লৈবাক অসিদা ফাইনান্সিএল ইনক্লুজন পুরক্নবা হোৎনবদা মরুওইবা থৌদাং লৌরিবা ইন্দিয়া পোস্ত পেমেন্ত বেঙ্ক (আই.পি.পি.বি.)না ঙসি চাউথোকপগা লোইননা ৭শুবা ফাউন্দেসন দে (আই.পি.পি.বি. দে) পাঙথোকখ্রে। মসিনা ২০১৮ দা প্রধান মন্ত্রী শ্রী নরেন্দ্র মোদীনা পাক শন্না হৌদোকখিবগা লোইননা, আই.পি.পি.বি.না ভারতকী ফাইনান্সিএল লেন্দস্কেপ্পু বেঙ্ক লৈজদ্রিবা ইমুং মনুংশিংদা য়ুমগী থোংজিন্দা অহোংবা মমলদা অমসুং থাজবা য়াবা দিজিতেল বেঙ্কিং সর্ভিস পীদুনা অহোংবা পুরক্নবা হোৎনবদা মাংজিল থারি।

আই.পি.পি.বি.না ফাইনান্সিএল ইনক্লুজনগী মরক্তা লৈরিবা অহোবা অসিবু মেনশিন্নবা অচৌবা থৌদাং লৌরদুনা হৌখিবা চহি তরেৎলোম অসিদা পোস্ত ওফিস ১৬১,০০০ অমসুং পোস্তেল ইমপ্লোইয়ী ১,৯০,০০০ রোমদা ইন্দিয়া পোস্তকী নেৎৱার্ক হেনগৎহল্লি। আই.পি.পি.বি.গী অনৌবা খোঙথাং অসিনা লৈবাক অসিদা লৈরিবা মীওই মিলিয়ন কয়াদা মরুওইনা খুঙ্গং অমসুং অরাপ্পা মফমশিংদা লৈরিবা মীওইশিংদা তঙাইফদবা বেঙ্ককী সর্ভিসশিং পীদুনা য়ুম্থোং খুদিংদা দোর্স্তেপ দিজিতেল বেঙ্কিং সর্ভিস লৈহন্দুনা  লৈবাক অসিগী সোসিও একনোমিক ফগৎহল্লি।

ইন্দিয়া পোস্ত পেমেন্ত বেঙ্ক (আই.পি.পি.বি.)গী মরুওইবা মায় পাকপশিং

• কস্তমর একাউন্ত করোর ৯.৮৮ হেন্না ফংখ্রে।
• মর্চেন্ত লাখ ১২ হেন্না ওন-বোর্দ তৌখ্রে।
• তোঙান তোঙানবা লৈঙাক্কী স্কিমশিংগী মখাদা বেনিফিসরীশিংদা দাইরেক্ত বেনিফিত ত্রান্সফর (দি.বি.তি.)দা লুপা করোর ৪৫,০০০ হেন্না মায় পাক্না থাদোকখ্রে
• আধার কার্দকী মোবাইল নম্বর অপদেত কস্তমর করোর ৭.১০ তৌখ্রে।
• পেন্সনর লাখ ২০ হেনবদা দিজিতেল লাইফ সর্তিফিকেত সর্ভিস য়াহনখ্রে।

কম্ম্যুনিকেসন মন্ত্রী শ্রী জ্যোতিরঅদিত্যা সিন্দিয়ানা হায়খি, "ঐখোয়না ভারতকী অন্দিজর্ব ওইবা কম্ম্যুনিতীশিংবু শক্তি পীরকপগী চহি তরেত মপুং ফারকপা পালন অসিদা ঐখোয়না আই.পি.পি.বি.না পীখিবা শাফুশিংগীদমক চাউথোকচৈ। ঐখোয়না লৈবাক অসিগী খ্বাইদগী থাপ্পা খুঙ্গংশিং অমসুং অৱাং নোংপোক লমদম য়াওনা ভারতকী য়ুম্থোং খুদিংদা বেঙ্কিং ফংহন্নবা মিসন অসি খোঙজেল য়াঙনা চৎলি। ঐখোয়না ফাইনান্সিএল ইনক্লুজনগী মায়কৈদা চঙশিল্লিবা খোঙজং অসি অনৌবা থৌনাগা লোইননা মাংজিল থানা চঙশিল্লি।

