ثقافت اور سیاحت کے مرکزی وزیر جناب گجیندر سنگھ شیخاوت کل، یعنی 11 ستمبر، 2024 کو گاندھی درشن ، راج گھاٹ پر مہاتماگاندھی  کو وقف ایک خصوصی ریلوے کوچ کا افتتاح کریں گے۔

ریلوے کی وزارت کی جانب  سے عطیہ کی گئی  اس انوکھی نمائش میں مہاتما گاندھی کے دور کی باریک بینی سے بحال کی گئی ریلوے کوچ کی نمائش کی گئی ہے، جو ان کے مشہور ٹرین سفر کی علامت ہے جو قوم کو متحد کرنے اور انصاف اور مساوات کی وکالت کرنے کے ان کے مشن میں اہم کردار ادا کرتے تھے۔

مہاتما گاندھی کا  تھرڈ کلاس  کے ریل ڈبوں  میں برصغیر پاک و ہند کے ابتدائی سفر ہندوستان کے بارے میں ان کی تفہیم اور متحدہ قوم کے ان کے وژن کی تشکیل میں اہم تھے۔ ان سفروں نے گاندھی کی زندگی میں ایک اہم کردار ادا کیا، جس نے انہیں زندگی کے تمام شعبوں سے تعلق رکھنے والے لوگوں سے رابطہ قائم کرنے، ان کی جدوجہد کو سمجھنے اور ان کے سچائی، عدم تشدد اور سماجی انصاف کے فلسفے کو تیار کرنے کی اجازت دی ۔ اجتماعی طاقت اور  ضرورت کو محسوس کرتے ہوئے ظلم کے خلاف قوم کو متحد کرنے کے لیے ایک اہم کردار ادا کیا۔  اس طرح ریلوے ایک متحد، جامع  بھارت  کے تانے بانے کو بُننے کے ان کے مشن میں ایک اہم آلہ  کار بن گیا۔

گاندھی درشن پر واقع ریلوے کوچ مجسموں سے مالا مال ہے جس میں گاندھی کے سفر اور ساتھی  مسافروں کے ساتھ بات چیت کی عکاسی کی گئی ہے، جو زائرین کو مہاتما گاندھی کے ریل سفر کو زندہ دلانے والا ایک حیرت انگیز تجربہ فراہم کرتا ہے۔

****

ش ح۔ ف خ

(U: 10749)