سیاحت اور مہمان نوازی کی مہارت کونسل(ٹی ایچ ایس سی)  نے ہنر کی ترقی اور صنعت کاری کی وزارت کے زیراہتمام، ویزا (این وائی ایس ای: وی) کے ساتھ مفاہمت کی ایک یادداشت پر دستخط کیے ہیں۔ ویزا ،ڈیجیٹل ادائیگیوں میں عالمی رہنما ہے، تین سالہ شراکت داری کے لیے اس کی مالیت ایک ملین امریکی ڈالر تک ہے۔ کم از کم 20,000 ہندوستانی نوجوانوں کو سیاحت سے متعلقہ مہارتوں میں مہارت پیدا کرنے کے لیے ڈیزائن کیا گیا۔ اسے حکومت ہند کی وزارت ہنر مندی اور صنعت کاری(ایم ایس ڈی ای) میں وزیر مملکت (آزادانہ چارج) اور وزیر مملکت برائے تعلیم ، جناب جینت چودھری کی موجودگی میں رسمی شکل دی گئی۔

شراکت داری، جو کہ وزارت سیاحت کے ساتھ ویزا کے جاری تعاون پر مبنی ہے، کا مقصد آسام، گجرات، ہماچل پردیش، اور مغربی بنگال سمیت 10 ریاستوں کے نوجوانوں کو تربیت دینا ہے تاکہ سیاحوں کے لیے سیاحتی خدمات کے تجربے کو بہتر کیا جا سکے۔ یہ پروگرام گھریلو سیاحت کی صنعت کے اندر ضروری کرداروں پر توجہ مرکوز کرے گا، جیسے ٹور گائیڈ، کسٹمر سروس ایگزیکٹیو، نیچرلسٹ، اور پیرا گلائیڈنگ ٹینڈم پائلٹس وغیرہ۔

مفاہمت نامے پر دستخط کی تقریب سے خطاب کرتے ہوئے، وزیر موصوف جناب جینت چودھری نے کہا، ’’ہندوستان کی سیاحت کی صنعت میں اقتصادی ترقی کو آگے بڑھانے اور ملک بھر میں لاکھوں ملازمتیں پیدا کرنے کی بے پناہ صلاحیت ہے۔ ویزا کے ساتھ یہ شراکت داری اس صلاحیت کو حاصل کرنے کی سمت  میں ایک اہم قدم ہے، جو ہمارے نوجوانوں کو سیاحت کے شعبے میں ترقی کرنے اور ہندوستان کو ایک اعلیٰ ترین عالمی سیاحتی مقام بنانے کے لیے درکار مہارتوں سے آراستہ کرتا ہے۔ یہ تعاون نوجوان ہندوستانیوں کو اپنے مستقبل کی تشکیل اور ملک کی ترقی کی کہانی میں تعاون کرنے کے لیے درکار مہارتوں اور مواقع کے ساتھ بااختیار بنانے کے لیے ہماری مشترکہ عزم کی عکاسی کرتا ہے۔

سیاحت اور مہمان نوازی کی مہارت کونسل(ٹی ایچ ایس سی)  کے ساتھ شراکت داری اور ہنر مندی کی ترقی اور انٹرپرینیورشپ کی وزارت کا تعاون صلاحیت کو پروان چڑھانے اور ہندوستان کو عالمی سیاحوں کے لیے ایک اعلیٰ مقام بنانے کے حکومت کے وژن کی حمایت کرتے ہوئے ہندوستان کے ساتھ ویزا کی غیر متزلزل وابستگی کو واضح کرتا ہے۔

ملک میں ادائیگیوں کے ایک سرکردہ نیٹ ورک کے طور پر معروف ، ویزا نے گزشتہ چند سالوں میں ہندوستان کے سیاحتی منظرنامے کو مضبوط کرنے کے لیے اسٹریٹجک اقدامات کیے ہیں۔ ویزا نے اپنے گہرے ڈیٹا اور تجزیاتی مہارت کے ذریعہ سیاحت کی وزارت کو قیمتی ڈاٹا اور بصیرت فراہم کرکے، عالمی سطح پر ہندوستان کے متنوع مقامات کے فروغ میں سہولت فراہم کرکے اندرون ملک سیاحت کو بڑھانے میں فعال طور پر تعاون کیا ہے۔

سیاحت کا شعبہ ہندوستان کی معیشت میں ایک اہم شراکت دار ہے، جس کا جی ڈی پی میں 231 بلین امریکی ڈالر[1] سے زیادہ کا حصہ ہے اور 2023 میں 42 ملین[2] سے زیادہ لوگوں کو روزگار فراہم کیا ہے۔ یہ عالمی سیاحتی مرکز بننے کے ہندوستان کے عزائم کی حمایت کرنے کے لیے ایک ہنر مند افرادی قوت کو یقینی بنائے گا۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ت ع(

10365