সেন্ত্রেল বোর্দ ওফ ফিলম সর্তিফিকেশন (CBFC) দিল্লীগী রিজনেল ওফিসনা লোধি রোদকী CGO কমপ্লেক্সকী পন্দিত দীনদয়াল অন্ত্যদয়া ভাৱনদা ঙসি ইন্তরেক্তিব কনফরেন্স অমা শিনখ্রে। কনফরেন্স অসিনা সিনিমা থিয়েতরশিংদা পব্লিক একজিবিশনশীংগীদমক্তা ফীচর ফিলমশিংদা এসেসিবিলিতী স্তেন্দার্দশিংগী মতাংদা পাইখৎলিবা থবকশিং অদুবু য়েংশিনবগী মতাংদা পান্দম থম্লি।

ফিলম ইন্দস্ত্রীদা এসেসিবিলিতী ফীচরশিংগী থবক পাইখৎপগী মতাংদা পাংথোকপা থৌরমদা ফিলম ইন্দস্ত্রীগী মেম্বরশিং

থৌরম অদুদা ফিলম এপ্লিকেন্তশিং, ফিলম প্রোদ্যুসরশিং, দাইরেক্তরশিং, তেক্নোলোজিকেল সর্বিস প্রোভাইদরশিং, অমসুং মীয়ামগা মীমান্নদ্রবশিংবু পুক্নিং থৌগৎপীরিবা অকন্নবা ওর্গনাইজেশনশিংদগী মীহুৎশিং খুদম ওইনা এসোসিয়েশন ফোর ব্লাইন্দ এন্দ সক্সম NGO য়াওনা তোঙান-তোঙানবা কাংলুপশিং পুনখি। CBFC দিল্লীগী রিজনেল ওফিসর, শ্রী মহেশ কুমারনা অতোপ্পা পার্তিসিপেন্তশিংগা লোইননা উবা ফংদ্রবা অমসুং তাবা ফংদ্রবা ওদিয়েন্সশিংগীদমক্তা মসিদা শরুক য়াহন্নবগী মেন্দেতরী ওইবা এসেসিবিলিতী ফীচরশিং য়াওহনবগী মতাংদা ওইবা খন্ন-নৈনখি।

কনফরেন্স অদু ইন্দিয়ন সাইন লেংগ্বেজ ইন্তরপ্রিতেশন শিজিন্নদুনা মদুদা শরুক য়ারিবা মীপুম খুদিংমক্তা এক্সেসিবল ওইখি, মসিনা থৌরম অদুগী অহৌবদগী হৌনা ইনক্লুসিবিতীগী মতাংদা লেপ্লিবা ফিরেপ অদুবু ময়েক শেংনা উৎখি।

ইনক্লুসিব ওইবা সিনিমা ওইহনবা

শ্রী মহেশ কুমারনা এসেমব্লী অদুদা হেন্না এক্সেসিবল ওইবা সিনিমাগী মাইকৈদা হোংলকপদা লমজিংগদৌরিবা অনৌবা রেগুলেতরী ফ্রেমৱার্ক অদুগী মতাংদা পল্লদুনা ৱা ঙাংখি। মহাক্না ওদিয়েন্স বেস পাকথোক-চাউথোকহনবদা অমসুং মীয়ামগা মীমান্নদ্রবা মীওইশিংগীদমক্তা য়েংবগী এক্সপরিয়েন্স অদু হেন্না হেনগৎহনবদা মসিগী স্তেন্দার্দশিং অসিগী মরু ওইবা অদুগী মতাংদা য়াম্না মরু ওইনা পনখি।

এসোসিয়েশণ ফোর ব্লাইন্দগী প্রেসিদেন্ত, শ্রী এ. এস. নরায়নন্না সিনিমা নম্বদা এক্সেসিবিলিতী স্তেন্দার্দশিংবু হেন্না ইনক্লুসিব ওইবা এক্সপরিয়েন্স অমা ওইহনবদা লৌরিবা য়াম্না মরু ওইবা থৌদাং অদুগী মতাংদা য়াম্না মরু ওইনা পনখি। তেক্নিকেলগী মতাংদা খন্ন-নৈনবদা মেনস্ত্রীমগী ফিলমশিংদা ওদিয়ো দেস্ক্রিপসনশিং, ক্লোস কেপসনশিং অমসুং অতোপ্পা এসিস্তিব ফোর্মেতশিং হাপচিন্নবগীদমক্তা য়াম্না প্রক্তিকেল ওইবা খোংথাংশিং অমসুং ওইথোকপা য়াগদবা তেক্নোলোজীশিংগী মতাংদা খন্নখি।

এক্সেসিবিলিতীগী মাইকৈদা ইন্দস্ত্রীগী মাইকৈদগি য়ানিংবা অমসুং লেপ্লিবা ফিরেপ

ফিলম প্রোদ্যুসরশিং অমসুং দাইরেক্তরশিংনা হেন্না পাক-শল্লবা ভাবোক্তগী ফংলক্কদবা কান্নবশিং অমসুং অহোংবশিং অসি পুরকপদা ওইরক্কদবা শেল-থুমগী ফিভম হায়রিবা অনিমক অসি য়েংলগা, গাইদলাইনশিং অসিবু লৌখৎনবগী মখোয়গী অয়াবা অদু ফোংদোকখি। মখোয়না মসিদা শরুক য়াবা অসিনা এক্সেসিবিলিতীদা হেনগৎলক্লিবা ইন্দস্ত্রীগী ফিরেপ অদুবু ময়েক শেংনা উৎলি।

CBFC নই দিল্লীগী রিজনেল ওফিসর, শ্রী মহেশ মিশ্রানা লাক্কদবা ফীচর ফিলমশিংদা এক্সেসিবিলিতী গাইদলাইনশিংগী থবক পাইখৎপগী মতাংদা থবক ওইনা ওইথোকপা য়াবশিং অদুগী মতাংদা খন্নবা

কনফরেন্স অসিনা ওজস্বী শর্মানা পুথোকপা মল্তি-ইনক্লুসিব ওইবা ফিলম রব দি আৱাজ দগী ক্লিপ্পিংশিংগী স্ক্রীনিংসু তৌখি, মসিনা ফিলম নম্বদা ইনক্লুসিবিতীবু করম্না খ্বাইদগী হেন্না ফবা মওংদা হাপচিনবগে হায়বসিগী মতাংদা ওইথোকপা য়াবা খুদম অমা ওইনা উৎখি। েক্সেসিবিলিতী স্তেন্দার্দশিং অসিবু মাইপাক্না থবক ওইনা পাংথোকপা ঙম্নবা স্তেকহোল্দরশিংগী মরক্তা খুৎশম্নদুনা থবক তৌমিন্নবগী তঙাইফদবা অদুগী মতাংদা মবাম পুম্নমক্না অয়াবা ফোংদোক্নবগা লোইননা থৌরম অদু লোইশিনখি।

*****