কম্যুনিকেসন অমসুং ইনফোর্মেসন তেক্নোলোজী মন্ত্রালয়
প্রধান মন্ত্রী শ্রী নরেন্দ্র মোদীনা সুপ্রিম কোর্ত চহি ৭৫ মপুংফারকপগী কম্মেমোরেতিপ পোস্তেজ স্তাম্প ফোঙখ্রে
Posted On:
31 AUG 2024 7:43PM by PIB Imphal
ঙসি প্রধান মন্ত্রী শ্রী নরেন্দ্র মোদীনা ভারতকী সুপ্রিম কোর্ত চহি ৭৫ মপুংফারকপগী কম্মেমোরেতিপ পোস্তেজ স্তাম্প অমা ফোঙখ্রে। নিউ দিল্লিগী ভারত মন্দাপমদা পাংথোকপা দিস্ত্রিক জজশিংগী মীফম হৌদোকপা থৌরমদা স্তাম্প অদু ফোঙখিবনি।
থৌরম অদুদা সুপ্রিম কোর্তকী চীফ জজতিস দোক্তর দি ৱাই চন্দ্রচুর; লো অমসুং জজতিস অমসুং পর্লিয়ামেন্তরি এফেয়ার্সকী মিনিস্তর শ্রী অর্জুন রাম মেঘাৱাল অমসুং শক্নাইরবা মীওইশিং শরুক য়াখি।
ভারতকী ৱায়েন-কাংলোনগী থবক্তা সুপ্রিম কোর্তনা পাংথোক্লিবা মমল নাইদ্রবা থবকশিং অমসুং লৈবাক অসিগী আইনগী ওইবা ফিবম অমা শেমগৎপদা লৌরিবা মরুওইবা থবকশিং কম্মেমোরেতিপ স্তাম্প অসিদা খুদম ওইনা উৎলি। জনুৱারি ২৮,১৯৫০ দা লিংখৎখিবা কোর্ত অসিনা আইন্দা য়ুম্ফম ওইবা লৈঙাক লৈহন্নবা, মীয়ামগী হকশিং ঙাক-শেন্নবা অমসুং লৈবাক শীনবা থুংনা অচুম্বদা য়ুম্ফম ওইবা লৈঙাক-সাসন লৈহন্নবা মাঙজিল থারি।
কম্মুনিকেসন মিনিস্ত্রিগী মখাদা লৈবা পোস্ত দিপার্তমেন্তনা কম্মেমোরেতিপ স্তাম্প অসি পুথোকপগীদমক চাউথোকচবা ফাওরি, মসি ভারতকী ৱায়েন-কাংলোনগী পুৱারিদা সুপ্রিম কোর্তকী মুৎপা নাইদ্রবা থবকশিংগী খুদম অমনি।
লৈবাক অসিদা অচুম্বা অমসুং আইন্দা য়ুম্ফম ওইবা লৈঙাক-সাসন লৈহন্নবা সুপ্রিম কোর্তনা চহি ৭৫ কৎথোক্তুনা লাকপগী হরাওবা ফোঙদোক্তুনা, থৌরম অসি ভারতকী জুদিসিয়ারিগী পুৱারিদা শিংথানিঙাই ওইরবা খুমাঙচাউশিনবা অমনি।
****
(Release ID: 2050484)
Visitor Counter : 61