پی ایم گتی شکتی پہل کے تحت نیٹ ورک پلاننگ گروپ (این پی جی) کا 18 واں اجلاس نئی دہلی میں طلب کیا گیا، جس کی صدارت صنعت اور داخلی تجارت کے فروغ کے محکمہ (ڈی پی آئی آئی ٹی) کے ایڈیشنل سکریٹری جناب راجیو سنگھ ٹھاکر نے کی۔ اجلاس میں وزارت روڈ ٹرانسپورٹ اینڈ ہائی ویز (ایم او آر ٹی ایچ) کے ذریعے تجویز کردہ اٹھارہ اہم روڈ انفراسٹرکچر منصوبوں کا جائزہ لینے پر توجہ مرکوز کی گئی۔ تمل ناڈو، کیرالہ، کرناٹک، مدھیہ پردیش، مہاراشٹر، تلنگانہ، آندھرا پردیش، اڈیشہ اور بہار سمیت مختلف ریاستوں میں یہ پروجیکٹ وزیر اعظم گتی شکتی نیشنل ماسٹر پلان (این ایم پی) میں بیان کردہ مربوط منصوبہ بندی کے اصولوں کے مطابق ہیں۔

تمل ناڈو اور کیرالہ میں منصوبے

مدورئی-کولم آئی سی آر (دو پروجیکٹ): یہ الائنمنٹ دو الگ الگ پروجیکٹوں میں تیار کی گئی ہے کیونکہ روڈ کوریڈور دو ریاستوں یعنی تمل ناڈو اور کیرالہ سے گزر رہا ہے۔ 4 لین کا یہ کوریڈور 129.92 کلومیٹر (تمل ناڈو میں 68.30 کلومیٹر اور کیرالہ میں 61.62 کلومیٹر) پر پھیلا ہوا ہے۔ ان دونوں منصوبوں کا مقصد سفر ی فاصلے کو کم کرنا اور بڑے اقتصادی مراکز کے درمیان رابطے کو بڑھانا ہے، جس سے صنعتوں اور مقامی معیشتوں کو براہ راست فائدہ پہنچے گا۔ توقع ہے کہ راہداری سے سفر کا فاصلہ 10 کلومیٹر کم ہوجائے گا اور اوسط رفتار دگنی ہوجائے گی جس سے مال بردار ی میں نمایاں اضافہ ہوگا اور سفر کے اوقات میں کمی آئے گی۔

مدورئی-دھنش کوڈی شاہراہ: یہ 46.67 کلومیٹر 4 لین کا حصہ اہم مذہبی اور سیاحتی مقامات سے رابطے کو بہتر بنانے اور خطے میں اقتصادی سرگرمیوں کو بڑھانے پر مرکوز ہے۔

چنئی-مہابلی پورم-پانڈیچیری کوریڈور: 46.05 کلومیٹر طویل اس 4 لین پروجیکٹ کا مقصد ساحلی علاقوں کو اقتصادی راہداریوں کے ساتھ جوڑنا ہے، جو سیاحت اور مقامی صنعتوں کو فروغ دینے کے لیے اہم ہے۔

تھوپ پور گھاٹ سیکشن کی الائنمنٹ کو بہتر بنانا: تمل ناڈو کے پہاڑی علاقوں میں 6.60 کلومیٹر اونچی گنجائش والا 8 لین روڈ پروجیکٹ ٹریفک بھیڑ کے لیے مشہور ایک اہم حصے کی حفاظت اور کارکردگی کو بڑھانے پر توجہ مرکوز کرتا ہے۔

کرناٹک اور مدھیہ پردیش میں منصوبے

بیلگاوی رنگ روڈ (این ایچ 848 آر): 75.39 کلومیٹر پر پھیلی اس 4 لین سڑک کا مقصد شہری ٹریفک کو کم کرنا، سفر کے اوقات کو کم کرنا اور کرناٹک میں صنعتی مراکز کے رابطے کو بڑھانا ہے۔

ٹمکور بائی پاس: 44.10 کلومیٹر طویل 4 لین اسٹریٹجک بائی پاس ہائی وے کا مقصد ٹمکور شہر کے ارد گرد ٹریفک کے بہاؤ کو ہموار کرنا، بھیڑ کو کم کرنا اور لاجسٹک کارکردگی کو بڑھانا ہے۔

بھوپال ساگر اکنامک کوریڈور: 4 لین 138.00 کلومیٹر طویل روڈ کوریڈور جو وسطی مدھیہ پردیش میں ہموار رابطے کی سہولت فراہم کرنے کے لیے ڈیزائن کیا گیا ہے، جس سے اقتصادی ترقی میں مدد ملے گی۔

