খুঙ্গং চাউখৎ-থৌরাং মন্ত্রালয়
প্রধান মন্ত্রী শ্রী নরেন্দ্র মোদীনা মহারাস্ত্রগী জলগাওদা লাখপতি দিদি সম্মেলনদা ৱা ঙাংখ্রে
শ্রী নরেন্দ্র মোদীনা অনৌবা লাখপতি দিদি লাখ 11 ওকখ্রে অমসুং সর্তিফিকেৎশিং পীখ্রে
শ্রী নরেন্দ্র মোদীনা লুপা করোর 2,500গী রিভোলবিং ফন্দ-কম্ম্যুনিতী ইনভেস্তমেন্ত ফন্দ কাইথখ্রে, অমসুং সেল্ফ-হেল্প গ্রুপশিংগী একাউন্তশিংদা লুপা করোর 5,000রোমগী বেঙ্ক লোনশিং পীথখ্রে
শ্রী মোদীনা হায়খি মদুদি ঐখোয়গী সরকারনা ইমাশিং অমসুং ইচে-ইচলশিংগী পুন্সি নুংঙাইহন্নবা মপুং ফানা লেপ্পী
ইচে-ইচল অমনা লাখপতি দিদি ওইরকপা মতমদা ইমুং পুম্বগী মরাইবক্তা অওনবা লাকই: প্রধান মন্ত্রী শ্রী নরেন্দ্র মোদী
প্রধান মন্ত্রীগী ফিরেপ অসি থুংহন্নবা পাঙ্গল অনি হেন্না হেনগৎহনবগা লোয়ননা থবক তৌনবা ঐখোয়না ৱাশক লৌরসি: শ্রী শিবরাজ সিংহ চৌহান
Posted On:
25 AUG 2024 5:25PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি মহারাস্ত্রগী জলগাওদা পাংথোকপা লাখপতি দিদি সম্মেলনদা শরুক য়াখ্রে। মহাক্না হৌজিক পাল্লিবা সরকারগী অহুমশুবা তর্ম মনুংদা নৌনা লাখপতি ওইখিবা অনৌবা লাখপতি দিদি লাখ 11দা সর্তিফিকেৎশিং য়েন্থোকখি অমসুং ওকখি। প্রধান মন্ত্রীনা লৈবাক শিনবা থুংবদগী লাখপতি দিদিশিংগা লোয়ননা ৱারীসু শাখি। শ্রী মোদীনা সেল্ফ-হেল্প গ্রুপ (SHG) লাখ 4.3গী মেম্বর লাখ 48দা কান্নবা ফংহনগদবা লুপা করোর 2,500 গী রিভোলবিং ফন্দ অমা কাইথখি। মহাক্না SHG লাখ 2.35 গী মেম্বর লাখ 25.8 দা কান্নবা ফংহনগদবা লুপা করোর 5,000 গী বেঙ্ক লোনসু পীথখি। লাখপতি দিদি য়োজনা হৌদোকখিবদগী হৌদুনা নুপী করোর অমনা লাখপতি দিদি ওইখ্রে। সরকারনা লাখপতি দিদি করোর 3 শেমগৎনবা পান্দম থম্মি।
থৌরম অদুদা শরুক য়াখিবা মশিং য়াম্লবা মমা ওইবীশিং অমসুং মচল-মচেশিংগী প্রধান মন্ত্রীনা থাগৎপা ফোংদোক্তুনা মহাক্কী ৱারোল হৌদোকখি। মখা তানা চত্থদ্রিঙৈদা, প্রধান মন্ত্রীনা জলগাওদগী মীওই কয়া নেপালগী তানাহুনদা থোকখিবা বস এক্সিদেন্তকী থৌদোক অদুদা লৈখিদববু থম্মোয় শোক্না অৱাবা ফোংদোকখি। মহাক্না হায়খি মদুদি থৌদোক অদু হেক থোকপগী ওথোরিতীশিংনা নেপালগী মখোয়গী কাউন্তরপার্তশিংগা পাউ ফাওনখি অমসুং কেন্দ্রগী মন্ত্রী রক্ষাতাই খাদ্সেবু নেপালদা থাখি। মহাক্না হায়খি মদুদি লৈখিদ্রবশিংগী হকচাংশিং অসি এয়র ফোর্সকী অখন্নবা এয়রক্রাফতগী পুরকখ্রে অমসুং অশোকপশিং অদু য়েংশিল্লি। মহাক্না মখোয়না অথুবা মতমদা ফগৎলক্নবা থৌনিখি অমসুং কেন্দ্র অমসুং রাজ্য সরকারশিংনা পাংবা য়াবা মতেং পুম্নমক পীগনি হায়না থাজবা পীখি।
