হকশেল অমসুং য়াইফ-য়ুম্বাল মন্ত্রালয়
"ভারত্তা ওর্গান অমসুং তিস্যুগী দোনেসন অমসুং ত্রান্সপ্লান্তেসন তৌবদা তেক্নোলোজী, প্রোসেস অমসুং লেজিস্লেসনগী ফিভম ফগৎহনবগী রিফোর্মশিং" হায়বসিগী চিন্তন শিবির কেন্দ্রগী হকশেল মন্ত্রালয়না পাঙথোকখ্রে
ওর্গান দোনেসন তৌবা হায়বসি ঐখোয়গী পুন্সিগী লম্বী অমা ওইহনগদবনি মরমদি ঐখোয়না ওর্গান ফেলর ওইবদগী অৱাবা তারবা মীওইশিংদা অনৌবা পুন্সি অমা পীবা ঙমগনিঃ এদিসনেল সেক্রেতরী, হকশেল মন্ত্রালয়
Posted On:
30 AUG 2024 12:49PM by PIB Imphal
"ওর্গান দোনেসন তৌবা হায়বসি ঐখোয়গী পুন্সিগী লম্বী অমা ওইহনগদবনি মরমদি ঐখোয়না ওর্গান ফেলর ওইবদগী অৱাবা তারবা মীওইশিংদা অনৌবা পুন্সি অমা পীবা ঙমগনি।" হায়রিবা ৱারোল অসি শ্রীমতি এল.এস. চাংসন, এদিসনেল সেক্রেতরী, হকশেল অমসুং য়াইফ য়ুম্বাল মন্ত্রালয়না "ভারত্তা ওর্গান অমসুং তিস্যুগী দোনেসন অমসুং ত্রান্সপ্লান্তেসন তৌবদা তেক্নোলোজী, প্রোসেস অমসুং লেজিস্লেসনগী ফিভম ফগৎহনবগী রিফোর্মশিং" হায়বসিগী মতাংদা ঙসি পাঙথোকপা চিন্তন শিবির হৌদোক্লদুনা হায়খিবনি। প্রোফেসর (দাক্তর) অতুল গোয়ল, দিরেক্তর জেনরেল হেল্থ সর্ভিস (দি.জি.ঐচ.এস.), দা. অনিল কুমার, দিরেক্তর, নেসনেল ওর্গান এন্দ তিস্যু ত্রান্সপ্লান্ত ওর্গানাইজেসন (নোত্তো), শ্রীমরি বন্দনা জৈন, জোইন্ত সেক্রেতরী, হকশেল অমসুং য়াইফ য়ুম্বাল মন্ত্রালয়সু থৌরম অদুদা দিগনিতরী ওইনা শরুক য়াখি।
হৌদোকপগী ৱারোলদা শ্রীমতি এল.এস. চাংসন্না হায়খি "প্রধান মন্ত্রী শ্রী নরেন্দ্র মোদীনা মহাক্কী মন কী বাত থৌরমদা ওর্গান দোনেসনগী মরুওইবশিংগী মতাংদা ফোঙদোকখি অমসুং শিরবা মতুংদা ওর্গান কত্থোক্লম্লিবা মীওই অমনা তোঙান-তোঙানবা ওর্গান ফেল ওইরবা অনাবা নিপাল ফাওবদা অনৌবা পুন্সি অমা পীবা ঙমগনি হায়না ফোংদোকখি"। লৈবাক অসিদা ওর্গানা দোনেসন তৌবগী চাউনা তঙাইফদবা লৈরিবা অসিবু কোকহন্নবগীদমক লৈখিদ্রবা মীওইশিংদগী ওর্গান দোনেসন তৌহনবগী তঙাইফদবগী মতাংদা মহাক্না ফোঙদোকখি।
![](https://static.pib.gov.in/WriteReadData/userfiles/image/image0014N8H.jpg)
