কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
রাইত তু রিপ্যার ইন মোবাইল এন্দ ইলেক্ত্রোনিক সেক্তরগী মরমদা পাঙথোকপা নেস্নেল ৱর্কসোপ্না রিপ্যারেবিলিতী ইন্দেক্সকী ৱাফম হৌদোক্কদৌরি
ভারতনা মালেমগী রিপ্যার ফেক্তরী ওইনবগী লম্বী য়াৎকদবনি: সেক্রেতরী, দিপার্তমেন্ত ওফ কঞ্জ্যুমর এফ্যার্স, ভারত লৈঙাক
Posted On:
29 AUG 2024 1:50PM by PIB Imphal
ভারত লৈঙাক্কী দিপার্তমেন্ত ওফ কঞ্জ্যুমর এফ্যার্স (DoCA)না ঙসি মফমসিদা রাইত তু রিপ্যার ফ্রেমৱর্ক ফোর দি মোবাইল এন্দ ইলেক্ত্রোনিক সেক্তর্স হায়বা হীরমসিদা মরুওইবা নেস্নেল ৱর্কসোপ অমা পাঙথোকখ্রে। থৌরম অদু রিপ্যরেবিলিতী ইন্দেক্স এসেস অমসুং ইভালুএত তৌনবা মরুওইবা পেরামিতরশিং, প্রদক্ত দিজাইনগী মপুন্সি শাংনা লৈহন্নবা থৌওং য়োকখৎপা, অমসুং মীয়াম্না মখোয়না পায়বা মোবাইল অমসূং ইলেক্ত্রোনিক পোৎলমশিং অমুক হন্না শীজিন্নগী মতাঙদা কঞ্জ্যুমরগী এক্সপিরিএন্স হেনগৎহন্নবা রিপ্যার ইনফোর্মেসন দিমোক্রেতাইজ তৌবগী মতাঙদা ইন্দস্ত্রী স্তেকহোল্দরশিংগী মরক্তা য়ানবা ৱাফম অমা পুরক্নবা পান্দম থমখি।
ৱর্কসোপ অসিগী মপুং ওইবা পান্দমদি মোবাইল অমসুং ইলেক্ত্রোনিক পোৎলমশিং শেমজিন্বা অমসুং অমুক হন্না শীজিন্নবদা হৌজিক থেংনরিবা শিংনবশিংগী পাম্বৈ পুথোকপনি। থমখিবা পান্দমদি পোৎলমশিং য়ারক্তনবা দিজাইন তৌরোইদবনি, শেমজিন্নবা খুদোংচাবা ৱাৎপা নৎত্রগা শেমজিনবগী মমল কা হেন্না ৱাংবদগী কঞ্জ্যুমরশিং নমদুনা অনৌবা পোৎ লৈহন্দনবা মতম কুইনা চৎনবা শেম-শাগদবনি হায়বসিনি।
ৱর্কসোপ অদুদা, শ্রীমতী নিধী খারে, সেক্রেতরী, দিপার্তমেন্ত ওফ কঞ্জ্যুমর এফ্যার্সনা প্লান ওবসোলেসেন্সকী থৌওং হায়বদি শেমজিনবগী তৌগদবা অমদি তৌরোইদবশিং, শেমজিনবগী মেনুএল/ভিদিওশিংগী মতাঙদা ইনফোর্মেসন ফাজিন্দুনা থম্বগী থৌওং লাকশিন্নবগী মতাঙদা খন্ন-নৈনবা হৌদোকখি অমদি মেনুফেকচররশিংনা স্প্যার পার্ত ফংহন্দবনা মরম ওইরগা মোবাইল অমসুং ইলেক্ত্রোনিকশিং লংথোক্তুনা থম্মি অমসুং কঞ্জ্যুমরশিংবু গ্রে মার্কেত্তগী শাজিন্নবা পার্তশিং লৈবগা মরী লৈনবা রিস্কশিংগী মায়কৈদা পুশিল্লি হায়বা ৱাফম থমখি। মসিগী মথক্তা, খন্নখিবা মরুওইবা ৱাফম অমদি শেমজিনবগী মমল কা হেন্না ৱাংলিবা, মসিনা মরম ওইরগা কঞ্জ্যুমরশিংনা পেন্দবা অমসুং শেম্বদা মতম থিন্থবনচিংবা থোকহল্লিবা অসিনি। মসিনা রিপ্যারেবিলিতী ইন্দেক্স, আত্মনিরভর ভারতকী খুত্থাঙদা থবক পীবা, অমসুং ভারতপু খা মায়কৈগী লুচিংবা ওইহন্বগা লোয়ননা মালেমগী রিপ্যার হব ওইহন্বা মথৌ তাহল্লি।
হৌদোকপগী ৱারোলদা, শ্রী ভারত খেরা, দিপার্তমেন্ত ওফ কঞ্জ্যুমর এফ্যার্সকী এদিস্নেল সেক্রেতরীনা ত্রান্সপেরেন্ত অমসুং এফোর্লদেবল ওইবা রিপ্যার সোলুসন্স, কঞ্জ্যুমর এৱ্যারনেস হেনগৎহন্বা, লোকেল রিপ্যাররশিংদা মতেঙ পীবা অসিনচিংবা মরুওইবা ৱাফমশিং থমখি। কঞ্জ্যুমরশিং মপাঙ্গল হাপ্নবা অমসুং তেক ইন্দস্ত্রী মনুংদা তুং কোইগদবা থৌওংশিংগী ওইবা অচৌবা রাইত তু রিপ্যার ফ্রেমৱর্ক অমা শেমগৎপগী মরুওইবা ৱাফম মহাক্না ফোঙদোকখি।
