নেস্নেল সেন্তর ফোর গুদ গোবর্নেন্স (NCGG)না মুসৌরীদা ঙসি মাল্দিবসকী সিভিল সর্ভেন্তশিংগীদমক্তা ৩৩শুবা কেপাসিতি বিল্দিং প্রোগ্রাম (CBP) হৌখ্রে। ২০২৪গী সেপ্তেম্বর ৯দগী ২০ ফাওবা শিনগদবা, চয়োল অনিগী থৌরম অসি মিনিস্ত্রী ওফ এক্সতর্নেল এফিয়র্স (MEA)গা খুৎশম্নদুনা পাংথোক্লগনি। খঙজিনবা য়াবা অমনা, মসিগী থৌরম অসি মালদিবসকী সিভিল সর্ভেন্ত ১,০০০ ত্রেন তৌনবা মেমোরেন্দম ওফ অন্দর্স্তেন্দিং (MoU)গী নৌহৌননা খুৎয়েক পীনখ্রবা মতুংদা মাল্দিবসকী সিভিল সর্ভেন্তশিংগীদমক্তা অনিশুবা তাঙ্কক্কী মখাদা অহানবা থৌরম্নি। MoU অসি ভারতকী এক্সতর্নেল এফিয়র্সকী মন্ত্রী, দা. এস. জয়শঙ্কর অমসুং মাল্দিবসকী ফোরেন মন্ত্রী, শ্রী মুসা জামীরগী মরক্তা ২০২৪-২০২৯ ফাওবগীদমক্তা খুৎয়েক পীনখি। হন্দক্কী থৌরম অসিনা এসিস্তেন্ত দাইরেক্তরশিং, সেনিয়র এদমিনিস্ত্রেতরশিং, কাউন্সিল ওফিসরশিং, ফেকলতীশিং অমসুং কম্যুনিতী হেল্থ ওফিসরশিং য়াওনা, মাল্দিবসকী মরু ওইবা মন্ত্রালয়শিং অমসুং দিপার্তমেন্তশিংবু মহুৎ শিল্লিবা মাল্দিবসতগী সিভিল সর্ভেন্ত ৩৪বু ওক্লগনি।

অহৌবগী সেসন অদু ভারত সরকারগী NCGGগী দাইরেক্তর জেনরেল অমসুং দিপার্তমেন্ত ওফ এদমিনিস্ত্রেতিব রিফোর্মস অমসুং পব্লিক গ্রীভান্সেস (DARPG)গী সেক্রেতরী, শ্রী ভি. স্রিনিৱাসনা থৌবু ওইরগনি। মহাক্না ৱা ঙাংবা মতমদা, মহাক্না শরুক য়ারিবা পার্তিসিপেন্তশিং অদুবু তরাম্না ওকখি অমসুং অহানবা তাঙ্কক্কী কেপাসিতী বিল্দিং প্রোগ্রাম (২০১৯-২০২৪)গী মাইপাকপশিং অদুগী মতাংদা পনখি, মতম অদুদা মাল্দিবসকী সিভিলসর্ভেন্ত ১,০০০ হেনবনা NCGGদা লাকখি। অহানবা তাঙ্কক্তা মরু ওইবা মীশকশিং অমসুং পার্তিসিপেন্তশিং খুদম ওইনা পার্মনেন্ত সেক্রেতরীশিং, হান্নগী প্রেসিদেন্তশিং অমসুং সিভিল সর্বিস কমিসনগী মেম্বরশিং অমসুং মরু ওইবা দপার্তমেন্তশীং অমসুং মন্ত্রালয়শিংদগী অৱাংবা থাক্কী ওফিসিয়েলশিংনা শরুক য়াখিবা অদুগী মতাংদা পনখি।  

মহাক্না ভারতকী গোবর্নেন্স মোদেলগী মতাংদা অমসুং মসিনা করম্না “অমৃত কাল” নত্রগা “ভিজন ২০৪৭” চংশিল্লকপা অসিদা মশাগী স্কোপ, স্কেল অমসুং সাইজতা অহোংবা পুরকপগে হায়বগী মতাংদা শন্দোক্না তাকখি। মহাক্না মথংগী মীরোলগী রিফোর্মশিংগী মতাংদশু পনখি, হায়রিবা অসি অথাপ্পা মফম ফাওবা খম থেংনা কনেক্তিবিতী লৈহন্নবা শেমখিবনি অমসুং করম্না দিজিতেল তেক্নোলোজী অসিবু হেন্না ফবা পোলিসী শেম্নবা, সর্বিস দেলিবরীদা, ইনস্তইত্যুশনশিংদা অওনবা পুরকপদা অমসুং নাগ্রিকশিংবু সরকারগা হেন্না নকশিন্নহনবদা ভারতনা করম্না শিজিন্নবা হৌরকপগে হায়বগী মতাংদা পনখি। মহাক্না ত্রান্সপরেন্সী অমসুং একাউন্তেবিলিতী লৈহনবদা, ইনস্তইত্যুশনশিংদা অহোংবা পুরকপদা অমসুং হেন্না ফবা গোব্রনেন্স লৈহনবদা ইনস্তিত্যুশনশিংগী দিজিতাইজেশন তৌবা হায়বসি কয়া য়াম্না তঙাইফদবগে হায়বসিগী মতাংদা খন্নখি।  মহক্না নাগ্রিকশিংগী পুনশিবু কোম্না হিংহনবদা মাইপাক্লবা কেন্দ্র সরকারগী থৌরমশিংগী মতাংদা য়াম্না কুপ্না নৈনখি খুদম ওইনা পব্লিক গ্রীভান্স রিদ্রেসল মেকানিজম, পেন্সন্স ৱেলফিয়র, হাউসিং, হেল্থকিয়র, ৱিমেন অমসুং চাইল্দ ৱেলফিয়রগী অনৌবা থৌরাংশিং অমসুং পোজিতিব কমপিতিশন লৈহন্নবা অনৌবা থৌরাংশিং খুদম ওইনা প্রধান মন্ত্রীগী মনা অমসুং অতোপ্পা কয়া অমগী মনুংদা NESDAগী মখাদা লৈবা রাজ্যশিংগী রেঙ্কিংশিংগি মতাংদা খন্নখি। মহাক্না ওফিসরশিংদা গ্রুপ ওইনা থবক তৌনবা অমসুং লৌখৎলিবা মরু  ওইবা পোলিসীশিং অমসুং প্রোগ্রামশিং অদুগী মতাংদা প্রেজেন্তেশনশিং তৌনবশু থৌগৎখি।

