వ్యవసాయ కార్మికులకు ఉద్దేశించిన అఖిల భారత వినియోగదారు ధరల  సూచి (సిపిఐ - ఎఎల్) లోను, గ్రామీణ కార్మికులకు ఉద్దేశించిన అఖిల భారత వినియోగదారు ధరల  సూచీ (సిపిఐ - ఆర్ఎల్) లోను ఈ ఏడాది జులై లో పదేసి పాయింట్ల వంతున పెరుగుదల నమోదైంది. దీంతో ఆ సూచీలలో  సిపిఐ-ఎఎల్ 1290 కి చేరుకోగా, సిపిఐ - ఆర్ఎల్ 1302 పాయింట్లకు చేరుకొంది. (ఈ సూచీలకు 1986-87 = 100 పాయింట్లను ప్రామాణికంగా తీసుకుని లెక్కిస్తారు).

ఇదే  నెల కు  సిపిఐ-ఎఎల్ , సిపిఐ -ఆర్ఎల్ ల ఆధారంగా లెక్కించే  వార్షిక  ద్రవ్యోల్బణ రేటులు వరసగా 6.17 శాతం, 6.20 శాతం స్థాయిల వద్ద నిలవగా, కిందటి ఏడాది జులై లో ఇవి  7.43 శాతం మరియు 7.04 శాతంగా నమోదయ్యాయి. ఈ సంవత్సరం జూన్ లో సిపిఐ- ఎఎల్ విషయంలో ఇవే సంఖ్యలు 7.02 శాతంగాను, సిపిఐ- ఆర్ఎల్ విషయానికి వస్తే 7.04 శాతంగా ఉన్నాయి.

https://pib.gov.in/PressReleseDetail.aspx?PRID=2049762 లో ఇతర వివరాలు ఉన్నాయి.

****