட்டம், தேசிய சிறப்பு மையங்கள் (NCOE) அல்லது பிற அரசு ஆதரவு முயற்சிகளின் பயனாளிகள் என்று கூறினார்.

சமீபத்திய ஆண்டுகளில் இந்தியாவின் செயல்திறன் பாதையை பிரதிபலிக்கும் வகையில் பேசிய அவர், நாட்டின் குறிப்பிடத்தக்க முன்னேற்றத்தை வலியுறுத்தினார், இது பாராலிம்பிக் விளையாட்டுக்களில் வென்ற பதக்கங்களின் எண்ணிக்கையில் பிரதிபலிக்கிறது. பாரிஸ் 2024 பாராலிம்பிக்கில், இந்தியா 29 பதக்கங்களை வென்றது, டோக்கியோ 2020 பாராலிம்பிக்கில் 19 பதக்கங்களுடன் ஒப்பிடும்போது, இது கணிசமான முன்னேற்றத்தைக் குறிக்கிறது என்று அவர் பெருமையுடன் குறிப்பிட்டார்.

பாரிஸ் 2024 பாராலிம்பிக்கில் இருந்து, பல குறிப்பிடத்தக்க சாதனைகளையும் டாக்டர் மாண்டவியா எடுத்துரைத்தார், இதில் இந்தியாவுக்கு அதிக எண்ணிக்கையிலான இரட்டை போடியம் முடிவுகளும் அடங்கும், இதுபோன்ற ஐந்து நிகழ்வுகள். பாராலிம்பிக்கின் அடுத்தடுத்த பதிப்புகளில் பதக்கங்களை வென்ற 11 விளையாட்டு வீரர்களின் சிறந்த நிலைத்தன்மையை அவர் மேலும் பாராட்டினார். கூடுதலாக, 12 அறிமுக விளையாட்டு வீரர்கள் தங்கள் முதல் பாராலிம்பிக் பதக்கங்களை வென்றதன் மூலம் குறிப்பிடத்தக்க தாக்கத்தை ஏற்படுத்தினர். இந்த நிகழ்வில் ஒரு உலக சாதனை மற்றும் நான்கு பாராலிம்பிக் சாதனைகள் உட்பட ஐந்து புதிய சாதனைகளும் படைக்கப்பட்டன.

பாரா விளையாட்டு வீரர்களை ஆதரிப்பதற்கான அரசாங்கத்தின் உறுதிப்பாட்டை மேலும் நிரூபிக்கும் வகையில், பாரா விளையாட்டு வீரர்கள் மற்றும் அவர்களின் தனிப்பட்ட பயிற்சியாளர்களின் குறிப்பிட்ட தேவைகளைப் பூர்த்தி செய்ய ஆதரவு ஊழியர்களின் ஒதுக்கீடு 100% ஐ தாண்டியுள்ளது என்று டாக்டர் மாண்டவியா குறிப்பிட்டார்.

பாரிஸ் 2024 பாராலிம்பிக்கில் இந்திய விளையாட்டு வீரர்கள் வரலாற்றுச் சிறப்புமிக்க பங்கேற்பைக் கண்டதாகவும், 46 பேர் முதல் முறையாக பங்கேற்றதாகவும், 32 இந்திய பெண் விளையாட்டு வீரர்கள் போட்டிகளில் பங்கேற்றதாகவும் அவர் பெருமையுடன் அறிவித்தார்.

பாரா தடகளம் - தங்கப் பதக்கம் வென்றவர்கள்: நவ்தீப், தரம்பீர், சுமித் ஆன்டில், பிரவீன் குமார்; வெள்ளிப் பதக்கம் வென்றவர்கள்: யோகேஷ் கதுனியா, நிஷாத் குமார், சரத் குமார், அஜீத் சிங், சச்சின் கிலாரி; வெண்கலப் பதக்கம் வென்றவர்கள்: ப்ரீத்தி பால், மாரியப்பன், ஹொகடோ சேமா, சுந்தர் சிங் குர்ஜார், சிம்ரன் சர்மா. பாரா வில்வித்தை - ஹர்விந்தர் சிங் (தங்கம்), ஷீத்தல் தேவி (வெண்கலம்), கபில் பார்மர் (வெண்கலம்) பாரா-ஜூடோ.

*****

 

(Release ID: 2053516)

MM/RS/KR

(Release ID: 2053676) Visitor Counter : 85