হীরম অসিগী মতাংদা লৈঙাক্না লৌখৎলিবা থৌদাংশিংগী মতাংদা থম্লদুনা শ্রীমতি চাংসন্না হায়খি "ভারত সরকারনা "ৱান নেসন, ৱান পোলিসী"গী পোলিসী অমা ওর্গান দোনেসন অমসুং ত্রান্সপ্লান্তেসনগীদমক হৌদোকখ্রে অমসুং রাজ্য সরকারশিংগা হীরম অসিগী মতাংদা খন্নবগী থবক পায়খৎপা হৌখ্রে। ঐখোয়গী মীৎয়েং চঙফম সই ইনফ্রাস্ত্রকচর ফংবা হেনগৎহনবা অমসুং ওর্গান ত্রান্সপ্লান্তেসনগী মরুওইনা লৈঙাক্কী ইন্সতিত্যুসনশিংদা ত্রেন তৌরবা মেনপাৱর হেনগৎহনবনি।" মহাক্না মখা তাখি মদুদি লৈঙাক্না মাংজৌননা ওর্গান দোনেসন পব্লিক অৱেয়রনেস কেম্পেন অমা "অঙ্গদান জন জগ্রুক্তা অভিয়ান" হায়না থোন্দুনা তোঙান-তোঙানবা রাজ্য অমসুং ইন্সতিত্যুসনশিংদা চত্থরি।
![](https://static.pib.gov.in/WriteReadData/userfiles/image/image002YF80.jpg)
দা. অতুল গোয়ল, দিরেক্তর জেনরেল হেল্থ সর্ভিস (দি.জি.ঐচ.এস.)না হায়খি মদুদি "নোত্তোনা ভারত্তা ওর্গান অমসুং তিস্যু ত্রান্সপ্লান্ত তৌবগী হীরমদা মকোক চিংলি। চিন্তন শিবিরনা সিস্তেমশিংবু মফম চানা লৈহন্নবা ইন্ত্রোস্পেক্সন তৌবগী তাঞ্জা অমা পীরি।" মহাক্না হায়খি মদুদি "ঐখোয়গী লৈবাক অসিদা ঐখোয়দা পীথোকপগী হায়বদি অলত্রুইজমগী চৎনবী অমা লৈরকই। অদুগা ঐখোয়দা হিংলিঙৈগী দোনেসন লৈ অদুগা ঐখোয়না লৈত্রবা মতুংগী দোনেসনসু লৈঙাক অমসুং প্রাইবেত হোস্পিতাল অনিমক্তা লৈহন্নবা পুক্নিং থৌগৎপা মথৌ তাই।
নুমিৎ নিনি চত্থগদবা চিন্তন শিবির অসিদা ওর্গান দোনেসন অমসুং ত্রান্সপ্লান্তেসন অমসুং তোঙান-তোঙানবা থিমশিংগা মরী লৈনবা মরুওইবা থিম তরা য়াওরি।
চিন্তন শিবিরগী অখন্নবা পান্দমশিংদিঃ
- ওর্গান অমসুং তিস্যু দোনেসন অমসুং ত্রান্সপ্লান্তেসন হেনগৎনবগী রিসোর্মশিংগী মতাংদা খন্নবা।
- ওর্গান দোনেসন অমসুং এল্লোকেসন প্রোসেস ফগৎহনবা য়াবা তেক্নোলোজী ফগৎহন্নবা থিজিনবা অমসুং খন্নবা।
- ওর্গান দোনেসন অমসুং ত্রান্সপ্লান্তেসনগা মরী লৈননা হৌজিক লৈরিবা লিগেল ফ্রেমৱার্ক মপাঙ্গল কলহন্নবা লেজিস্লেতিব রিফোর্মশিংগীদমক রিকমেন্দেসন তৌবা।
- ওর্গান দোনেসনগী শক্তি লৈবা এনভাইরোন্মেন্ত অমা পীবা অমসুং মসিগী থৌওংসিদা চঙবা তেক্নোলোজীশিং হেনগৎতুনা এলোকেসন পীবা।
সেসন অসিনা লিগেল লুপহোলশিং মেনশিনবা, লৈবাক অমা পোলিসী অমা; মনুং মপান ফাওনা উহনবা; ইকোসিস্তেম ফগৎহনবা, ওর্গান ত্রান্সপ্লান্ত তৌববু হেন্না হোংবা, পুম্নমক্না ফংবা অমসুং মান্নবা ওইহনবা, অমসুং হায়রিবসিগী লম্বী অমা য়াৎপা হায়রিবা থিমশিং অসিদা খন্ন নৈনগনি। রাজ্য, এন.জি.ও., ওর্গান ত্রান্সপ্লান্ত সোসাইতীশিংদগী মীহুৎশিং, তোঙান-তোঙানবা সরকার অমসুং প্রাইবেত ইন্সতিত্যুসনশিংদগী মশক নাইবা ত্রান্সপ্লান্ত প্রোফেসনেলশিং অমসুং এক্সপর্তশিং চিন্তন শিবির অসিদা শরুক য়াগনি।
