কেন্দ্রগী লৌউ-শিংউ অমসুং লৌমীশিংগী য়াইফ-থৌরাং অমসুং খুঙ্গং চাউখৎ থৌরাং মন্ত্রী, শ্রী শিবরাজ সিংহ চৌহান্না ঙসি বিহারগী পতনাদা লৌমীশিংগা ৱারী শানখ্রে। শ্রী চৌহান্না হায়খি মদুদি লৌউ-শিংউ অসি ভারতকী শেন্মিৎলোনগী মপাঙ্গলনি অমসুং লৌমীশিং অসি মাগী থৱায়নি। মহাক্না লৌমীশিংগী সেবা তৌবগী থবক অসি পীখিবা প্রধান মন্ত্রী শ্রী নরেন্দ্র মোদীবু মহাক্না থাগৎপা ফোংদোকখি অমসুং লৌমীশিংগী সেবা তৌবসি শ্রী চৌহানগীদমক্তা ঈশ্বরবু ইকায় খুম্নবগা পাঙ্খক্নি হায়খি। লৈবাক অসিগী লৌমীশিংগী য়াইফ-থৌরাংগীদমক ঐখোয়না হোৎনগনি।

কেন্দ্রগী মন্ত্রীনা হায়খি মদুদি প্রধান মন্ত্রী শ্রী মোদীনা লাল কিলাদগ হায়খি মদুদি মহাক্না শরুক অহুম হেন্না য়াংনা থবক তৌরগনি অমসুং মহাক্না লৈবাক অসিগী লৌমীশিংগী য়াইফনবা হোৎনগনি। শ্রী চৌহান্না বিহার সরকার, মুখ্য মন্ত্রী, উপ মুখ্য মন্ত্রী অমসুং লৌউ-শিংউগী বিভাগশিংবু মখোয়না লৌউ-শিংউগী য়াইফনবা লেপ্পা লৈতনা হোৎনরিবা অসিদা থাগৎপা ফোংদোকখি। শ্রী চৌহান্না হায়খি মদুদি ঙসি মহাক্না স্তোলশিং, শঙ্গোম অফম্বা, চেং, খোহি, চুজাক, চা উখি অমসুং পুম্নমক অসি য়াম্না ফজৈ। বিহারগী লৌমীশিংদা মহাক্না ইকাই খুম্নবা উৎখি। কেন্দ্রগী মন্ত্রীনা মখা তারদুনা হায়খি মদুদি ঐখোয়গী লম মরাং কায়না লৈতে, চাদা 91দি মার্জিনেল ফার্মরশিংনি, অদুবু লