ہندوستان کے پیرا ایتھلیٹ شرد کمار نے پیرس پیرا اولمپکس 2024 میں مردوں کی ہائی جمپ ٹی 63 میں چاندی کا تمغہ حاصل کرکے ایک اور کامیابی  حاصل کی ہے۔ ان کی کارکردگی قوم کے لیے بے حد فخر کا باعث تھی، جس نے ہندوستان کے پریمیئر پیرا ایتھلیٹ کے طور پر ان کی حیثیت کو مزید مستحکم کیا۔

ابتدائی زندگی اور پس منظر

شرد کمار کا سفر غیر معمولی ہمت اور استقامت کا رہا ہے۔ 1 مارچ 1992 کو موتی پور، بہار میں پیدا ہوئے، شرد کو دو سال کی عمر میں پولیو ہوگیا تھا۔ ان  کی ابتدائی زندگی صحت کی پیچیدگیوں سے بھری ہوئی تھی، جس کے لیے ان کی صحت  یابی  کی کوشش میں اسپتالوں کے ساتھ ساتھ روحانی رسومات کی ضرورت پڑتی تھی۔

چار سال کی عمر میں، شرد کو ایک بورڈنگ اسکول بھیج دیا گیا جہاں انہیں  ایک اور چیلنج کا سامنا کرنا پڑا –انہیں کھیلوں کی سرگرمیوں سے دور  کر دیا گیا۔ جب کہ دوسروں نے حصہ لیا، شرد بنچ تک محدود رہے، ایسی صورت حال جس نے انہیں شدید مایوس کیا۔ ان حدود سے آزاد ہونے کی خواہش نے کھیلوں، خاص طور پر ہائی جمپ  میں ان  کی دلچسپی کو ابھارا۔ اپنے بڑے بھائی سے متاثر ہو کر، جو ایک اسکول کے  ریکارڈ ہولڈر تھے، شرد نے ہائی جمپ  پر اپنی نگاہیں جمائیں اور کبھی پیچھے مڑ کر نہیں دیکھا۔

بین الاقوامی مقابلے کا عروج

شرد کمار کے اتھلیٹک کیریئر کا آغاز اس وقت ہوا جب انہوں نے 2009 میں 6 ویں جونیئر نیشنل پیرا-ایتھلیٹکس چیمپئن شپ میں سونے کا تمغہ  جیتا، یہ  سفر کا صرف آغاز تھا جس سے وہ بین الاقوامی سطح پر شاندار کارکردگی کا مظاہرہ کرتے ہوئے نظر آئے۔ اس ابتدائی فتح نے چین کے شہر گوانگزو میں 2010 کے ایشین پیرا گیمز میں بین الاقوامی سطح پر ڈیبیو کیا۔ برسوں کے دوران، شرد نے ذاتی اور جسمانی دونوں رکاوٹوں پر قابو پاتے ہوئے اپنی صلاحیتوں کو نکھارا۔ ان کی کچھ اہم کامیابیوں میں ٹوکیو پیرا اولمپکس 2020 میں مردوں کی ہائی جمپ ٹی 42  میں کانسے کا تمغہ، 2019 اور 2017 میں عالمی پیرا ایتھلیٹکس چیمپئن شپ میں چاندی کے تمغے اور 2018 اور 2014 میں ایشین پیرا گیمز میں سونے کے تمغے شامل ہیں۔ ملائیشیا اوپن پیرا ایتھلیٹکس چیمپیئن شپ میں سونے کے  تمغہ نے ہندوستان کے پریمیئر پیرا ایتھلیٹ کے طور پر ان  کی حیثیت کو مستحکم کیا ہے۔

حکومت کا تعاون: شرد کی کامیابی کی کلید

پیرا ایتھلیٹکس میں شرد کمار کی کامیابی کو مختلف اسکیموں کے ذریعے ہندوستانی حکومت کی بھرپور حمایت سے بہت تقویت ملی ہے۔ ان  کی تربیت، مقابلوں اور ماہرانہ کوچنگ کے لیے مالی امداد فراہم کی گئی ہے جو ان  کی ترقی اور کارکردگی کے لیے ضروری ہے۔ پنچکولہ کے تاؤ دیوی لال اسٹیڈیم میں اعلیٰ ترین تربیتی سہولیات کی دستیابی نے ان کی تیاری میں مزید تعاون کیا ہے۔ اس کے علاوہ ، ٹارگٹ اولمپک پوڈیم اسکیم (ٹی او پی ایس) نے اس بات کو یقینی بنایا ہے کہ شرد کو بہترین مدد حاصل کرنے کے لیے درکار جامع تعاون اور وسائل حاصل ہوں۔ یہ مداخلتیں شرد کی کامیابیوں میں اہم کردار ادا کرتی رہیں، جس نے انہیں اعلیٰ سطحوں پر مقابلہ کرنے اور اپنے کھیل میں نمایاں کامیابی حاصل کرنے کے قابل بنایا۔

نتیجہ

شرد کمار کی کہانی تمام مشکلات کے خلاف فتح حاصل کرنے کی  کہانی ہے۔ پولیو کے اثرات سے لڑنے سے لے کر ٹوکیو اور پیرس پیرا اولمپکس میں پوڈیم پر کھڑے ہونے تک، ان  کا سفر خواہشمند کھلاڑیوں کے لیے ایک تحریک ہے۔ شرد بے شمار تعریفوں کے درمیان  آنے والے وقت میں ب رکاوٹوں  پر قابو پانے  اور قوم کو فخر محسوس کرانے  کے لئے اپنی کارکردگی کو مزید جاری رکھے ہوئے ہیں۔

 حوالہ جات

https://pib.gov.in/PressReleasePage.aspx?PRID=2051582#:~:text=The%20Prime%20Minister%2C%20Shri%20Narendra,for%20his%20consistency%20and%20excellence.

Click here to download PDF

************

ش ح۔ا  م  ۔ م  ص ۔

 (U: 10658)