மத்திய புதிய மற்றும் புதுப்பிக்கத்தக்க எரிசக்தித் துறை அமைச்சர் திரு பிரல்ஹாத் ஜோஷி, புதிய மற்றும் புதுப்பிக்கத்தக்க எரிசக்தி அமைச்சகம் 4-வது உலகளாவிய புதுப்பிக்கத்தக்க எரிசக்தி முதலீட்டாளர்கள் மாநாடு & எக்ஸ்போ (RE-INVEST 2024) ஐ 2024 செப்டம்பர் 16 முதல் 18 வரை குஜராத்தின் காந்திநகரில் உள்ள மகாத்மா மந்திரில் ஏற்பாடு செய்கிறது.

காந்திநகரில் இன்று செய்தியாளர்களிடம் பேசிய மத்திய அமைச்சர், பிரதமர் திரு நரேந்திர மோடி முதலீட்டு மாநாடு மற்றும் கண்காட்சியை செப்டம்பர் 16 ஆம் தேதி தொடங்கி வைப்பார் என்று தெரிவித்தார்.இந்த மாநாட்டின் நிறைவு விழாவுக்கு குடியரசுத் துணைத் தலைவர் திரு. ஜகதீப் தன்கர் தலைமை தாங்குவார் என்றும் அவர் தெரிவித்தார்.

புதுப்பிக்கத்தக்க எரிசக்தி துறையில் இந்தியாவின் குறிப்பிடத்தக்க சாதனையை முன்னிலைப்படுத்துவதை நோக்கமாகக் கொண்டு இந்த மாநாடு நடைபெறுகிறது. அடுத்த தலைமுறைக்கு பசுமையான நிலையான எதிர்காலத்தை உருவாக்குவதன் முக்கியத்துவத்தை இந்தியா அங்கீகரிக்கிறது, 2030-ம் ஆண்டுக்குள் 500 ஜிகாவாட் புதைபடிவம் அல்லாத மின்சாரத்தை நிறுவுவது என்ற பிரதமரின் தொலைநோக்கை இது கொண்டுள்ளது.

ஆஸ்திரேலியா, டென்மார்க், ஜெர்மனி, நார்வே ஆகிய நாடுகள் மறு முதலீட்டிற்கான பங்குதாரர் நாடுகள் என்று மத்திய அமைச்சர் திரு பிரல்ஹாத் ஜோஷி தெரிவித்தார்.

ஆந்திரப் பிரதேசம், குஜராத், மத்தியப் பிரதேசம், தெலங்கானா, ராஜஸ்தான், கர்நாடகா, உத்தரப்பிரதேசம் ஆகியவை இந்த மாநாட்டின் பங்குதாரர் மாநிலங்களாகும்.

மத்திய அமைச்சர் திரு பிரல்ஹாத் ஜோஷி மேலும் கூறுகையில், இந்த நிகழ்வில் பல்வேறு மாநில அரசுகள் புதுப்பிக்கத்தக்க எரிசக்தித் துறைக்கான தங்கள் திட்டங்கள்  இலக்குகளை அளிக்கும். அனைத்து முக்கிய வங்கிகள், நிதி நிறுவனங்களும் புதுப்பிக்கத்தக்க எரிசக்தி துறையில் தாங்கள் முன்மொழியப்பட்ட கடன்கள்,  நிதியுதவி குறித்து அறிக்கை வழங்கும்.

ஆஸ்திரேலியா, டென்மார்க், ஜெர்மனி, நார்வே, சிங்கப்பூர், ஹாங்காங், அமெரிக்கா, இங்கிலாந்து, பெல்ஜியம், ஐரோப்பிய ஒன்றியம், ஓமன், ஐக்கிய அரபு எமிரேட்ஸ் மற்றும் பல நாடுகளின் பிரதிநிதிகள் இந்த மாநாட்டில் கலந்து கொள்வார்கள் என்று எதிர்பார்க்கப்படுகிறது.  இந்த மாநாட்டில் கொள்கை வகுப்பாளர்கள், தொழில்துறைகள், நிதி நிறுவனங்கள் போன்றவை பங்கேற்கும். ஜெர்மன் மற்றும் டென்மார்க் பிரதிநிதிகளுக்கு அவர்களது அமைச்சர்கள் தலைமை தாங்குவார்கள் என்று மத்திய அமைச்சர் குறிப்பிட்டார்.

இந்த மாநாட்டில் 10,000-க்கும் மேற்பட்ட பிரதிநிதிகள் பங்கேற்பார்கள் என்று எதிர்பார்க்கப்படுவதாகவும் திரு பிரகலாத் ஜோஷி தெரிவித்தார். இது 44  அமர்வுகளைக் கொண்டிருக்கும். இதில் முதலமைச்சர் மாநாடு, தலைமை நிர்வாக அதிகாரி வட்டமேஜை மாநாடு மற்றும் பல்வேறு மாநில, நாடு மற்றும் தொழில்நுட்ப அமர்வுகள் அடங்கும்.

புதுப்பிக்கத்தக்க எரிசக்தியின் அனைத்து அம்சங்களிலும் பல சுற்று மல்டிமீடியா வினாடி வினா போட்டியும் இந்த மறு முதலீட்டின் போது நிறைவு செய்யப்படும். வினாடி வினாவின் பூர்வாங்க சுற்று ஆகஸ்ட் 2024 மாதத்தில் நடைபெற்றது.

இந்தியா மற்றும் வெளிநாடுகளில் இருந்து தொழில் நிறுவனங்களின் பங்களிப்பு பெருமளவில் இருக்கும். இந்திய தொழில்துறை கூட்டமைப்பு RE-INVEST 2024 இன் தொழில்துறை பங்குதாரராக உள்ளது.

ரீ-இன்வெஸ்ட் ஒரு வலுவான பாரம்பரியத்தைக் கொண்டுள்ளது. முதல் பதிப்பு பிப்ரவரி 2015 இல் புது தில்லியிலும், இரண்டாவது பதிப்பு 2018 அக்டோபரில் டெல்லி என்.சி.ஆரிலும், மூன்றாவது பதிப்பு நவம்பர் 2020 இல் கோவிட்-19 கட்டுப்பாடுகள் காரணமாக மெய்நிகர் தளத்திலும் ஏற்பாடு செய்யப்பட்டது. REINVEST இன் ஒவ்வொரு பதிப்பிலும் சர்வதேச பங்கேற்பாளர்கள் உட்பட அதிக எண்ணிக்கையிலான பங்கேற்பாளர்கள் உள்ளனர். முந்தைய அனைத்து பதிப்புகளும் மாண்புமிகு பாரதப் பிரதமர் அவர்களால் தொடங்கி வைக்கப்பட்டுள்ளன.

இன்று, 2030 ஆம் ஆண்டுக்குள் 500 ஜிகாவாட் புதைபடிவம் அல்லாத மின்சாரத் திறனை எட்டுவதற்கான பாதையில் இந்தியா முன்னேறி வருகிறது. இது உலகின் மிகவும் கவர்ச்சிகரமான புதுப்பிக்கத்தக்க எரிசக்தி சந்தைகளில் ஒன்றாக உருவெடுத்துள்ளது. புதுப்பிக்கத்தக்க எரிசக்தி நிறுவப்பட்ட திறனில் இந்தியா உலகளவில் 4வது இடத்தில்உள்ளது, பி.எல்.ஐ திட்டத்தின் மூலம் உற்பத்தியை அதிகரிப்பதன் மூலம் செயலூக்கமான கொள்கை ஆதரவை வழங்குகிறது, தானியங்கி வழியின் கீழ் 100% அந்நிய நேரடி முதலீட்டை அனுமதிக்கிறது, புதுப்பிக்கத்தக்க எரிசக்தி வாங்குதல்களுக்கான ஐ.எஸ்.டி.எஸ் கட்டண தள்ளுபடி, பசுமை ஆற்றல் தாழ்வாரம், கடல் காற்றாலை திட்டங்களுக்கு வி.ஜி.எஃப் மற்றும் ஹைட்ரஜன் மற்றும் எலக்ட்ரோலைசர் உற்பத்தி திட்டங்களுக்கு நிதி உதவி அளித்தல். விவசாயிகள் மற்றும் குடும்பங்களுக்கு பயனளிக்கும் வகையில் PM KUSUM & PM SURYA GHAR MUFT JJLI YOJANA போன்ற முன்னோடி திட்டங்களை இந்தியா அறிமுகப்படுத்தியுள்ளது. அடுத்த சில ஆண்டுகளில் புதுப்பிக்கத்தக்க எரிசக்தித் திறனை அதிகரிப்பதை இந்தியா நோக்கமாகக் கொண்டுள்ளது. இந்த முயற்சிகளுக்கு ரீ-இன்வெஸ்ட் பங்களிப்பதுடன், உலக முதலீட்டு சமூகத்தினரையும் அனைத்து இந்திய புதுப்பிக்கத்தக்க எரிசக்தி பங்குதாரர்களுடன் இணைக்கும்.

----

PKV/KPG/RR/DL