দিপার্তমেন্ত অসিনা হান্ননা, কঞ্জ্যুমরশিং অমসুং কম্পেনীশিংগী মরক্তা শেমজিনবগা মরী লৈনবা ইনফোর্মেসনশিং ফংহনবদা মতেঙ ওইনবা অমসুং কেতলিস্ত অমা ওইনা মথৌ তৌনবা মীৎয়েঙ থম্লিইবা রাইত তু রিপ্যার পোর্তেল ইন্দিয়া হৌদোকখ্রে। মসিদা য়াওরিবা ইনফোর্মেসনশিংদি:
- প্রদেক্ত মেনুএল/শেমজিনবগী DIY ভিদিওশিং ফংহন্বা (কম্পেনীগী ৱেবসাইত অমসুং য়ুত্যুব চেনেলশিং লিঙ্ক তৌরগা);
- স্প্যার পার্তশিংগী মমল অমসুং ৱারেন্তীগা মরী লৈনবা ৱাফমশিংগী পাম্বৈ পুথোকপা;
- লাইএবিলিতী কভর তৌবা গরেন্তী, ৱারেন্তী অমসুং শাংদোক্লবা ৱারেন্তীগী মরক্তা লৈরিবা খেন্নবশিং ময়েক শেংনা পন্বা;
- ভারত থুংনা লৈরিবা কম্পেনীশিংগী সর্ভিস সেন্তরশিংগী অকুপ্পা ৱারোল অমসুং থর্দ পার্তী শেম্বা মীওইশিং লৈরগদি কম্পেনীশিংনা মশক খঙদোকপা; অমসুং
- কন্ত্রী ওফ ওরিজিনগী ইনফোর্মেসন ময়েক শেংনা পন্বা।
হৌজিক ফাওবদা মোবাইল অমসুং ইলেক্ত্রোনিক সেক্তরদগী ২৩ য়াওরগা অপুন্বা কম্পেনী ৬৩+না পোর্তেল অসিদা য়াওরক্তুনা শেমজিন্বা, ওথোরাইজ তৌরবা রিপ্যারর, স্প্যার পার্তশিংগী হৌরকফম, থর্দ পার্তী রিপ্যাররগী ইনফোর্মেসন ফংহল্লি।
ৱর্কসোপ অসিদা তেক্নিকেল সেসন অহুম পাঙথোক্তুনা, শরুক য়াখিবশিংনা প্রদক্ত রিপ্যার ইনফোর্মেসনগী রিপ্যার গেপ হন্থহন্বা, ফ্রান্স, য়ুরোপিয়ন য়ুনিয়ন, য়ুনাইতেদ কিংদম, নিউ য়োর্কনচিংবা য়াওরগা মালেমগী খ্বায়দগী ফবা থৌওংশিং পুনশিন্বগী মরুওইবা, অমসুং প্রদক্ত সস্তেনেবল দিজাইন হেনগৎহন্দুনা রিপ্যারেবিলিতী হেনগৎহন্নবা মতম শাংনা চৎনবা দিজাইন তৌবা, আত্মনিরভর ভারতকী খুত্থাঙদা থবক পীবা, ইকোলোজিকেল কন্সর্নস, রিপ্যারেবিলিতী ইন্দেক্সকী পেরামিতরশিং অমসুং কঞ্জ্যুমরশিংগী মঙম য়োকখৎনবগী শিংনবশিং থেংনবা অমসুং মালেমগী ওইনা পায়খৎলিবা থৌরাংশিং, য়ুজ এন্দ দিসপোজ ইকনমীবু সর্কুলর ইকনমীনা অমসুং “মাইন্দলেস কঞ্জুমসন”বুনা ‘মাইন্দফুল য়ুতিলাইজেসন”না মহুৎ শিন্দোকপা হায়রিবা হীরমশিংসিদা ৱাখল্লোন তাথোক তাশিন তৌনবা, খ্বায়দগী ফবা থৌওংশিং তানবা অমসুং পুন্না পায়খিৎমিন্নবা য়াবা পাম্বৈশিং থিমিন্ননবা তাঞ্জা ফংখি।
ৱর্কসোপ অদুনা কঞ্জ্যুমরশিংনা ৱারেন্তী অমসুং রিপ্যারগী ওপসনশিং ফংবগী চাং হেনগৎহন্নবা অমসুং তুং কোইগদবা প্রদক্ত দিজাইন য়োকখৎনবা পোত্থোকশিংগী রিপ্যারেবিলিতী ইন্দেক্স অমা থম্বগী মরুওইবা ৱাফম পুক্নিং থৌগৎখি। থৌরাং অসিনা কঞ্জ্যুমরশিংবু মপাঙ্গল হাপ্নবা অমসুং মাইন্দফুল য়ুতিলাইজেসন অমসুং সস্তেনেবল কঞ্জুমসনগী মায়কৈদা চঙশিন্বদা ঙাক্লৌ পীনবা পান্দম থম্লি।
***
(Release ID: 2049751)
Visitor Counter : 38