নুপী অমসুং অঙাংশিংগী চাউখৎ থৌরাং মন্ত্রালয়
নুপী অমসুং অঙাং চাউখৎ থৌরাং মন্ত্রালয়না পোশন ত্রেকর থৌরাংগীদমক নেসনেল এৱার্দ ফোর ই-গবর্নান্স ২০২৪ (শনা)গী মনা ফংখ্রে
মিসন পোশন ২.০: ত্রেকিং গ্রোথ, ত্রান্সফোর্মিং লাইবস
Posted On:
04 SEP 2024 12:35PM by PIB Imphal
চহি ০-৬ ফাওবগী মনুংদা লৈবা অঙাংশিংগী হকশেল অমসুং মশা মউ ফনবগী মায়কৈদা থাংজিনবা অচৌবা খোঙথাং অমা ওইনা, মিসন পোশন ২.০ না অঙাং মিলিয়ন কয়াগী চাউখৎপগী ফিভম হন্দক্কী রাস্ত্রিয়া পোশন আহ ২০২৪গী থিম অমসু ওইরিবা মন্থলি গ্রোথ মোনিতরিংগী থৌরাং –পোশন ত্রেকরনা অচৌবা মায় পাকপা অমা পুরকখ্রে। পোশন ত্রেকর প্রোগ্রাম অসিনা মায় পাক্না চাউখৎলকপদা থেংনবা খুদোঙচাদবশিং খঙদোকপা ঙম্লে, মসিনা তার্গেতেদ ইন্তর্ভেন্সন ফগৎহল্লে অমসুং ন্যুত্রিসনেল আউৎকম ফগৎলে।
![](https://static.pib.gov.in/WriteReadData/userfiles/image/image001NIK4.jpg)
নুপী অমসুং অঙাং চাউখৎ থৌরাং মন্ত্রালয়না ঙরাং (৩.৯.২০২৪) মুম্বাইদা পোশন ত্রেকর থৌরাংগীদমক নেসনেল এৱার্দ ফোর ই-গবর্নান্স ২০২৪ (শনা)গী মনা ফংখ্রে। মনা অসি লৈঙাক্কী থৌরাং রি-ইঞ্জিনীয়রিং অমসুং দিজিতেল ত্রান্সফোর্মেসনগী পোশন ত্রেকর থৌরাংদা পীখিবনি। পোশন ত্রেকরনা অঙাংশিংগী ন্যুত্রিসনেল গ্রোথকী রিএল তাইম মোনিতরিং অমসুং ইভালুএসন তৌদুনা অঙাংশিংবু তুংদা মশা মউ ফবা হেলহল্লি।
![](https://static.pib.gov.in/WriteReadData/userfiles/image/image0032XVQ.jpg)
মিসন পোশন ২.০ না দব্ল্যু.ঐচ.ও.গী গ্রোথ চার্তশিংগী খুত্থাংদা মতম মতমগী অঙাংশিংগী চাউখৎলকপগী ফিভম ত্রেকিং তৌই, মসি অঙাংশিংনা মপুং মরৈ ফারকপা মোনিতর তৌনবা হোৎনবদা য়াম্না মরুওইবা মচাক অমনি। হায়রিবা চার্তশিং অসিনা চহি অমসুং নুপা নুপীগী মতুং ইন্না ৱাংবা অমসুং লুম্বগী চাং ওল্লি, মসিনা অঙাংগী মপুং মরৈ ফারকপগী থাকশিং উবা ফংহল্লি। হায়রিবা অঙাংগী মপুং মরৈ ফারকপগী মশক মওং উবা য়াবা প্রেজেন্তেসন অসিনা অঙ্গনৱাদী ৱার্করশিংদা ন্যুত্রিসনেল স্তেতস য়েংশিনবা য়াহল্লি অমসুং খেন্নবা লৈবশিং খঙদোকহন্দুনা ঙন্না য়েংশিনবা ঙমহল্লি।
অনৌবা আই.সি.তি. এপ্লিকেসন অমা ওইরিবা পোশন ত্রেকর অসিনা হায়রিবা থৌওং অসিদা য়াম্না চাউবা থৌদাং লৌরদুনা মতম চানা মপুং মরৈ ফারকপদা থেংনবা খুদোংচাদবশিং খঙদোকপা ঙমহল্লি। অঙ্গনৱাদি সেন্তর (এ.দব্ল্যু.সি.) খুদিংদা ফংলিবা গ্রোথ মিজরিং দিভাইস (জি.এম.দি.) অসিনা দেতা মতীক চানা চঙবা য়াহনবা অমসুং চাং নাইনা মোনিতর তৌবা য়াহন্দুনা প্রোগ্রাম অসিনা মশক থোকপা ফল পুরকপা ঙমখ্রে।
![](https://static.pib.gov.in/WriteReadData/userfiles/image/image004TSM9.jpg)
হৌজিক্কী ওইনা, মিসন পোশন ২.০ না অঙাং করোর ৮.৯ (০-৬ ফাওবগী চহি কাংলুপ) কোনশিনখ্রে, মসিগী মনুংদা থাগী গ্রোথ মিজর্মেন্তগী খুত্থাংদা থা অমদা করোর ৮.৫৭ ওনখি। পাক শন্না য়ৌবা ঙম্বা অমসুং শাফু অসিনা প্রোগ্রাম অসিগী পুন্সিগী মশক হোংহনবা ঙম্বা শক্তি অদু উবা ফংলে।
হকশেলদা থেংনবা খুদোংচাদবশিং, ন্যুত্রিসনেল এসেসমেন্ত, অমসুং চাউখৎপা য়াবা থবকশিং ঙন্না খঙদোকপা ঙম্নবা হোৎনরদুনা মিসন পোশন ২.০ না হকশেলগী ফল ফগৎহনবদা নত্তনা মীয়ামদা মখোয়গী অঙাংশিংগী মশা মউ হেন্না ফগৎনবগীদমক হোৎনজবা য়াহল্লে। প্রোগ্রাম অসিনা মখা তানা পাকথোক চাউথোক্লকপগা লোইননা, মসিনা ভারতকী নহা ওইরিবা মীয়ামদা হেন্না মশা মউ ফবা, অরংবা তুংলমচৎ অমা শেম্বদা আসা চাউনা থম্লে।
হৌরকখিবগী ৱারী
জন অন্দোলন অসি চহি খুদিংগী পোশন মাহ (১-৩০ সেপ্তেম্বর) ওইনা অমসুং পোশন পখ্বারা (মার্চকী লোইরকপা) পাঙথোক্তুনা লাক্লি অমসুং ২০১৮ দগী হৌদুনা পোশন মাহ অমসুং পোশন পখ্বারাগী ৬-৬ পাঙথোকখ্রে, মসিদা তোঙান-তোঙানবা থিমশিংগী মখাদা ন্যুত্রিসন-সেন্ত্রিক সেন্সিতাইজেসন করোর ১০০ হেন্না রিপোর্ত তৌরকখি।
***
(Release ID: 2051924)
Visitor Counter : 12