কেন্দ্রগী কঞ্জুমর এফিয়র্স, ফুদ অমসুং পব্লিক দিস্ত্রিব্যুশন অমসুং ন্যু অমসুং রিন্যুৱেবল ইনর্জী মন্ত্রী, শ্রী প্রল্হাদ ভেন্কতেশ জোশিনা ঙসি নেস্নেল কোওপরেতিব কঞ্জুমর’স ফেদরেশন ওফ ইন্দিয়া লিমিতেদ (NCCF) অমসুং নেস্নেল এগ্রিকলচরেল কোওপরেতিব মার্কেতিং ফেদরেশন ওফ ইন্দিয়া লিমিতেদ (NAFED)গী ভানশিংদা তিলহৌ কে.জি.দা লুপা ৩৫দা রিতেল সেল তৌনবা মোবাইল ভানশিং লমথাদুনা য়োন্নবগীদমক্তা থাদোকখ্রে। থৌরম অদুনা কঞ্জুমরশিংদা অহোংবা মমলদা তঙাইফদবা মনা-মশিংশিং ফংহন্নবা সরকারগী বফর স্তোক্তগী নিংথিনা শেন্নদুনা অমসুং তার্গেত তৌদুনা তিলহৌ থাদোকপা হৌখ্রে।

মীদিয়াদা ৱা ঙাংলদুনা, শ্রী জোশিনা হায়খি মদুদি ফুদ ইনফ্লেশন অসি নিংথিনা শেন্নদুনা থম্বা হায়বসি ভারত সরকারগী খ্বাইদগী হেন্না মরু ওইবশিংগী মনুংদা অমনি অমসুং মমলগী অৱাং-অনেম লৈহন্দনবা পাম্বৈশিং শিজিন্নদুনা হকথেংননা খুৎ থিংজিন্দুনা হন্দক্কী থা খরা অসিদা ইনফ্লেশনগী চাং হন্থহনবদা য়াম্না চাউবা থৌদাং লৌখি।

“রবি ক্রোপতগী ঐখোয়দা লৈরিবা তিলহৌগী বফর স্তোক অসি তন লাখ ৪.৭নি। ইকাইখুম্নরবা প্রধান মন্ত্রী, শ্রী নরেন্দ্র মোদীগী লমজিং-লমতাক মখাদা হৌদোকখিবা প্রাইস স্তেবিলাইজেশন ফন্দ অসিনা ইসেন্সিয়েল কমোদিতীশিংগী মমল হেনগৎপা মতমদা মার্কেত্তা খুৎ থিংজিন্নবগী পান্দম থম্লি,” শ্রী জোশিনা হায়খি মদুদি তিলহৌগী রিতেল সেল তৌবা অসিনা লৈবাক শিনথুংনা লৈরিবা কঞ্জুমরশিংদা খরমখৈদি অৱাবা কোকহল্লগনি।

বফরদগী তার্গেত তৌদুনা থাদোকপা অসি ফুদ ইনফ্লেশন কন্ত্রোল তৌনবা অমসুং পোৎ-চৈগী মমলদা অহোংবা নাইদবা রেজিম অমা থম্নবা কেন্দ্র সরকারনা পাইখৎলিবা থবকশিং মরু ওইবা শরুক অমনি।

তিলহৌশিং তার্গেত তৌদুনা থাদোকপগী থবক অসি NCCF অমসুং NAFEDকী অউৎলেতশিং অমসুং মোবাইল ভানশিং, ই-কমর্স প্লেতফোর্মশিং অমসুং কেন্দ্রিয়া ভন্দার অমসুং SAFALগী খুত্থাংদা মী য়াম্না লৈবা খরা হেন্না শিজিন্নবা মফমশিংদা রিতেল সেল তৌদুনা হৌদোকখ্রে। তিলহৌশিং অসিগী খ্বান্তিতী অমসুং দিস্পোজল চেনেলশিং অদু তিলহৌগী হৌজিক হৌজিক লৈরিবা মমলশিংগী অনেম-অৱাং অদুগী মতুং ইন্না হেন্না হেনগৎহল্লগনি, ফগৎহল্লগনি, চাউথোকহল্লগনি অমসুং মমলদা অহোংবা লৈগনি।  ভারত সরকারগী দিপার্তমেন্ত ওফ কঞ্জুমর এফিয়র্সনা তিলহৌ য়াওনা কমোদিতী ৩৮গী মমল নুমিৎ খুদিংগী য়েংশিল্লি, হায়রিবশিং অসি ভারত শিনথুংনা লৈবা সেন্তর ৫৫০ য়াংখৈনা মসিগী রিপোর্ত থাগৎলি। নুমিৎ খুদিংগী লৈরিবা মমলগী দেতা অমসুং কমপারেতিব ত্রেন্দশিং অদুনা বফরদগী তিলহৌশিং থাদোকপগী চাং অমসুং মফম অদু লেপ্নবগীদমক্তা মরু ওইবা ইনপুৎশিং পী।