প্রধান মন্ত্রী শ্রী মোদীনা হায়খি মদুদি মহারাস্ত্রগী ইমা অমসুং ইচে-ইচলশিংনা রাজ্য অসিগী শিংথানিংঙাই ওইবা নাৎ অমসুং চৎনবীগী মমি অমা পীরি। লাখপতি দিদি কেম্পেন অসি ইমা অমসুং ইচে-ইচলশিংগী শেন্থোক হেনগৎহন্নবা পাম্বৈ অমা খক্তা নত্তে, মসি ইমুং অমসুং তুংগী মীরোলগী মপাঙ্গল কনখৎহন্নবা অচৌবা কেম্পেন অমনি হায়না পল্লদুনা প্রধান মন্ত্রীনা হায়খি মদুদি মসিনা খুঙ্গংগী শেন্মিৎলোনদা অহোংবা পুরক্লি। প্রধান মন্ত্রীনা হায়খি মদুদি “মফম অসিদা লৈরিবা নুপী খুদিংমক্না খঙই মদুদি মহাক্না হিংনবগীদমক থবক পায়খৎপা হৌরকপা মতমদা খুন্নাইদা মহাক্কী সোসিএল পোজিসন অসি হেন্না ৱাংখৎলকই” মহাক্না মসি ফোংদোক্লদুনা হায়খি মদুদি ইনকম হেনগৎলক্লবা মতমদা ইমুং অমগী পর্চেজিং পাৱর হেনগৎলকই। মহাক্না হায়খি মদুদি “ইচে-ইচল অমনা লাখপতি দিদি ওইরকপা মতমদা ইমুং পুম্বগী মরাইবক্তা অওননবা লাকই”।
ঙসি ভারতপু মালেমগী খ্বাইদগী চাউবা অহুমশুবা ইকনোমী ওইহনবদা নুপীশিংগী থৌদাংশিং অদু পল্লদুনা, প্রধান মন্ত্রী মোদীনা মমাংদা নুপীশিংগী চাউখৎ থৌরাংগী মায়কৈদা তৌরম্বা থবকশিং অদু পনখি। মহাক্না হায়খি মদুদি লৈবাক অসিদা নুপী করোর কয়াগী মশাগী লন-থুম অমত্তা লৈতে। মসিনা অপীকপা বিজিনেসশিং হৌদোক্নবগীদমক বেঙ্ক লোন লৌবদা অচৌবা অৱাবা অমা ওইহল্লি। প্রধান মন্ত্রীনা হায়খি, “মরম অসিনা” নুপীশিংদা পীবা পোৎলুম হন্থহন্নবা ঐনা ৱাশক লৌখি, অমসুং মোদী সরকারনা নুপীশিংগী কান্ননবগীদমক ৱারেপশিং লৌখি।" হৌজিক লৈরিবা সরকার অসিগী চহি 10গা মমাংগী সরকারশিংগী দিকেদ তরেৎকী মতমগা চাংদম্নদুনা প্রধান মন্ত্রীনা হায়খি মদুদি হৌজিক লৈরিবা সরকার অসিনা মমাংগী সরকারশিংদগী নুপীশিংগী য়াইফনবা থবক হেন্না তৌরি।
কেন্দ্রগী খুঙ্গং চাউখৎ-থৌরাং অমসুং লৌউ-শিংউ অমসুং লৌমীশিংগী য়াইফ-থৌরাংগী মন্ত্রী শ্রী শিবরাজ সিংহ চৌহান্না লাখপাতি দিদীবু ইকায় খুম্নবা উৎনবা থৌরম অদুদা ৱা ঙাংখি। শ্রী চৌহান্না দিদিবু শাথীনা নোং কন্না চুজরবসু থৌরম অসিদা মশিং য়াম্না মীওইশিং শরুক য়াখিবগীদমক থাগৎপা ফোংদোকখি। মহাক্না হায়খি, "ঐহাক্না ইচে-ইচলশিংগী থৌনা অমসুং থৱায় য়াওবা অদুদা ইকায় খুম্নবা উৎচরি।"
শ্রী শিবরাজ সিংহনা হায়খি মদুদি প্রধান মন্ত্রী শ্রী নরেন্দ্র মোদীগী ৱারেপদি ইচানুপী অমত্তা মতেং পাংদ্রিবা ওইহল্লোইদবনি, ইচানুপী অমত্তগী মমিৎত মপি শিন্থহল্লোইদবনি, অমসুং মহাক্কী মাইথোং অদুদা মতম পুম্নমক্তা হরাও মীনোক তমহনগদবনি। মসি ফংনবগীদমক, শ্রী মোদীনা লাখপাতি দিদি কেম্পেন হৌদোকখ্রে। প্রধান মন্ত্রী শ্রী নরেন্দ্র মোদীগী ৱারেপকী মতুং ইন্না লাখপতি দিদি করোর অমা হান্ননা শেমখ্রে হায়বা অসি মহাক্না চাউথোকচবা পোকই হায়না মন্ত্রীনা ফোংদোকখি। ঙসিদি দিদী লাখ 11না লোকেসন 30,000দা লাখপতি দিদী সর্তিফিকেৎ ফংলি, অমসুং দিদী করোর অমা অমসুং মখায়রোমদি প্রোগ্রাম অসিগা কন্নেক্ত তৌরি। প্রধান মন্ত্রী শ্রী নরেন্দ্র মোদীনা হায়খি মদুদি দিদি লাখ 11দি নুমিৎ 100নিগী মনুংদা লাখপতি ওইগনি, অদুবু দিদি লাখ 11দি নুমিৎ 100গী মমাংদা শেমখ্রে। শ্রী সিংহনা হায়খি, প্রধান মন্ত্রী শ্রী নরেন্দ্র মোদীগী য়াইফ-পাউজেলগা লোয়ননা মহাক্না থাজবা থম্লি মদুদি লাখপতি দিদি করোর 3 শাবা ঙম্লগনি।
শ্রী চৌহান্না হায়খি মদুদি প্রধান মন্ত্রী শ্রী নরেন্দ্র মোদীনা লাল কিল্লাদগী মহাক্না চাউখৎলবা ভারত অমা শেমগৎনবা মপাঙ্গল শরুক অহুম থোক্না হোৎনগনি হায়না হায়খ্রে। মন্ত্রীনা হায়খি মদুদি ঐহাক্না ঐহাক্কী ইচে-ইচলশিং অমসুং ইচানুপীশিংদা ৱাফম অমখক্তমক হায়জনীংই, প্রধান মন্ত্রীগী ৱারেপ অদু মপুং ফাহন্নবগীদমক্তা ঐখোয়না মপাঙ্গল শরুক অনি হেনগৎহন্দুনা থবক তৌনবা অচেৎপা ৱাফম অমা লৌসি। মহাক্না হায়খি মদুদি লাখপতি ওইরবা ইচে-ইচলশিংনা অতোপ্পা ইচে-ইচলশিংবু লাখপতি ওইহল্লগনি অমসুং লায়রবা লৈতবা খুঙ্গংশিং শেমগৎনবা প্রধান মন্ত্রীগী মঙলান অসি মংফাওনহন্নবা ঐখোয়না হোৎনগনি। শ্রী চৌহান্না হায়খি মদুদি মসি অচেৎপা ফিরেপ লৌবগী মতমনি। মহাক্না হায়খি মদুদি ময়াম পুম্নমক্না অদোমগী খুৎ অনিমক থাংগৎলু অমসুং প্রধান মন্ত্রীনা অহুম্লক হন্না থবক তৌরবদি, ঐখোয়না শরুক অনি হেন্না থবক তৌরগনি হায়না ৱাশক লৌরসি অমসুং ইচে-ইচলশিং অসি লাখপতি ওইহল্লগনি অমসুং চাউখৎলবা ভারত অমা শেম্লগনি হায়না অচেৎপা ৱাফম থমজরি।
****
(Release ID: 2048798)
Visitor Counter : 5