ہنگامی صورت حال سے نمٹنے کے  شعبہ میں تعاون پر روس بھارتی کمیشن کی دوسری مشترکہ میٹنگ 28 اگست 2024 کوروس کے ماسکو میں منعقد کی گئی۔امور داخلہ کے مرکزی وزیر مملکت جناب تنیانند رائے بھارتی وفد کی قیادت کررہے ہیں۔

دورے کے پہلے دن 2025-2026 کے لیے ہنگامی صورت حال سے نمٹنے کے  شعبے میں تعاون پر مشترکہ روسی-ہندوستانی کمیشن کے ایکشن پلان پر وزیر مملکت برائے امور داخلہ، جناب نتیا نند رائے اور روس کےشہری دفاع، ہنگامی حالات اور قدرتی آفات کے ردعملکے خاتمے کے وزیر )روس کا ایمرکوم(جناب کورینکوف الیگزیندرر ویاچیسلاووچ نے دستخط کیے۔

دونوں ممالک نے سال 2025-2026 کے دوران اس اسکیم کو نافذ کرنے پر اتفاق کیا اور ڈیزاسٹر مینجمنٹ کے شعبے میں سیکھے گئے بہترین طریقوں اور اسباق کا تبادلہ جاری رکھنے کا بھی فیصلہ کیا۔ یہ ملاقات ہندوستان اور روس کے درمیان سابقہ ​​معاہدوں کو لاگو کرنے کی حکمت عملی بنانے کے نقطہ نظر سے اہم ہے۔ پچھلے معاہدوں میں دسمبر 2010 میں ہنگاہنگامی صورت حال سے نمٹنے کے شعبے میں تعاون کے لیے بین الحکومتی معاہدہ (آئی جی اے) اور ہنگامی حالات کے نتائج کی روک تھام اور خاتمے میں تعاون کے لیے ہندوستان-روس مشترکہ تعاون کمیشن کے قیام کے ضابطے شامل ہیں۔ شامل ایمرجنسی مینجمنٹ کے شعبے میں تعاون پر مشترکہ روسی-ہندوستانی کمیشن کی پہلی میٹنگ سال 2016 میں نئی ​​دہلی میں ہوئی تھی۔

ملاقات کے دوران، تعاون کے مجموعی فریم ورک کے اندر تین مخصوص امور پر تبادلہ خیال کیا گیا:

(a) خطرے کی پیش گوئی اور ہنگامی ردعمل کے مقصد کے لیے خلائی نگرانی کی ٹیکنالوجیز کا استعمال۔

(b) بڑی آفات سے نمٹنے میں تجربات کا تبادلہ۔

(c) آگ اور بچاؤ کے ماہرین کی تربیت کے شعبے میں تعاون۔

میٹنگ کے نتائج کی بنیاد پر ہندوستان اور روس کے وفود نے درج ذیل ارادوں کا اظہار کیا:

(i) ہنگامی صورت حال سے نمٹنے کے شعبے میں مزید تعاون کو فروغ دینے کے لیے مشترکہ کوششوں کو تیز کرنا۔

(ii) دیگر شعبوں میں ہنگامی صورت حال سے نمٹنے کے بہترین طریقوں کا تبادلہ بشمول ڈیزاسٹر مانیٹرنگ اور پیشن گوئی، ریسکیو ماہرین اور فائر فائٹرز کی تربیت۔

(iii) معروف تعلیمی اور تحقیقی اداروں کے درمیان تعاون کو بڑھانا، دونوں ممالک میں ایمرجنسی مینجمنٹ کے شعبے میں ماہرین کی تربیت۔

(iv) سال 2026 میں ہندوستان میں ایمرجنسی مینجمنٹ کے شعبے میں تعاون پر مشترکہ روسی-ہندوستانی کمیشن کی اگلی میٹنگ کا انعقاد۔

یہ پلان آف ایکشن ہماری دو طرفہ کوششوں کو مزید تیز کرے گا اور ہنگامی تیاریوں، روک تھام، ردعمل اور منصوبہ بندی میں دونوں ممالک کی قبل از وقت وارننگ سسٹم اور صلاحیت کی تعمیر کو بڑھانے میں باہمی تعاون اور اپ گریڈیشن کی راہ ہموار کرے گا۔ وزیر مملکت برائے داخلہ نے سینڈائی فریم ورک اور وزیر اعظم جناب نریندر مودی کے 10 نکاتی ایجنڈے پر واضح طور پر اظہار خیال کیا تاکہ ایشیا کے خطے میں آفات کے خطرات کو کافی حد تک کم کیا جا سکے۔

وزیر اعظم جناب نریندر مودی کی قیادت میں اور مرکزی وزیر داخلہ جناب امت شاہ کی رہنمائی میں، حکومت ہندوستان کو آفات سے بچانےکے لیے مسلسل کوششیں کر رہی ہے۔

اس موقع پر ہندوستانی وفد میں روس میں ہندوستان کے سفیر جناب ونے کمار، این ڈی ایم اے کے ممبر اور شعبہ کے سربراہ جنابراجندر سنگھ، وزارت داخلہ میں ایڈیشنل سکریٹری جناب سنجیو کمار جندل، نیشنل ریموٹ سینسنگ سینٹر (این آر ایس سی) کے ڈائریکٹر  اور وزارت داخلہ کے سینئر افسران شامل تھے۔

**********

ش ح ۔ ا  م    ۔  م  ص

 (U: 10288)