صارفین کے امور، خوراک اور عوامی نظام تقسیم اور نئی اور قابل تجدید توانائی کے مرکزی وزیر جناب پرہلاد وینکٹیش جوشی نے نیشنل کوآپریٹو کنزیومر فیڈریشن آف انڈیا لمیٹڈ (این سی سی ایف) کی موبائل وین کو ہری جھنڈی دکھا کر روانہ کیا ،جس سے 35 روپے فی کلو پیاز کی خردہ فروخت کا آغاز ہوا۔ نیشنل ایگریکلچرل کوآپریٹو مارکیٹنگ فیڈریشن آف انڈیا لمیٹڈ (این اے ایف ای ڈی) نے آج یہاں فروخت کے لیے تعینات کیا ہے۔ اس تقریب نے صارفین کو سستی قیمتوں پر ضروری سبزیوں کی دستیابی کے لیے سرکاری بفر سے پیاز کی کیلیبریٹڈ اور  ہدف شدہ ذخیرے کی فروخت  کا آغاز کیا۔

میڈیا سے خطاب کرتے ہوئے جناب جوشی نے کہا کہ خوراک کی افراط زر کو کنٹرول میں رکھنا حکومت ہند کی ترجیح ہے اور قیمتوں میں استحکام کے اقدامات کے ذریعے کئی راست مداخلتوں نے حالیہ مہینوں میں مہنگائی کی شرح کو کم کرنے میں اہم کردار ادا کیا ہے۔

ہمارے پاس ربیع کی فصل سے پیاز کا بفر اسٹاک 4.7 لاکھ ٹن دستیاب ہے۔ مصنوعات کی قیمتوں میں  استحکام کا فنڈ جو کہ عزت مآب وزیر اعظم جناب نریندر مودی کی رہنمائی میں شروع کیا گیا تھا، اس کا مقصد ضروری اشیاء کی قیمتوں میں اضافے کے وقت مارکیٹ میں مداخلت کرنا ہے۔" جناب جوشی نے مزید کہا کہ ملک بھر میں صارفین کو پیاز کی خردہ فروخت سے  راحت ملے گی۔

بفر سے پیاز کی طے شدہ فروخت  مرکزی حکومت کی غذائی افراط زر کو کنٹرول کرنے اور قیمتوں کے مستحکم نظام کو برقرار رکھنے کی کوششوں کا ایک لازمی حصہ ہے۔

پیاز کی طے شدہ فروخت  این سی سی ایف اور این اے ایف ای ڈی کے آؤٹ لیٹس اور موبائل وینز، ای کامرس پلیٹ فارمز اور کیندریہ بھنڈار اور سفل کے آؤٹ لیٹس کے ذریعے بڑے کھپت کے مراکز میں خردہ فروخت کے ساتھ شروع کی جارہی ہے۔ پیاز کی قیمتوں کے رجحان کے مطابق پیاز کی مقدار اور ذخیرے کی جلداز جلد فروخت  کے ذرائع کو بڑھایا جائے گا، مستحکم کیا جائے گا۔ صارفین کے امور کا محکمہ، حکومت ہند، پیاز سمیت 38 اجناس کی یومیہ قیمتوں کی نگرانی کر رہا ہے، ملک بھر کے 550 مراکز سے  یہ معلومات حاصل کی گئی ہے۔روزانہ قیمت کے اعداد و شمار اور تقابلی رجحانات بفر اسٹاک سے پیاز کے اخراج کی مقدار اور فروخت کے مراکز کے بارے میں فیصلہ کرنے کے لیے اہم معلومات ہیں۔

قابل ذکر بات یہ ہے کہ گزشتہ سال پیاز کی 3.0 لاکھ ٹن خریداری کے مقابلے اس سال ربیع کی فصل سے این سی سی ایف اور این اے ایف ای ڈی کے ذریعے قیمت کے استحکام کے لیے 4.7 لاکھ ٹن کی خریداری ہے۔ پیاز مہاراشٹر اور مدھیہ پردیش میں ربیع پیاز پیدا کرنے والے بڑے علاقوں میں کسانوں/کاشتکاروں کے فیڈریشنوں سے خریدا گیا تھا، اور پیاز کی ادائیگی کسانوں کے کھاتوں میں براہ راست منتقلی کے ذریعے کی گئی ہے۔ اس سال پیاز کے آپریشن میں خریداری، ذخیرہ کرنے اور ٹھکانے لگانے کی نگرانی کے لیے ایک مربوط نظام کو اپنایا گیا ہے جس کے ذریعے سرگرمیوں کے تمام مراحل پر ٹیکنالوجی کی گرفت کی گئی ہے۔

اس ربیع سیزن کے دوران پیاز کے کسانوں کی جانب سے قیمت وصولی گزشتہ سال کے مقابلے بہتر رہی ہے کیونکہ منڈی موڈل کی قیمتیں 1,230 روپے - 2,578 روپے فی کوئنٹل کی حد میں رہیں جب کہ گزشتہ سال 693 روپے - 1,205 روپے فی کوئنٹل تھی۔ اسی لائن پر، اس سال بفر کی خریداری کی اوسط قیمت 2,833 روپے فی کوئنٹل تھی جو کہ پچھلے سال 1,724 روپے فی کوئنٹل تھی۔ چونکہ ا سٹور کے لائق پیاز بفر کے لیے منگوایا جاتا ہے، اس لیے پیاز کی خریداری کی قیمتیں مروجہ موڈل قیمت سے ہمیشہ زیادہ رہی ہیں۔

آنے والے مہینوں میں پیاز کی دستیابی اور قیمتوں کا نقطہ نظر مثبت رہے گا کیونکہ خریف کی بوائی کے رقبہ میں 26 اگست 2024 تک گزشتہ سال کے مقابلے میں 102 فیصد کا اضافہ دیکھا گیا ہے۔ محکمہ زراعت کی طرف سے مرتب کردہ اعداد و شمار کے مطابق، 26 اگست 2024 تک 2.90 لاکھ ہیکٹر خریف پیاز کی زد میں آچکے ہیں جبکہ گزشتہ سال کی اسی مدت کے دوران 1.94 لاکھ ہیکٹر رقبہ تھا۔ مزید یہ کہ کسانوں اور تاجروں کے پاس تقریباً 38 لاکھ ٹن پیاز ابھی بھی ذخیرہ میں ہے۔

صارفین کے امور کا محکمہ صارفین اور کسانوں دونوں کے مفاد میں ضروری اقدامات کرنے کے لیے پیاز کی فصل کی دستیابی اور قیمتوں پر گہری نظر رکھے ہوئے ہے۔ اس سلسلے میں، حکومت کسانوں کو مناسب قیمتوں پر پیاز کی دستیابی کو یقینی بنانے کے لیے ضروری اقدامات کرے گی۔

دہلی این سی آر اور ممبئی میں آج سے پیاز کی ریٹیل ڈسپوزل شروع ہو رہی ہے۔ اس کے بعد اگلے ایک ہفتے میں ایجنسیاں کولکتہ، گوہاٹی، حیدرآباد، چنئی، بنگلور، احمد آباد، رائے پور اور بھونیشور کا احاطہ کریں گی۔ ستمبر کے تیسرے ہفتے تک پین انڈیا میں تقسیم ہو جائے گی۔ ایجنسیاں ہندوستان بھر میں دیگر کوآپریٹیو اور بڑی خوردہ زنجیروں کے ساتھ بھی معاہدہ کر رہی ہیں۔ دہلی این سی آر اور ممبئی کے مقامات درج ذیل ہیں:

************

ش ح۔ ا م    ۔ م  ص

 (U:  10582  )