தேசிய ஒரே சுகாதார இயக்கத்தின் (NOHM) ஆதரவின் கீழ், தொற்றுநோய் ஆயத்தநிலையை மதிப்பிடுவதற்காக ராஜஸ்தான் மாநிலத்தின் அஜ்மீர் மாவட்டத்தில் ஆகஸ்ட் 27 முதல் ஆகஸ்ட் 31, 2024 வரை "விஷானு யுத்த் அபியாஸ்" (வைரஸ் போர் பயிற்சி) என்ற விரிவான தேசிய மாதிரி ஒத்திகை நடத்தப்பட்டது. மனித சுகாதாரம், கால்நடை வளர்ப்பு மற்றும் வனவிலங்கு பராமரிப்பு துறைகளைச் சேர்ந்த நிபுணர்களைக் கொண்ட தேசிய தொற்று பரவல் தடுப்புக் குழுவின் (என்.ஜே.ஓ.ஆர்.டி) ஆயத்தநிலை மற்றும் பதிலை மதிப்பீடு செய்வதை இந்த பயிற்சி நோக்கமாகக் கொண்டது. நிஜ உலகளாவிய பரவலை உருவகப்படுத்த ஒரு போலி ஜூனோடிக் நோய் பரவல் காட்சி உருவாக்கப்பட்டது.

மனிதர்கள், விலங்குகள், தாவரங்கள் மற்றும் சுற்றுச்சூழலின் ஆரோக்கியத்தை முழுமையாகவும், நீடித்த முறையிலும் கையாள்வதற்கான ஒத்துழைப்பை வளர்ப்பதன் மூலம், ஒரே சுகாதார இயக்கத்தின் பங்கை எடுத்துரைக்கும் இந்த வகையான முதல் நடவடிக்கையை மத்திய சுகாதாரம் மற்றும் குடும்ப நலத்துறை அமைச்சர் திரு ஜே பி நட்டா பாராட்டினார்.

இந்த பயிற்சியில், தேசிய நோய் கட்டுப்பாட்டு மையம் (என்.சி.டி.சி), இந்திய மருத்துவ ஆராய்ச்சி கவுன்சில் (ஐ.சி.எம்.ஆர்), சுகாதார சேவைகள் இயக்குநரகம் (டி.ஜி.எச்.எஸ்), கால்நடை பராமரிப்பு மற்றும் பால்வளத் துறை (டி.ஏ.எச்.டி), சுற்றுச்சூழல், வனம் மற்றும் பருவநிலை மாற்ற அமைச்சகம் (எம்.ஓ.இ.எஃப் &.சி.சி), இந்திய வேளாண் ஆராய்ச்சி கவுன்சில் (ஐ.சி.ஏ.ஆர்), ராஜஸ்தான் மாநில நிர்வாகம், மாநில சுகாதார சேவைகள் இயக்குநரகம் (டி.எச்.எஸ்), மாநில கால்நடை பராமரிப்புத் துறை மற்றும் மாநில வனத்துறை, எய்ம்ஸ் ஜோத்பூர், பி.எஸ்.எல் -3 ஆய்வகம் (19 தேசிய பி.எஸ்.எல் -3 ஆய்வகங்களில் ஒன்று) மாவட்ட நிர்வாகம், மாவட்ட தலைமை மருத்துவ அதிகாரி, மாவட்ட கால்நடை அதிகாரி மற்றும் சமூக சுகாதார மைய மருத்துவர்கள் மற்றும் ஊழியர்கள்.

இந்த பயிற்சி இரண்டு முக்கிய கூறுகளைச் சுற்றி கட்டமைக்கப்பட்டது: அ) போலி பரவலுக்கு காரணமான வைரஸை ஆய்வு செய்தல் மற்றும் அடையாளம் காணுதல்; மற்றும் ஆ) மனித மற்றும் விலங்குகளிடையே நோய் பரவுவதைக் கட்டுப்படுத்த தொடங்கப்பட்ட நடவடிக்கைகள். சுதந்திரமான பார்வையாளர்கள் நடவடிக்கைகளைக் கண்காணித்தனர். NJORT-ஆல் இயக்கப்பட்ட மாவட்ட மற்றும் மாநில குழுக்களின் நடவடிக்கை, பெரும்பாலும் உடனடியாகவும் பொருத்தமானதாகவும் காணப்பட்டது. மேலும் முன்னேற்றம் தேவைப்படும் சில பகுதிகளையும் இந்த பயிற்சி அடையாளம் கண்டது.

விஷானு யுத்த் அபியாஸ் ஒரு வெற்றிகரமான பயிற்சியாகும், இது ஜூனோடிக் தொற்று பரவலுக்கான இந்தியாவின் தயார்நிலை மற்றும் பதிலை மேம்படுத்துவதற்கான எதிர்கால உத்திகளை தெரிவிக்க, மதிப்புமிக்க நுண்ணறிவுகளை வழங்கியது. இது தொடர்புடைய அனைத்து துறைகளிலும் ஒருங்கிணைந்த மற்றும் திறமையான அணுகுமுறையை வளர்த்தது.

***

MM/AG/DL