কেন্দ্রগী আয়ুশ (ইন্দিপেন্দেন্ত চার্জ) অমসুং হকশেল অমসুং য়াইফ য়ুম্বালগী রাজ্য মন্ত্রী, শ্রী প্রতাপরাও যাদবনা ইরাই নুমিৎতা ওল ইন্দিয়া ইন্সতিত্যুৎ ওফ আয়ুর্বেদ (AIIA) দা চৎখ্রে। শ্রী প্রতাপরাও যাদবনা কেম্পস পুম্নমক য়েংশিনখি অমসুং অনাবশিংদা পীরিবা লায়েং অমসুং খুদোংচাবশিং য়েংশিনখি। মফম অদুদা পাংথোকপা থৌরম অমদা মহাক্না হায়খি মদুদি মহাক্কী সরকারনা প্রধান মন্ত্রীগী য়ুমথোং খুদিংদা আয়ুর্বেদ য়ৌহন্নবা হোৎনরিবা অদু মপুং ফাহন্নবা অচেৎপা ৱাফম থম্লি। মন্ত্রীনা হায়খি মদুদি আয়ুর্বেদ অমসুং ঐখোয়গী ত্রেদিস্নেল মেদিসিন সিস্তেম অসি কোলোনিএল পেরিয়দ অমসুং ফোরেন ইনভেসনগী মতমদা অৱাবা কয়া মায়োক্নখি। অদুবু ঙসিদি, য়োগ অমসুং আয়ুর্বেদকী মাইকৈদা মালেমগী ওইনা ৱাখল্লোন হোংলক্লি অমসুং মখোয়গী অয়াবা অসি য়াম্না থুনা হেনগৎলক্লি। ভারতকী মীপুম খুদিংমক্না কান্নবা ফংবা ঙম্নবা ত্রেদিস্নেল মেদিকেল সিস্তেম অসি পাকথোক চাউথোকহন্নবগীদমক লাক্কদৌরিবা চহি মঙা অসিদা অনৌবা আয়ুশ ইন্সতিত্যুৎ 10 হাংদোক্লগনি হায়নসু মহাক্না লাউথোকখি।

মীদিয়া পার্সনশিংগা ৱারী শানবদা, মন্ত্রীনা হায়খি মদুদি ভারতকী রাস্ত্রপতিনা ইন্সতিত্যুৎ অদুদা চৎনবা অপাম্বা ফোংদোকখি অমসুং মন্ত্রী অমা ওইনা মহাক্না শেম-শাবা অদু য়েংশিনবা লাকখি।

থৌরম অদুদা ইন্সতিত্যুৎ অসিগী দাইরেক্তর প্রো. তনুজা নেসারিনা মন্ত্রীদা মহাক্কী থাগৎপা ফোংদোকখি অমসুং হায়খি, "মহাক্না আয়ুর্বেদ প্রমোৎ তৌবদা মরুওইবা থৌদাং অমা লৌরি। মহাক্কী লমজিং-লমতাকপী অমসুং তেংবাংনা মীয়ামদা আয়ুর্বেদ য়ৌহন্নবা অমসুং মালেমগী থাক্তা য়ৌহন্নবা মখা তানা মতেং পাংগনি।"

মহাক্কী খোঙচৎ মনুংদা, শ্রী প্রতাপরাও যাদবনা হোস্পিতাল কেম্পস অদু কুপ্না য়েংশিনখি অমসুং মরুওইবা থবক থৌরম কয়াদা শরুক য়াখি। মন্ত্রীনা কোবিদ-19 লাইচৎ মনুংদা লৈখিদ্রবা মতমদুগী মেদিকেল সুপরিন্তেন্দেন্ত লৈখিদ্রবা প্রো. সঞ্জয় গুপ্তাবু নীংশিংবা ওইনা শাখিবা ওদিতোরিয়ম অমা শঙ্গাখি। মসিগী মথক্তা, মহাক্না ওক্তোবর 17দগী 19 ফাওবা পাংথোক্কদৌরিবা "AAROHA-2024" ইন্তর্নেস্নেল কনফরেন্সকী ব্রোচরসু ফোংখি।

থৌরম অদুদা আয়ুশ IC  দিপার্তমেন্তকী দিপুতি দাইরেক্তর জেনরেল শ্রী সত্যজিৎ পোল য়াওনা আয়ুশ মন্ত্রালয়গী মকোক থোংবশিং অমসুং ওফিসিএল কয়া শরুক য়াখি। AIIAগী অতৈ শরুক য়ারিবা মীওইশিংগী মরক্তা দিয়ন, পি.ঐচ.দি. মহেশ ভাইস, মেদিকেল সুপরিন্তেন্দেন্ত প্রো. অনন্দ রমন শর্মা, এদিস্নেল এম.এস. যোগেশ বাদৱে, তোঙান তোঙানবা ওফিসিএলশিং, স্কোলরশিং অমসুং স্তাফশিংগা লোয়ননা শরুক য়াখি।

***