কমর্স অমসুং ইন্দস্ত্রী মন্ত্রালয়
সিদনীদা ত্রেক মঙাদা ইন্দিয়া-ওস্ত্রিলিয়া CECA নেগোসিএসনশিংগী 10শুবা রাউন্ পাংথোকখ্রে
Posted On:
25 AUG 2024 9:40AM by PIB Imphal
ইন্দিয়া-ওস্ত্রেলিয়া CECA নেগোসিএসনগী 10শুবা রাউন্দ অসি 2024গী ওগস্ত 19-22দা সিদনীদা গুদশিং, সর্ভিসশিং, দিজিতেল ত্রেদ, গভর্নমেন্ত প্রোক্যুর্মেন্ত, রুল্স ওফ ওরিজিন অমসুং এগ্রিক তেক্কী লমশিংদা পাংথোকখি। লেমহৌরিবা প্রোভিজনশিং অসিদা ক্লেরিতী অমসুং অন্দরস্তেন্দিং লৈহন্নবা হায়রিবা ত্রেক খুদিংমক্কী মতাংদা কন্না খন্ন-নৈনখি।10শুবা রাউন্দ অসি লোইশিনখিবা 9শুবা রাউন্দদগী চাউরাক্না থা 5গী গেপ লৈরবা মতুংদা পাংথোকখি। অদুম ওইনমক, হায়রিবা ত্রেকশিং অসিগী মতুং ইন্না অমসুং অতোপ্পা ত্রেকশিং অসিগী মতুং ইন্না য়ান্নবা অমা পুরক্নবগীদমক রাউন্দ অনি অসিগী মরক্তা ইন্তরসেসন মীফমশিং পাংথোকখি।
![](https://static.pib.gov.in/WriteReadData/userfiles/image/image001Q6LJ.jpg)
ভারতকী মীহুৎ কাংবুবু ভারত সরকারগী কম্মর্স দিপার্তমেন্তকী চীফ নেগোসিএতর অমসুং এদিস্নেল সেক্রেতরী শ্রী রাজেশ আগরৱালনা লুচিংখি অমসুং ওস্ত্রেলিয়াগী DFATদা চীফ নেগোসিএতর অমসুং ফার্স্ত এসিস্তেন্ত সেক্রেতরী শ্রী রবি কেৱালরামনা ওস্ত্রেলিয়াগী মীহুৎ কাংবুবু লুচিংখি। মীফম অদুদা অমনা অমগী প্রপোজেলশিং অমসুং য়ান্নবা পুরক্নবগী লম্বীদা হেন্না ফজনা খঙমিন্নদুনা খেন্নবা অদু হন্থহন্নবা কুপ্না খন্ন-নৈনখি অমসুং ৱারী শানখি। নাকল অনিমক্না দোমেস্তিক সেন্সিতিবিতীশিংবু ৱাখলদা থমদুনা বেলেন্স ওইবা ৱারোইশিন অমা পুরক্নবা হোৎনখি।
নেগোসিএৎ তৌরিবা ত্রেক মঙামক্কী খন্ন-নৈনবগী ফলশিং চীফ নেগোসিএতরশিংগী জোইন্ত মীফমদা পাউদমখি অমসুং মসিনা মখোয়গী তুংগী থবকশিংদা অহেনবা লমজিং-লমতাক পীখি। ত্রেক মঙাগী মখাদা অমনা অমগী প্রপোজেলশিং অদু ময়েক শেংনা খঙমিন্নদুনা নাকল অনিমক্কী ত্রেক লীদশিংনা ভারত্তা পাংথোক্কদৌরিবা মথংগী রাউন্দগী মমাংদা ভর্চুএল মোদকী খুত্থাংদা ইন্তরসেসনগী খুত্থাংদা ৱারী শানবগীদমক এক্সন প্লান শেমগনি হায়না ৱারেপ লৌখি।
![](https://static.pib.gov.in/WriteReadData/userfiles/image/image002XD7I.jpg)
মসিগী মথক্তা, চীফ নেগোসিএতরশিংনা ভারত অমসুং ওস্ত্রেলিয়াগী মরক্তা লৈরিবা নাকল অনিগী ওইবা ললোন-ইতিক অমসুং ইনভেস্তমেন্তকী মরীশিং অমুক হন্না য়েংশিনখি অমসুং দিসেম্বর 29, 2022দা চৎনখিবা ভারত-ওস্ত্রেলিয়া ECTA গী পোজিতিব ইফেক্তশিংদা য়ুম্ফ ওইদুনা ভারত অমসুং ওস্ত্রেলিয়াগী মরক্তা ইকনোমিক পার্তনরশিপ মপাঙ্গল কনখৎহন্নবা ৱাফম ফোংদোকখি। নাকল অনিমক্না CECA নেগোসিএসন অসিনা নাকল অনিমক্কী ওইনা মগুন লৈরবা কান্নবা অমসুং বেলেন্স ওইবা ফল ফংহন্নবা হোৎনখি।
![](https://static.pib.gov.in/WriteReadData/userfiles/image/image003OHW2.jpg)
CECA নেগোসিএসনগী খুত্থাংদা ভারত অমসুং ওস্ত্রেলিয়াগী মরক্তা শেন্মিৎলোনগী মতেং পীনবা হেনগৎহন্নবা অমসুং ইনভেস্তমেন্তশিং হেনগৎহন্নবা ওইথোকপা য়াবশিং থিজিনবা, AIBCগী নেস্নেল চেয়র, জোদী মেককে, CEO গ্রেন ত্রেদ ওস্ত্রেলিয়া, পেত ওশানাসী অমসুং অতোপ্পশিংগা লোয়ননা ভারত-ওস্ত্রেলিয়া CECA নেগোসিএসনগী 10শুবা রাউন্দগী নাকলদা ওস্ত্রেলিয়ানা শিনবা রাউন্দ তেবল মীফম অমদা কান্নরবা খন্ন-নৈনবশিং পাংথোকখি। সিদনীদা লৈবা ভারতকী CG সু খন্ন-নৈনবদা শরুক য়াখি। ইন্দিয়া-ওস্ত্রেলিয়া এগ্রি তেক ফোরম (IAATF) গী অহানবা মীফম অসি 2024গী সেপ্তেম্বর 23দা ন্যু দিল্লীদা ওস্ত্রেলিয়ানা নৌনা শেমখিবা ফোরম অমা ওইরিবা ভারতকী লৌউ-শিংউগী স্তেকহোল্দরশিং হায়বদি ইন্দস্ত্রী, রিসর্স ইন্সতিত্যুসনশিং অমসুং সরকারগা লোয়ননা লৌউ-শিংউ অমসুং মহৈ-মরোং থাবদা তেক্নোলোজী ত্রান্সফর অমসুং লৌউ-শিংউগী সেক্তরশিংদা লৌশিং শেয়র তৌবদা মীৎয়েং থমদুনা থবক পায়খৎপগী খুদোংচাবশিং থিদোক্তুনা নাকল অনিমক্তা কান্নরবা মরী অমা শেমগৎনবগীদমক পাংথোক্নবা মখোয়না থৌরাং তৌরি হায়না ওস্ত্রেলিয়াগী মায়কৈদগী খঙহনখি।
![](https://static.pib.gov.in/WriteReadData/userfiles/image/58BEW.jpg)
ওস্ত্রেলিয়াদা লৌউ-শিংউ অমসুং এগ্রিতেক পায়খৎলিবা রিসর্চকী থবক-থৌরমশিং খঙদোক্নবা ভারতকী মীহুৎ কাংবু অসিনা সিদনী য়ুনিভর্সিতী অমসুং সিকাদা ইন্নোবেসন সেন্তরদসু চৎখি।
ওস্ত্রেলিয়া অসি ভারতকী মরু ওইবা ললোন-ইতিক অমসুং স্ত্রেতেজিক পার্তনর অমনি। লৈবাক অনিমক অসি লৈবাক 14গী ইন্দো-পেসিফিক ইকনোমিক ফোরম ফোর প্রোস্পরিতী (IPEF) অমসুং ত্রাইলেতরেল সপ্লাই চেন রেসিলিয়েন্স ইনিসিএতিব (SCRI) গী শরুক অমনি। মসিনা লমদম অসিদা সপ্লাই চেন রেসিলিয়েন্স মপাঙ্গল কনখৎহল্লগনি হায়না পানরি।
ইন্দিয়া-ওস্ত্রেলিয়া CECA নেগোসিএসনগী মথংগী রাউন্দগী ৱারী শানবগী থৌরম নবেম্বর 2024দা পাংথোক্কনি।
*****
(Release ID: 2048690)
Visitor Counter : 29