জোইন্ত রসিয়ান – ইন্দিয়ন কম্মিসন ওন দি কোওপরেসন ইন দি ফীল্দ ওফ ইমর্জেন্সী মেনেজমেন্তকী অনিশুবা মীফম ঙসি ওগস্ত ২৮, ২০২৪দা মোস্কো, রসিয়াদা পাঙথোকখ্রে‍। ভারতকী গৃহ রাজ্য মন্ত্রী শ্রী নিত্যনন্দ রাইনা ভারতকী কাঙবু অদু লুচিংলি‍।

খোঙচৎ অদুগী অহান্বা নুমিত্তা, ২০২৫-২০২৬কী জোইন্ত রসিয়ান – ইন্দিয়ন কম্মিসন ওন দি কোওপরেসন ইন দি ফীল্দ ওফ ইমর্জেন্সী মেনেজমেন্তকী ৱর্কিং প্লান ভারতকী গৃহ রাজ্য মন্ত্রী শ্রী নিত্রনন্দ রাই অমসুং রসিয়ান ফেদরেসন ফোর সিভিল দিফেন্স, ইমর্জেন্স এন্দ ইলিমিনেসন ওফ কন্সিক্বেন্সেস ওফ নেচরেল দিজাস্তর (EMERCOM ওফ রসিয়া) মন্ত্রী মিস্তর কুরেঙ্কোব অলেকজেন্দর ব্যাচেস্লাবোবিক্কা খুৎয়েক পীনখি‍।

লৈবাক অনিমক্না প্লান অসি ২০২৫-২০২৬ মনুংদা পায়খৎনবা য়ানখি অমসুং দিজাস্তর মেনেজমেন্তকী লমদা খ্বায়দগী ফবা থৌওংশিং অমসুং তমশিলহৌবা পারাশিং তাথোক তাশিন তৌনবা মখা চত্থনবা ৱারেপ্নখি‍। মীফম অসি, দিসেম্বর ২০১০দা খুৎয়েক পীনখিবা ইন্তর-গভর্নমেন্তেল এগ্রীমেন্ত (IGA) ফোর কোওপরেসন ইন দি ফীল্দ ওফ ইমর্জেন্সী মেনেজমেন্ত অমসুং ইন্দো-রসিয়ান জোইন্ত কম্মিসন ফোর কোওপরেসন (২০১৩) ইন প্রিভেন্সন এন্দ ইলিমিনেসন ওফ কন্সিক্বেন্সেস ওফ ইমর্জেন্সী সিচুএসন লিংখৎনবগী রিগুলেসন অসিনচিংবা ভারত অমসুং রসিয়াগী মরক্তা মমাঙদা খুৎয়েক পীনখিবা য়ানচেশিং পাঙথোক্নবা লাল্লোং অমা য়াত্থোকপদা মরুওইবা মীফম অমা ওইরি‍। জোইন্ত রসিয়ান – ইন্দিয়ন কম্মিসন ওন দি কোওপরেসন ইন দি ফীল্দ ওফ ইমর্জেন্সী মেনেজমেন্তকী অহান্বা মীফম নই দিল্লীদা ২০১৬দা পাঙথোকখি‍।

তেংবাংনবা অসিগী মপুং ওইবা ফ্রেমৱর্ক অসিগী মনুংদা, মখাগী অকক্নবা ৱাফম অহুম অসি মীফম অদুদা মমুৎ তানা খন্নখি:

ক.       রিস্ক ফোর্কাস্তিং অমসুং ইমর্জেন্সী রেসপোন্সকীদমক স্পেস মোনিতরিং তেক্নোলোজীশিং শীজিন্নবা‍।

খ.‍       অচৌবা দিজাস্তরশিং থেংনবদা এক্সপিরিএন্স আথোক তাশিন তৌনবা‍।

গ.       মৈহৌ-লাংপোক অমসুং মী কন্বগী স্পিসিএলিস্তশিংগী ত্রেনিংগী লমদা তেংবাংনবা‍।

মীফম অদুগী ওইরকখিবা মহৈদা য়ুম্ফম ওইরগা, ভারত অমসুং রসিয়ান কাঙবুনা ফোঙদোক্নখিবা মখোয়গী অনিংবা অপাম্বশিং অদুদি:

(১) ইমর্জেন্সী মেনেজমেন্তকী লমদা মখা তানা তেংবাংনবা হেনগৎহন্নবা হেন্না কন্না হোৎনমিন্নবা‍।

(২) দিজাস্তর মোনিতরিং অমসুং ফোর্কাস্তিং, রেস্ক্যু স্পিসিএলিস্ত অমসুং ফাইয়রফাইতরশিংগী ত্রেনিং য়াওনা ইমর্জেন্সী মেনেজমেন্তকী খ্বায়দগী ফবা থৌওংশিং তাথোক তাশিন তৌমিন্নবা‍।

(৩) মমিং লৈবা এজুকেস্নেল অমসুং রিছর্চ ইন্সতিত্যুসনশিংগী মরক্তা তেংবাংনবগী চাং হেনগৎহন্বা, লৈবাক অনিমক্তা ইমর্জেন্সী মেনেজমেন্তকী লমদা স্পিসিএলিস্তশিংগী ত্রেনিং তৌবা‍।

(৪) জোইন্ত রসিয়ান – ইন্দিয়ন কম্মিসন ওন দি কোওপরেসন ইন দি ফীল্দ ওফ ইমর্জেন্সী মেনেজমেন্তকী মথঙগী মীফম ভারত্তা ২০২৬তা পাঙথোকপা‍।

ৱর্কিং প্লান অসিনা নাকল অনিনা হোৎনরিবা অসিদা ইনোৎ হাপকনি অমসুং লৈবাক অনিমক্কী ইমর্জেন্সী প্রিপ্যার্দনেস, প্রিভেন্সন, রেসপোন্স, অমসুং প্লান্নিংগী লমদা আর্লী ৱার্নিং সিস্তেম অমসুং কেপাসিতী বিল্দি হেনগৎহন্নবা অপগ্রেদ তৌনবগী, অমগা অমগা তেংবাংনবগী লম্বী য়াৎকনি‍। শ্রী নিত্যনন্দ রাইইনা লৈবাকসিদা দিজাস্তর রিস্ক মশক থোক্না হন্থহন্নবা সেইন্দাই ফ্রেমৱর্ককী লমদা অমসুং দিজাস্তর রিস্ক রিদক্সনগী মতাঙদা প্রধান মন্ত্রী শ্রী নরেন্দ্র মোদীগী ১০-পোইন্ত এজেন্দাগী লমদা ভারতনা লেপ্লিবা খোঙফম ফোঙদোকখি‍।

প্রধান মন্ত্রী শ্রী নরেন্দ্র মোদীগী লুচিং মখাদা অমসুং কেন্দ্রগী গৃহ মন্ত্রী শ্রী অমিত সাহগী লমজিং মখাদা, লৈঙাক্না ভারতপু দিজাস্তর রেজিলিএন্ত ওইহন্নবা লেপ্পা লৈতনা হোৎনরি‍।

শ্রী রাজেন্দ্র সিংহ, মেম্বর & HOD NDMA, শ্রী সঞ্জীব কুমার জিন্দাল, এদিস্নেল সেক্রেতরী, MHA, দাইরেক্তর NRSC অমসুং অতৈ MHA গী ওফিসিএলশিংগী ওইবা ভারতকী দেলিগেসন অদুদা শ্রী বিনয় কুমার, এম্বেসেদর ওফ ইন্দিয়া তু রসিয়াসু য়াওখি‍।

***