কোল কম্পনীশিংগী সেফতী স্তেতস খঙদোক্নবা কোল মন্ত্রালয়গী সেক্রেতরী, শ্রী অমৃত লাল মীনানা ইরাই নুমিৎতা নেস্নেল কোল মাইন্স সেফতী পোর্তেল হৌজিক দিবেলপ তৌরিবা অসি য়েংশিনখ্রে।

য়েংশিন মীফম অসিদা কোল ইন্দিয়া লিমিতেদ (CIL)গী চিয়রমেন অমসুং CILগী সবসিদিয়রীশিংগী CMDশিংনা মন্ত্রালয় অসিগী মকোক থোংবা ওফিসিএলশিংগা লোয়ননা শরুক য়াখি। শ্রী অমৃত লাল মীনা কোল মাইন্স পুম্নমক্তা 100% সেফতী ওদিৎশিং পাংথোকপগী মথৌ তাবা অদু থমখি। মহাক্না মন্ত্রালয়গী “জিরো এক্সিদেন্ত, ফেল-প্রুফ সেফতী” ফংনবা ফিরেপ নৌহৌনা ফোংদোকখি। CILগী চিয়রমেন্না পোর্তেল অসি দেমোনস্ত্রেৎ তৌখি অমসুং ওফিসরশিংনা কোল মাইন্সতা সেফতী হেনগৎহন্নবা কান্নরবা লৌশিংশিং পীখি।

পোর্তেলগী দেমোনস্ত্রেসননা মরু ওইবা মোদ্যুল অনি উৎখি: এক্সিদেন্ত মোদ্যুল অমসুং সেফতী ওদিৎ মোদ্যুল। কোল মাইনিংদা ওপরেস্নেল অমসুং ওক্যুপেসনেলগী ওইবা খুদোংথীবা কয়া লৈবনা মরম ওইদুনা, মাইনশিংদা শাফনা থবক তৌনবগীদমক্তা অকনবা সেফতী প্রোতোকোলশিং অসি তঙাইফদে। কোল কম্পেনীশিংনা মখোয়গী ভিজন অমসুং মিসনগা চুনবা মপুং ফাবা সেফতী পোলিসী অমা ইমপ্লিমেন্ত তৌনবা হোৎনরি।

নেস্নেল কোল মাইন্স সেফতী রিপোর্ত পোর্তেল অসিনা সেফতী মেনেজমেন্তদা মশক থোক্না খুমাং চাউশিনবা অমা উৎলি। এক্সিদেন্ত মোদ্যুল অসিনা পুং 24গী মনুংদা রিপোর্ত তৌবা অমসুং এক্সিদেন্তশিংগী ইফেক্তিব মেনেজমেন্ত তৌবা, অথুবা মতমদা পাউখুম পীনবা অমসুং কুপ্না নৈনবগী খুদোংচাবা পীগনি। সেফতী ওদিৎ মোদ্যুলনা ওদিতিং প্রোসেস হেনগৎহল্লগনি, কোল মাইনিং সেক্তর পুম্বদা সেফতী প্রেক্তিস অমসুং প্রোতোকোলশিং মপাঙ্গল কনখৎহল্লগনি অমসুং এদভান্স মোদ্যুলশিং অসি পুনশিনবনা, সেফতী মেনেজমেন্তকী অনৌবা বেঞ্চমার্কশিং শেমদুনা, মরু ওইবা সেফতী চেলেঞ্জশিং কোকহল্লগনি।

কোল মন্ত্রালয় অমসুং কোল-PSUশিংনা কোল মন্ত্রীগী লুচিং মখাদা ওইথোকপা য়াবা খুদোংচাদবশিং খঙদোকপা অমসুং হন্থহন্নবা রিস্ক এসেসমেন্ত প্রোসিজরশিংগী খুত্থাংদা "মাইন সেফতীগী কলচর" অমা শেমগৎনবা ফিরেপ লৌখি। ইন্নোবেতিব তেক্নোলোজীশিং অমসুং পোলিসীশিং শীজিন্নদুনা, কোল মন্ত্রালয়না সেফতী, প্রদক্তিবিতীগী কলচর অমা প্রমোৎ তৌনবা অমসুং কোল মাইনিং সেক্তরদা লৈরিবা কর্মচারি পুম্নমক্কী য়াইফ-থৌরাং ফংহন্নবা পান্দম থম্লি।

***