گوالیار شہر کا مغربی بائی پاس: 4 لین 56.90 کلومیٹر طویل اس بائی پاس کا مقصد شہری نقل و حرکت کو بہتر بنانا اور گوالیار میں بھیڑ کو کم کرنا ہے، جس سے خطے کے معاشی امکانات میں اضافہ ہوگا۔

ایودھیا نگر بائی پاس: مدھیہ پردیش کے بھوپال میں رابطے کو بڑھانے اور ٹریفک کی بھیڑ کو کم کرنے کے لیے 6 لین 16.44 کلومیٹر کا بائی پاس ڈیزائن کیا گیا ہے۔

مہاراشٹر اور تلنگانہ میں منصوبے

احمد نگر-سولاپور کوریڈور: 4 لین 59.22 کلومیٹر طویل سڑک پروجیکٹ کا مقصد مہاراشٹر میں رابطے کو بہتر بنانا ہے، جس سے علاقائی صنعتی ترقی میں مدد ملے گی۔

تلے گاؤں-چاکن-شکراپور کوریڈور: 4 لین 54.00 کلومیٹر طویل سڑک پروجیکٹ سے مال بردار نقل و حرکت کو آسان بنانے کی توقع ہے، جس سے پونے کے قریب صنعتی زون کو فائدہ ہوگا۔

جگتیال کریم نگر ہائی وے: تلنگانہ میں کل 58.87 کلومیٹر پر محیط یہ 4 لین روڈ پروجیکٹ ریاستی رابطے کو بڑھانے اور اقتصادی سرگرمیوں کی حمایت کے لیے اہم ہے۔

ارمور-جگتیال-منچریال ہائی وے: تلنگانہ میں جگتیال-کریم نگر ہائی وے کے تیز رفتار کوریڈور کو توسیع دینے والا یہ 4 لین 131.90 کلومیٹر سڑک پروجیکٹ ریاست کے اندر رابطے کو بڑھائے گا اور بڑے بازاروں اور اقتصادی مراکز تک رسائی کو بہتر بنائے گا۔

آندھرا پردیش، اوڈیشہ اور بہار میں منصوبے

بڈویل-نیلور کوریڈور: آندھرا پردیش میں 108.13 کلومیٹر پر پھیلی یہ 4 لین شاہراہ، یہ پروجیکٹ زرعی علاقوں اور بازاروں کے درمیان رابطے کو بڑھائے گا، جس سے زرعی معیشت کو فروغ ملے گا۔

سمبل پور رنگ روڈ: اوڈیشہ میں 35.38 کلومیٹر پر محیط یہ 4 لین سڑک پروجیکٹ بھیڑ کو کم کرنے اور اقتصادی نوڈز اور خطے کی اہم بندرگاہوں کے قریب صنعتی ترقی کی حمایت کرنے کے لیے ضروری ہے۔

کٹک پارادیپ کوریڈور: اوڈیشہ میں 86.79 کلومیٹر پر پھیلی یہ 4 لین کی شاہراہ پارادیپ بندرگاہ سے اقتصادی نوڈز کے لیے ایک اہم رابطہ ہے ، جو دیگر اعلی صلاحیت والی شاہراہوں سے بھی جڑتی ہے ، خطے کی سماجی و اقتصادی ترقی میں اہم کردار ادا کرے گی۔

بکرپور-مانک پور-صاحب گنج-ارراج-بیتیاہ ہائی وے: بہار میں 4 لین 162.95 کلومیٹر گرین فیلڈ روڈ پروجیکٹ گنجان آباد علاقوں میں اقتصادی مواقع تک رسائی کو بہتر بنانے پر مرکوز ہے۔

این پی جی نے وزیر اعظم گتی شکتی کے اصولوں کی بنیاد پر تمام اٹھارہ منصوبوں کا جائزہ لیا:  ملٹی موڈل بنیادی ڈھانچے کی مربوط ترقی، اقتصادی اور سماجی نوڈز کے لیے آخری میل تک رابطے، انٹرماڈل کنکٹیویٹی، اور ہم آہنگ نفاذ۔ توقع ہے کہ یہ منصوبے نقل و حمل کے مختلف طریقوں کو مربوط کرکے اور خاطر خواہ سماجی و اقتصادی فوائد فراہم کرکے قوم کی تعمیر میں اہم کردار ادا کریں گے ، جس سے خطوں کی مجموعی ترقی میں اضافہ ہوگا۔

***

(ش ح – ع ا – ع ر)

U. No. 10645