ঙসিদগী নিউ দিল্লিদা নুমিৎ ১২ নি চৎথগদবা ওল ইন্দিয়া এন.সি.সি থাল সৈনিক কেম্প হৌদোকখ্রে। কেম্প অসি এদিসনেল দিরেক্তর জেনেরেল(বি) এন.সি.সি মেজর জেনেরেল সিদ্ধর্থ চৌলানা হৌদোকখি। সেপ্তেম্বর ১৩,২০২৪ দা লোইশিনগদবা কেম্প অসিদা, লৈবাক শীনবা থুংবগী দাইরেক্তোরেত ১৭ তগী খনগৎলকপা নুপামচাশিং অমসুং নুপীমচাশিং য়াওনা কেদেত ১,৫৪৭ শরুক য়ারি।

কেম্প অসিদা শরুক য়ারিবশিংনা ওবস্তেকল ত্রেনিং, মেপ পাবা অমসুং অতোপ্পা চাংদম্নবশিং য়াওনা তোঙান-তোঙানবা থবকশিং পাংথোক্কনি। হকচাংগী অৱাবা খাংবা ঙম্বা হেনগৎহন্নবা, ৱাখল লৌশিং হেনগৎহন্নবা অমসুং পুন্না থবক তৌমিন্নবগী ত্রেনিং পীনবা হায়রিবা থবকশিং অসি দিজাইন তৌবনি।

     মহাক্কী ৱারোলদা, মেজর জেনেরেল চৌলানা হায়খি নহারোলশিংগী মরক্তা থৌনা ফবা, থকশি-খাসি অমসুং ইকায়খুম্নবা লৈহন্নবা এন.সি.সিনা হোৎনরি। থাল সৈনিক কেম্পনা কেদেতশিংদা মখোয়গী তুংগী থবকশিং ফগৎনবা অমসুং লৈবাক্কীদমক অফবা থবক পাংথোক্নবা ইথিল পীগনি।

আর্মি ৱিং কেদেতশিংগীদমক অখন্নবা থাল সৈনিক কেম্প অসিনা লৈবাক অসিগী নহারোলশিংগী মরক্তা লুচিংবা অমসুং পুন্না থবক তৌমিন্নবগী অকনবা য়ুম্ফম অমা শেমগৎনবা পান্দমগা লোয়ননা অপুনবা ত্রেনিং অমসুং লমচৎ-শাজৎ শেমগৎপদা মীৎয়েং থম্লি।

*****