৭শুবা হৌদোকখিবা নুমিৎকা লোইননা, আই.পি.পি.বি.না কস্তমরশিংগী তঙাইফদবশিং ফংহন্নবগীদমক সর্ভিস পীবা হেনগৎনবগী ৱারেপ হেন্না চেৎশিলহল্লে। দিজিতেল ইন্নোভেসনগী মীৎয়েংগা লোইননা, আই.পি.পি.বি.না মখা তানা ভারত মচা খুদিংমক্কী বেঙ্কিংগী থবক হেন্না লায়হন্নবা হোৎনরি।

ইন্দিয়া পোস্ত পেমেন্ত বেঙ্ককী মতাংদাঃ

ইন্দিয়া পোস্ত পেমেন্ত বেঙ্ক (আই.পি.পি.বি.) অসি কম্ম্যুনিকেসন মন্ত্রালয়গী পোস্ত বিভাগকী মখাদা ভারত সরকারনা ১০০% ইক্বিতী পায়বগা লোইননা লিংখৎখি। মসি সেপ্তেম্বর ০১, ২০১৮ দা হৌদোকখি। বেঙ্ক অসি ভারতকী মীচম মীয়ামগী খ্বাইদগী লায়না ফংবা, মমল হোংবা অমসুং থাজবা য়াবা বেঙ্ক অমা ওইহন্নবগী পান্দমদা লিংখৎখি। ইন্দিয়া পোস্ত পেমেন্ত বেঙ্ককী তঙাইফদবা মেন্দেত্তি অনবেঙ্ক অমসুং অন্দরবেঙ্ক ওইবশিংদা লৈরিবা পল অসিবু থুগাইবা অমসুং ১,৬১,০০০+ লৈবা পোস্ত ওফিস (খুঙ্গংদা ১,৪৩,০০০) অমসুং ১৯০,০০০+ লৈবা পোস্তেল ইমপ্লোইয়ীগী পোস্তেল নেৎৱার্ক অসি মপাঙ্গল লৈহন্দুনা খ্বাইদগী লাপ্পা মফম ফাওবদা য়ৌহনবনি।

আই.পি.পি.বি.না য়ৌবা অমসুং ওপরেতিং মোদেল অসি ইন্দিয়া স্তেক্কী মরুওইবা পিলরশিং হায়বদি চে শীজিন্নদবা, কেস্লেস ওমসুং প্রেজেন্স লেস বেঙ্কিংগী থবক লায়না অমসুং খ্বাইদগী সেক্যুর ওইবা মওংদা কস্তমরগী থোংজিন্দা সি.বি.এস.- ইন্তিগ্রেতেদ স্মার্তফোন অমসুং বাইওমেত্রিক দিভাইসকী খুত্থাংদা ফংহন্নবা শেম্মি। অমাংবা য়াওদবা মীয়ামগী বেঙ্কিংদা ইরাই লাইবা মওংদা ফংহনবদা মীৎয়েং থমদুনা লোল ১৩দা ফংবা নুংঙাইরবা ইন্তর্ফেসকা লোইননা বেঙ্কিং সোলুসন পীরি।

মসিনা কেস কয়া য়াম্না শীজিন্নদবা শেন্মিৎলোন অমসুং দিজিতেল ইন্দিয়াগী মঙলান্দা মতেং পাংলি। মীপুম খুদিংমক্না ফাইনান্সিএল ওইনা সেক্যুর ওইবা মতমদা অমসুং শক্তি লৈরবা মতমদা ভারতনা চাউখৎপা হায়বদু ওইগনি। ঐখোয়গী মোত্তো লেঙদনা লৈরি – কস্তমর খুদিংমক মরুওই, ত্রাঞ্জেক্সন খুদিংমক মরুওই অমসুং দিপোজিত খুদিংমক মরুওই।

***