বেকগ্রাউন্দঃ
ভারত সরকারনা লৈখিদ্রবা মীওইশিংদগী ওর্গান দোনেসন তৌবা হেনগৎতুনা ওর্গান ফেলরগী অরোইবা তাংকক্তা লৈরবা অনাবশিংনা ওর্গান ত্রান্সপ্লান্ত তৌবা য়াহন্নবগীদমক নেসনেল ওর্গান ত্রান্সপ্লান্ত প্রোগ্রাম অমা হৌদোকখি। প্রোগ্রাম অসিগী মখাদা নৈ দিল্লীগী সাফদর্জুং হোস্পিতালদা অৱাংবা থাক্কী ওর্গানাইজেসন "নেসনেল ওর্গান এন্দ তিস্যু ত্রান্সপ্লান্ত ওর্গানাইজেসন" (নোত্তো) লিংখৎখি অমসুং লৈবাক পুম্বগী ত্রান্সপ্লান্ত অমসুং রিত্রিভেল হোস্পিতালশিং তিস্যু বেঙ্কশিং শেমগৎখি। ওর্গান, ত্রান্সপ্লান্ত কেস, ওর্গান দোনর অসিনচিংবগী ঙাইরিবা অনাবগী রেজিস্ত্রেসন অসি জাতিগী থাক্তা পায়খৎলি। রেজিস্ত্রেসনগী থবক অসি লৈত্রবা মতুংদা ওর্গান দোনেত তৌবা পাম্বশিংগী ওইনা নোত্তোগী ৱেব পোর্তেল www.notto.abdm.gov.in দা লায়না তৌবা য়াহল্লি। ৱেব পোর্তেল অসি সেপ্তেম্বর ১৭, ২০২৩দা হৌদোকখি।
মসিগী মথক্তা, রিজনেল ওর্গান এন্দ তিস্যু ত্রান্সপ্লান্ত ওর্গানাইজেসন (রোত্তো) সু মুম্বাই, কোলকতা, চন্দিগর, চেন্নৈ, অমসুং গুৱাহাতিদা নোংচুপ, নোংপোক, অৱাং, খা অমসুং অৱাং নোংপোক থংবা লৈবাক অসিগী মফমশিংদা য়ৌহন্নবা লিংখৎখি। রাজ্য খুদিংমক্তা স্তেত ওর্গান এন্দ তিস্যু ত্রান্সপ্লান্ত ওর্গানাইজেসন (সোত্তো) লিংখৎনবা থৌরাং তৌরি, অমসুং হৌজিক ফাওবদা স্তেত ওর্গান এন্দ তিস্যু ত্রান্সপ্লান্ত ওর্গানাইজেসন (সোত্তো) ২১ লিংখৎখ্রে। ওর্গান ফেল ওইবদগী অৱাবা তারবা অনাবশিংনা হোস্পিতালশিং অসিদা অনা লায়েং চত্থরিবশিংনা লৈখিদ্রবা ওর্গান দোনরশিংদগী ওর্গান লৌনবা মিং চনবা য়াই। অখন্নবা ৱেবসাইত www.notto.mohfw.gov.in না ওর্গান দোনেসন অমসুং ত্রান্সপ্লান্তেসনগী ঈ পাউশিং পীরি অমসুং নেসনেল রেজিস্ত্রী শেম্নবা অমসুং নেৎৱার্কিংগীদমক ওনলাইন রেজিস্ত্রেসন তৌবা য়াহল্লি। ওর্গান অমসুং তিস্যু দোনেসনগী ওনলাইন অমসুং ওফ্লাইন ওথসু ফংগনি। তোল ফ্রী নম্বর ১৮০০১১৪৭৭০ দা মতম চুপ্পগী ওইনা মথৌ তৌবা হেল্পলাইন অমা চলাইরি।
***
(Release ID: 2050048)
Visitor Counter : 23