মাল্দিবসকী সিভিল সর্বিস কমিসনগী ফাইনান্স একজিক্যুতিব অমসুং মাল্দিবসতগী লাক্লিবা দেলিগেতশিংগী তীম লীদর, শ্রীমতি ফাথমাথ ইনায়ানা ভারত সরকার অমসুং NCGGবু অসিগুম্বা খুদোংচাবা অসিগীদমক্তা তৌবীমল খঙবা উৎখি, লোইননা থৌরম অসিদগী নিংথিজনা তম্নবা অমসুং কান্নবা লৌরগনি হায়না মহাক্না হায়খি।

NCGGগী এসোসিয়েত প্রোফেসর অমসুং থৌরম অসিগী কোর্স কোওর্দিনেতর, দা. বি.এস. বিস্তনা নেস্নেল সেন্তর ফোর গুদ গোবর্নেন্স অমসুং NCGGনা চহি কয়া অসিদা ফংলকখিবা মাইপাকপশিংগী মতাংদা অকুপ্পা মরোলশিং অদু হায়খি। মহাক্কী ফজরবা মচা খাইরবা প্রেজেন্তেশন অদুদা মহাক্না NCGGগী পান্দমশিং, থবক-থৌরমশিং, মাইপাকপশিং অমসুং তুংগী থৌরাংশিংগী মতাংদা খন্নখি অমসুং মসিনা করম্না সেন্তর ফোর এক্সেলেন্স ওইরকখিবগে হায়বগী মতাংদা হায়খি। মহাক্না মহাক্কী প্রেজেন্তেশন অদুদা NCGGনা লৈবাক ৩৩দগী বংগ্লাদেশ য়াওনা, কেন্যা, তাঞ্জানিয়া, তুনিসিয়া, সৈচেলিস, গাম্বিয়া, মাল্দিবস, স্রি লঙ্কা, অফঘানিস্তান, লাওস, ভিয়েতনাম, নেপাল, ভুতান, ম্যানমার, ইথিয়োপিয়া, এরিত্রিয়া, সোমালিয়া, সাউথ অফ্রিকা, ইন্দোনেসিয়া, মেদাগাস্কর, ফিজি, মোজাম্বিক, কেম্বোদিয়াদগী সিভিল সর্ভেন্তশিং ত্রেন তৌখি।

NCGGনা ২০১৯গী জুন ৮দা খুৎয়েক পীনখিবা MoUগী মখাদা এন্তি-কোরপ্সন কমিসন (ACC) অমসুং ইনফোর্মেশন কমিসন ওফিস ওফ মাল্দিবস (ICOM)দগী সেনিয়র লেভেল ওফিসরশিংগীদমক্তা প্রোগ্রামশিং য়াওনা মাল্দিবসকী সিভিল সর্ভেন্তশিংগীদমক্তা ফীল্দ এদমিনিস্ত্রেশনদা কেপাসিতী বিল্দিং প্রোগ্রাম পুন্না ৩২গী মথক্তা মাল্দিবসতগী লাক্লিবা পার্মনেন্ত সেক্রেতরীশিং য়াওনা, সেক্রেতরী জেনরেলশিং অমসুং অৱাংবা থাক্কী দেলিগেতশিং য়াওনা পুন্না সিভিল সর্ভেন্ত ১০০০গী ত্রেনিং তৌবগী মেন্দেৎ অদুবু  মপুং ফাহন্দুনা য়াম্না শিংথানিংঙাই ওইবা মাইপাকপা পুরকখিবা অদুবু পনবা হায়বসি য়াম্না মরু ওই।  হৌজিক পাংথোক্লিবা থৌরম অসিনা ২০২৪গী ওগস্ততা নৌহৌননা MoU খুৎয়েক পীনরবা মতুংদা অনিশুবা তাঙ্কক্কী কেপাসিতী বিল্দিং প্রোগ্রামগী অহৌবনি। সিভিল সর্ভেন্ত ১৭৫ তার্গেত তৌদুনা চই ২০২৪-২৫তা প্রোগ্রাম মঙা পাংধোক্লগনি।

অহৌবগী সেসন অদুদা NCGGগী চীফ এদমিনিস্ত্রেতিব ওফিসর, শ্রীমতি প্রিস্কা পোলী মেথ্যুনা শরুক য়াখি। থৌরম অদু কোর্স কো্র্দিনেতর, দা. বি.এস. বিস্ত, কো-কোর্স কোওর্দিনেতর, দা. সঞ্জীব শর্মা, ত্রেনিং এসিস্তেন্ত, শ্রী ব্রিজেশ বিস্ত অমসুং NCGGগী কেপাসিতী বিল্দিং তীমগা লোইননা নহা ওইরিবা প্রোফেস্নেল, শুকুমারি মোনিশা বাহুগুমানা সুপর্ভাইজ তৌরগনি অমসুং কোওর্দিনেত তৌরগনি।

*****