মসিগা মরি লৈননা, রবি ক্রোপতগী NCCF অমসুং NAFEDকী খুত্থাংদা প্রাইস স্তেবিলাইজেশনগীদমক্তা মমাং চহিদা লৈশিনখিবা তিলহৌ তন লাখ ৩.০ অদুগা চাংদম্নবদা হন্দক্কী চহি অসিদা লৈশিনখিবা তিলহোগী চাং অসি তন লাখ ৪.৭ ওইখি। তিলহৌশিং অসি মহারাস্ত্র অমসুং মধ্য প্রদেশতা খ্বাইদগী য়াম্না রবি তিলহৌ পুথোকপা লৌমীশিং/লৌমীশিংগী ফেদরেশনদগী লৈখি, অমসুং তিলহৌশিং অসিগী পেমেন্তশিং অদু লৌমীশিংগী একাউন্তশিংদা দাইরেক্ত ত্রান্সফরগী খুত্থাংদা তৌখি। লৈশিনবা, লিদুনা থম্ব অমসুং থাদোকপদা য়েংশিন্নবগীদমক্তা ইন্তিগ্রেতেদ সিস্তেম অমা হন্দক্কী চহি অসিদগী তিলহৌগী থবকশিংদা শিজিন্নখ্রে, মসিদা তেক্নোলোজী শিজিন্নদুনা থবক-থৌরমশিং অদুগী তাঙ্ককশিং অদুবু কুপ্না য়েংশিল্লি।

তিলহৌ থাবা লৌমীশিংনা রবি পন্থাদা মমল লেপ্পগী চাং অদু মমাং চহিগা চাদম্নবদা হেন্না ফবা ওই, মরমদিমন্দি মোদলগী মমল অদু মমাং চহিগী ক্বিন্তল অমদা লুপা ৬৯৩দগী লুপা ১,২০৫ ওইখিবা অদুগা চাংদম্নবদা হন্দক্কী চহি অসিগী মমলগী চাং অদু ক্বিন্তল অমদা লুপা ১২৩০দগীনা লুপা ২,৫৭৮ ওইখি। অসিগা চপ মান্ননা, হন্দক্কী চহিগী বফর প্রোক্যোরমেন্তকী মমল অদু চাংচত্তা ক্বিন্তল অমদা লুপা ২,৮৩৩ ওইখি অদুগা মমাংগী চহিদনা ক্বিন্তল অমদা লুপা ১,৭২৪ ওইখি। বফরগীদমক্তা নিংথিনা লিদুনা থম্বা য়াবা তিলহৌ লৈশিনখি, তিলহৌ লৈশিনবগী মমল অদু অনম্বনা লৈরিবা মোদল প্রাইস অদুদগী হেনবা ওইখি।

লাক্কদবা থাশিংদা তিলহৌ ফংবগী চাং অমসুং তিলহৌগী মমল অসি থোইদোক্না মীপাইনিংঙাই ওইদে মরমদি মমাং চহিগা চাংদম্নবদা ২০২৪গী ওগস্ত ২৬ ফাওবদা খারিফকী মরু হুন্নবগী মফমশিং অদু ১০২% ফাওবা হেনগৎলকপা টেংনখ্রে। দিপার্তমেন্ত ওফ এগ্রিকলচরনা কমপাইল তৌবা দেতাগী মতুং ইন্না, ২০২৪গী ওগস্ত ২৬ ফাওবদা হেক্তর লাখ ২.৯০দি খারিফকী তিলহৌ থারগনি অদুগা মমাং চহিগী চপ মান্নবা মতমদা হেক্তর লাখ ১.৯৪ খক্তমক ওইখি। মসিদা নত্তনা চাউরাক্না তিলহৌ তন লাখ ৩৮দি লৌমীশিং অমসুং ত্রেদরশিংনা স্তোর তৌদুনা থম্লি হায়না রিপোর্ত তৌরকখি।

কঞ্জুমর এফিয়র্সকী দিপার্তমেন্তনা কঞ্জুমরশিং অমসুং লৌমীশিং অনিমক্কী ইন্তরেস্ততা তঙাইফদনা মথৌ তাবা পাম্বৈশিং লৌখৎনবা ফংলিবা তিলহৌগী চাং অমসুং মমলগী মতাংদা য়াম্না কুপ্না য়েংশিল্লি। মসিগী মতাংদা, সরকারনা কঞ্জুমরশিংদা অওংবামমলদা তিলহৌশিং ফংহনবগা লোইননা লৌমীশিংদা মতিক চাবা তোংজগদা মমল ফংহন্নবা মথৌ তাবা পাম্বৈশিং লৌখৎলগনি।

তিলহৌশিং রিতেলদা থাদোকপা অদু ঙসিদগী দিল্লী NCR অমসুং মুম্বাইদগী হৌরগনি। মসিগী মতুংদা, মথংগী চয়োল অমদা এজেন্সিশিংনা কোলকাতা, গুৱাহাতি, হাইদ্রবাদ, চেন্নাই, বেঙ্গলোর, এহ্মদবাদ, রায়পুর অমসুং ভুবনেস্বরদা থবক তৌরগনি। সেপ্তেম্বরগী ৩শুবা চয়োলদা ভারত পুম্বগী ওইনা য়েন্থোকপা হৌরগনি। এজেন্সীশিং অসিনা ভারত শিন্থুংনা লৈরিবা অতোপ্পা কোওপরেতিবশিং অমসুং অচৌবা রিতেল চেনশিংগশু খুৎশম্নদুনা থবক তৌরগনি। দিল্লী NCR অমসুং মুম্বাইগী মফমশিং অদু মখাদা পীরি:

***