Ka Tnat of Women and Child Development ka dang rakhe ia ka Rashtriya Poshan Maah kaba 7, ka prokram kaba baroh shi bnai kaba thmu ban kyntiew ia ki jingseisoh ha ka jingioh ia ka bam kaba tei bad pynshlur ia ki jingkylla ha ka rukom im. Ka phang pdeng mynta u snem ka kynthup ka jingai buin, ka bynta ba kongsan jong ka jingbam ba tei ha ki khunlung.

Ha ka sngi ba 7 jong ka Poshan Maah, la ioh jingtip ba ki la don 1.79 klur ki prokram, ba pyni ia ka jingshithrem bad jingkut jingmut ban kyntiew ia ki jingseisoh ha ka jingioh ia ka bam kaba tei hapdeng ki khunlung bad ki khynnah. La ioh jingtip ba ki don palat 20 lak tylli ki prokram ba iadei bad ka jingai buin, ka bynta kaba kongsan ha ka jingioh ki khunlung ia ka bam kaba tei.

Hadien/ kumba ha ka rta ba 6 bnai, ka jingdonkam ki khunlung ia ka bor bad ki nutrient ka sdang ban tam na kaei kaba ioh na ka buin. Ki jingbam kiba tei met kilong kiba kongsan ban pyndap ia kito ki jingdonkam. Ki khunlung ha kane ka rta ki la biang ban ioh ia ki jingbam lait na ka buin.

Ha kane ka por jong ka jingai buin, ki khynnah ki don ka jingma jong ka jingduna ka bam kaba tei. Ka jingai jinghikai ia ki briew ha ka imlang sahlang shaphang ka por ban sdang, ka jingbha ka jingtei met, ka jingbun bad ka jingai buin man ka por kan iarap ban pynthikna ka jingheh jingsan kaba koit ba khiah ha ki khynnah.

Haduh mynta, ka Rashtriya Poshan Maah kaba 7 ka la sakhi ka jingiashim bynta shitrhem kylleng ka ri, ha kaba 756 tylli ki distrik na 35 tylli ki Jylla/UT ki la pynlong ia ki prokram ai jinghikai bad ki prokram kiba ai jinghikai shaphang ka bam kaba tei.

****