تجارت اور صنعت کے مرکزی وزیر مملکت جناب جتن پرساد نے کہا کہ ہندوستان عالمی معیار کے حفظان صحت کے کفایتی  مرکز اور  عالمی فارما لیڈر کے طور پر ابھرا ہے۔ وزیر موصوف نے یہ بات آج اتر پردیش کے گریٹر نوئیڈا میں فارما ایکسپورٹ پروموشن کونسل آف انڈیا (سی اے پی  ای ایکس آئی ایل) اور وزارت تجارت و صنعت کے زیر اہتمام تین روزہ بین الاقوامی نمائش برائے فارما اینڈ ہیلتھ کیئر نمائش (آئی  فیکس2024) کا افتتاح کرتے ہوئے کہی۔ انہوں نے ہندوستانی دواسازی کی صنعت پر زور دیا کہ وہ دنیا کی حفظان صحت کا محافظ بننے کی سمت کام کرے۔

انہوں نے دوا سازی کی صنعت پر زور دیا کہ وہ برآمدات میں اضافہ کرے  اور ترقی کے ابھرتے ہوئے مواقع سے فائدہ اٹھائے۔ جناب پرساد نے کہا کہ ہندوستان پہلے ہی 'دنیا کی فارمیسی ' کے طور پر پہچانا جاتا ہے۔ وزیر موصوف نے مزید کہا کہ یہ انتہائی اہم ہے کہ ہم نہ صرف اپنے جینرک  سیکٹر پر  توجہ مرکوز کریں، بلکہ اپنے گزشتہ اور  مستقبل کے روابط کو بھی یقینی بنائیں۔ انہوں نے مزید کہا کہ یہ ضروری ہے کہ ہم نئی مصنوعات تیار کرنے کی کوشش کریں اور نئی ایجادات  کریں ۔

وزیر  موصوف نے صنعت پر زور دیا کہ وہ جدت، معیار اور عالمی منڈی کے ساتھ کام کرنے پر توجہ دیں۔ "بین الاقوامی مسابقت بہت اہم ہوگی۔ نئی پیش رفت  اور اچھے مینوفیکچرنگ کے اچھے طریقوں سے باخبر رہنا ضروری ہے۔" انہوں نے کہا کہ حکومت نے اے پی آئیز اور طبی آلات کے لیے پی ایل آئی جیسی بہت سی اسکیمیں پیش کی ہیں۔

جناب  پرساد نے کہا، "تین روزہ فارما ایکسپو آئی فیکس ہندوستان اور پوری دنیا کی گھریلو صنعتوں کو جوڑنے اور کاروبار کرنے کے لیے ایک بہترین پلیٹ فارم پیش کرے گا۔ یہ آپ کو نئے اور موجودہ صارفین سے ملنے کا موقع فراہم کرے گا،  جو فعال طور پر نئے سپلائرز کی تلاش میں ہیں، یا موجودہ منصوبوں کی موجودہ پیش رفت کا جائزہ لینے کے لیے تلاش کر رہے ہیں۔

************

U.No:10277

ش ح۔وا۔ق ر