আয়ুশ
আয়ুর্বেদিক হোল সীস্তেম্না র্যু মেতোইদ আর্থ্রাইতিস লাকশিনবদা মশক থোক্না তেংবাংইঃ স্তদী
Posted On:
29 AUG 2024 4:22PM by PIB Imphal
অনৌবা সাইন্তিফিক স্তদী অমনা মালেম শিনবা থুংনা মীওই মিলিয়ন কয়াদা শোকহল্লিবা ক্রোনিক ওতোইম্ম্যুন দিসওর্দর ওইরিবা র্যুমেতোইদ অরথ্রাইতিস (আর.এ.) লাকশিনবদা আয়ুর্বেদিক হোল সীস্তেম (এ.দবল্যু.এস.)না মশক থোক্না তেংবাংবগী মতৌ অদু উৎখ্রে। মসিগী পাইওনিয়র ওইবা রিসর্চ অসিনা উৎলি মদুদি AWSনা RAগী লাইওংশিংবু হন্থহনবদা নত্তনা অনাবশিংদা নোর্মেলাইজেসনগী মায়কৈদা মেতাবোলিক শিফ অমা লৈহল্লি, মসিনা কনভেনস্নেল ত্রিতমেন্তশিংগীদমক্তা কমপ্লিমেন্তরী ওইবা এপ্রোচ অমা পীরি।
স্তদী অসি আরথ্রাইতিস ত্রিৎমেন্ত অমসুং এদভান্স রিসর্চ সেন্তর (এ-এ.তি.এ.আর.সি.), কায়া চিকিতসা দিপার্তমেন্ত, স্তেত আয়ুর্বেদিক কোলেজ অমসুং হোস্পিতাল, লক্ষ্ণৌ য়ুনিভর্সিতী; সেন্তর ওফ বাইওমেদিকেল রিসর্চ (সি.বি.এম.আর.), এস.জি.পি.জি.আই.এম.এস. কেম্পস, লক্ষ্ণৌ; একাদমী ওফ সাইন্তিফিক অমসুং ইন্নোবেতিব রিসর্চ (এ.সি.এস.আই.আর.), গাজিয়াবাদ য়াওনা শক্নাইরবা রিসর্চ ইন্সতিত্যুসনশিংগী সেনিয়র রিসর্চরশিংগী কাংলুপ অমনা পাংথোকখি।
“স্তদী অসি RAগী লাইয়েং অসি অপুনবা সীস্তেম আয়ুর্বেদা এপ্রোচ শিজিন্নদুনা লায়েংবদা ওইথোকপা য়াবা পেথোলোজী রিভর্সনগী মীৎয়েংদগী মরু ওই। মসিনা পেথোজেনসিসকী লাইনা-লাইচৎকী কমপ্লেক্স অমা মুত্থৎলিবা অমসুং দোশাশিংবু মহৌশাগা মান্নহল্লক্লিবা 'সম্প্রপ্তি বিঘাতন'গী আয়ুর্বেদকী ৱাখল্লোনশিংবু শৌগৎলি”, হায়না অহানবা অইবা সঞ্জীব রাস্তোগীনা ইরি।
পবমেদ-ইন্দেক্স তৌরবা রিসর্চ জর্নেল, জর্নেল ওফ অয়ুর্বেদা অমসুং ইন্তিগ্রেতেদ মেদিসিন (জে.এ.আই.এম.)দা ফোঙখিবা স্তদী অসিনা এ.দবল্যু.এস. ইন্তরভেন্সন তৌরবা আর.এ.গী অনাবশিংগী মরক্তা মরুওইবা ক্লিনিকেল পেরামিতরশিংদা চাউনা ফগৎলকপা উবা ফংখি। দিজিজ এক্তিবিতী স্কোর- 28 ইরিথ্রোসাইত সেদিমেন্তেসন রেৎ (DAS- 28 ESR) গী মশক থোকপা হন্থরকপা, অমসুং শরু তাং অমসুং নারকপা জোইন্তশিংগী অপুনবা মশিং হন্থরকপা থেংনখি। মসিগী মথক্তা, হকচাংদা তোক্সিনশিং লৈবগী চাং য়েংশিল্লিবা এমা এক্তিবিতী মেজর (AAM) স্কোরসু ইন্তরভেন্সন মতুংদা য়াম্না হন্থরকপা উখি।
রিসর্চ অসিনা RAগী অনাবশীংগী মেতাবোলিক প্রোফাইলশীংবু হেলথ কন্ত্রোলশীংগা চাংদম্নদুনা মখা তানা এক্সপ্লোর তৌখি। নৈনবগী হৌরকপদা, RAগী অনাবশিংনা অকক্নবা মেতাবোলাইতশিংগী, সুকসিনেৎ, লাইসিন, মেনোজ, ক্রিএতিন, অমসুং 3- হায়দ্রোক্সিবুতাইরেৎ (3- HB) য়াওনা, এলানাইনগী থাক হন্থবগা লোয়ননা ৱাংখৎলকপা চাং উৎখি। অদুম ওইনমক, AWS লায়েংবগী মতুংদা, মেতাবোলিক মার্করশিং অসি হকশেল ফরবা মীওইশিংদা উবা য়াবা থাক্তা হোংবা হৌরকখি, মসিনা হেন্না চুনবা মেতাবোলিক স্তেত অমদা হল্লকপগী খুদম ওইখি।
রিসর্চ তৌবশিংগী মতুং ইন্না, RA মেনেজমেন্তদা এদব্লিয়ু.এস.কী ক্লিনিকেল ইফেক্তিবিতী অদু ময়েক শেংনা উৎখিবা অসিগুম্বা মখলগী অহানবা স্তদীনি। ইন্তরভেন্সন্না লাইওংশিং হন্থহনবতা নত্তনা হোমিওস্তেসিসতা মতেং পাংলিবা মেতাবোলিক এনভাইরনমেন্ত অমা পুক্নিং থৌগৎলি, মসিনা RAগী অনাবশিংদা মতম শাংনা কান্নবা পীবা য়াই।
হায়রিবা ফিবমশিং অসি থাজনিংঙাই ওইবা ওইরবসু, নৈনবগী অইবশিংনা অহানবা ফলশিং অসিবু কনফার্ম তৌনবগীদমক মখা তানা রিসর্চ তৌবগী তঙাইফদবা অদু অমসুং AWSনা মসিগী থেরাপ্যুতিক ইফেক্তশিং অদু পীরিবা মেকানিজমশিং অসিবু হেন্না ফজনা খঙনবগীদমক মরুওইবা পীরি।
মসিগী খোংজেল অসিনা র্যুমেতোইদ অরথ্রাইটিসকুম্বা লায়না লাইনাশিংগা লোয়ননা অনাবশিংগী ফিবম ফগৎহন্নবগীদমক অরিবা মতমগী মেদিকেল এপ্রোচশিংগা লোইননা ত্রেদিস্নেল আয়ুর্বেদিক প্রেক্তিসশিং পুন্সিন্নবগী ওইথোকপা য়াবা অদু উৎলি।
স্তদী লিঙ্ক: https://www.ncbi.nlm.nih.gov/pmc/articles/PMC11264181/
*****
(Release ID: 2049933)
Visitor Counter : 8