সেপ্তেম্বর 09, 2024দা নই দিল্লীদা দিফেন্স সেক্রেতরী শ্রী গিরিধর অরামানে অমসুং চীফ ওফ এয়র স্তাফকী এয়র চীফ মার্শেল ভি.আর. চৌধরীনা শরুক য়াদুনা আত্মনির্ভর ভারতকী মরুওইবা খোঙথাং অমা ওইনা, ঙাকশেল মন্ত্রালয়না হিন্দুস্তান এরোনেতিক্স লিমিতেদ (HAL) গা লুপা করোর 26,000 হেনবগী মমল ওইবা সু-30MKI এয়রক্রাফকী AL-31FP 240গীদমক MoD অমসুং HALগী মকোক থোংবা ওফিসিএলশিংনা কন্ত্রেক্ত অদু খুৎয়েক পীনখি।

এরো-ইঞ্জিনশিং অসি HALগী কোরাপুত দিভিজন্না পুথোক্কনি অমসুং লৈবাক অসিগী ঙাকশেলগী শেম-শারিবা অদুগীদমক সু-30 ফ্লিৎকী ওপরেস্নেল কেপাবিলিতী ঙাক্তুনা থম্নবা ভারতকী এয়র ফোর্সকী মথৌ তাবশিং অদু মপুং ফাহনগনি হায়না পানরি। কন্ত্রেকচুএল দেলিভরী সিস্তেমগী মতুং ইন্না HAL না চহিদা এয়রো-ইঞ্জিন 30 সপ্লাই তৌগনি। ইঞ্জিন 240গী সপ্লাই অসি মথংগী চহি 8গী মনুংদা লোইশিনগনি।

মেনুফেকচরিং তৌরিঙৈদা, MSMEশিং অমসুং পব্লিক অমসুং প্রাইবেৎ ইন্দস্ত্রীশিং য়াওনা লৈবাক অসিগী দিফেন্স মেনুফেকচরিং ইকোসিস্তেমদগী মতেং লৌনবা HAL না থৌরাং তৌরি। দেলিভরী প্রোগ্রাম লোইরকপদা, HALনা ইন্দিজিনাইজেসনগী কন্তেন্ত অসি চাদা 63 ফাওবা হেনগৎহন্দুনা চাংচত্তা চাদা 54 হেনগৎহনগনি। মসিনা এয়র-ইঞ্জিনশিং রিপিয়র অমসুং ওভরহোল তৌবগী থবকশিংদা ইন্দিজিনস কন্তেন্ত হেনগৎহনবদা মতেং পাংগনি। 

****