وزیراعظم کا دفتر
وزیر اعظم نے 44ویں پرگتی میٹنگ کی صدارت کی
وزیر اعظم نے 11 ریاستوں اور مرکز کے زیر انتظام علاقوں پر محیط 76500 کروڑ روپئے کے بقدر کے سات کلیدی پروجیکٹوں کا جائزہ لیا
پروجیکٹوں میں تاخیر کے باعث نہ صرف خرچ میں اضافہ ہوتا ہے بلکہ عوام پروجیکٹ کے مطلوبہ فوائد سے بھی محروم رہتے ہیں: وزیر اعظم
وزیر اعظم نے کہا کہ "ایک پیڑ ماں کے نام" مہم پروجیکٹ کی ترقی کے ساتھ ساتھ ماحولیات کے تحفظ میں بھی مدد کر سکتی ہے
وزیر اعظم نے امرت 2.0 کا جائزہ لیا اور چیف سکریٹریوں کو مشورہ دیا کہ وہ اس اسکیم کے تحت کاموں کی ذاتی طور پر نگرانی کریں
وزیر اعظم نے کہا کہ ریاستوں کو شہروں کی ترقی کی صلاحیت اور مستقبل کی ضروریات کو مدنظر رکھتے ہوئے منصوبہ بندی کرنی چاہیے
وزیر اعظم نے جل جیون مشن سے متعلق عوامی شکایات کا جائزہ لیا اور مشن امرت سروور پر کام جاری رکھنے کے بارے میں بھی تبادلہ خیال کیا
Posted On:
28 AUG 2024 6:58PM by PIB Delhi
وزیر اعظم جناب نریندر مودی نے آج، مرکزی اور ریاستی حکومتوں کی شمولیت کے ساتھ فعال حکمرانی اور بروقت نفاذ کے لیے آئی سی ٹی پر مبنی کثیر ماڈل پلیٹ فارم یعنی ’پرگتی‘ کے 44ویں ایڈیشن کی میٹنگ کی صدارت کی۔ یہ تیسری مدت کار میں پہلی میٹنگ تھی۔
میٹنگ میں، سات اہم منصوبوں کا جائزہ لیا گیا، جن میں سڑک کے رابطے سے متعلق دو منصوبے، دو ریل منصوبے اور کوئلہ، بجلی اور آبی وسائل کے شعبوں سے ایک ایک منصوبہ شامل ہے۔ ان پروجیکٹوں کی مجموعی لاگت 76,500 کروڑ روپئے سے زیادہ ہے اور یہ 11 ریاستوں اور مرکز کے زیر انتظام علاقے یعنی اتر پردیش، اتراکھنڈ، جھارکھنڈ، مہاراشٹر، راجستھان، گجرات، اڈیشہ، گوا، کرناٹک، چھتیس گڑھ اور دہلی سے متعلق ہیں۔
وزیر اعظم نے اس حقیقت پر زور دیا کہ مرکزی یا ریاستی سطح پر حکومت کے ہر عہدیدار کو اس حقیقت کے بارے میں حساس ہونا چاہئے کہ پروجیکٹوں میں تاخیر نہ صرف لاگت میں اضافہ کا باعث بنتی ہے بلکہ عوام کو پروجیکٹ کے مطلوبہ فوائد سے بھی محروم کر دیتی ہے۔
وزیر اعظم نے کہا کہ ’’ایک پیڑ ماں کے نام‘‘ مہم پروجیکٹوں کو ترقی دیتے ہوئے ماحولیات کے تحفظ میں مدد فراہم کر سکتی ہے۔
بات چیت کے دوران وزیر اعظم نے امرت 2.0 اور جل جیون مشن سے متعلق عوامی شکایات کا بھی جائزہ لیا۔ یہ منصوبے مل کر شہری اور دیہی علاقوں میں پانی کے مسائل کو حل کرتے ہیں۔ وزیر اعظم نے اس بات پر زور دیا کہ پانی ایک بنیادی انسانی ضرورت ہے اور ضلعی سطح کے ساتھ ساتھ ریاستی سطح پر شکایات کا معیاری نمٹنا ریاستی حکومتوں کو یقینی بنانا چاہیے۔ جل جیون پروجیکٹوں کا مناسب آپریشن اور دیکھ بھال کا طریقہ کار اس کی کامیابی کے لیے اہم ہے اور وزیر اعظم نے جہاں ممکن ہو خواتین کے سیلف ہیلپ گروپس کی شمولیت اور آپریشن اور دیکھ بھال کے کاموں میں نوجوانوں کو ہنر دینے کی تجویز دی۔ وزیر اعظم نے ضلعی سطح پر آبی وسائل کے سروے کے انعقاد کا اعادہ کیا اور ذرائع کی پائیداری پر زور دیا۔
وزیر اعظم نے چیف سکریٹریوں کو مشورہ دیا کہ وہ امرت 2.0 کے تحت کاموں کی ذاتی طور پر نگرانی کریں اور ریاستوں کو شہروں کی ترقی کی صلاحیت اور مستقبل کی ضروریات کو ذہن میں رکھتے ہوئے منصوبہ بندی کرنی چاہیے۔ انہوں نے کہا کہ شہروں کے لیے پینے کے پانی کے منصوبے بناتے وقت پیری اربن علاقوں کو بھی مدنظر رکھنا چاہیے کیونکہ وقت کے ساتھ ساتھ یہ علاقے بھی شہر کی حدود میں شامل ہو جاتے ہیں۔ شہری نظم و نسق میں اصلاحات، جامع شہری منصوبہ بندی، شہری نقل و حمل کی منصوبہ بندی، اور میونسپل فائننس ملک میں تیزی سے شہری کاری کے پیش نظر وقت کی اہم ضرورت ہیں۔ انہوں نے مزید کہا کہ شہروں کی بڑھتی ہوئی توانائی کی ضروریات کو پورا کرنے کے لیے پی ایم سوریہ گھر مفت بجلی یوجنا جیسے اقدامات سے فائدہ اٹھانے کی ضرورت ہے۔ وزیر اعظم نے یہ بھی یاد کیا کہ شہری کاری اور پینے کے پانی کے ان میں سے بہت سے پہلوؤں پر چیف سیکرٹریز کانفرنس میں تبادلہ خیال کیا گیا تھا اور دیے گئے وعدوں کا جائزہ چیف سکریٹریوں کو خود کرنا چاہیے۔
وزیر اعظم نے حکومت ہند کے چیف سکریٹریوں اور سکریٹریوں سے مزید کہا کہ وہ مشن امرت سروور پروگرام پر کام جاری رکھیں۔ انہوں نے کہا کہ امرت سرووروں کے پانی جمع کرنے والے علاقوں کو صاف ستھرا رکھا جائے اور ان آبی ذخائر کی صفائی کا کام گاؤں کی کمیٹی کی شمولیت سے ضرورت کے مطابق کیا جائے۔
پرگتی کی 44ویں میٹنگ تک، 18.12 لاکھ کروڑ روپئے کی مجموعی لاگت کے 355 پروجیکٹوں کا جائزہ لیا جا چکا ہے۔
**********
(ش ح –ا ب ن۔ م ف)
U.No:10287
(Release ID: 2049538)
Visitor Counter : 29
Read this release in:
Odia
,
Tamil
,
Telugu
,
Malayalam
,
Assamese
,
Bengali
,
English
,
Marathi
,
Hindi
,
Manipuri
,
Punjabi
,
Gujarati
,
Kannada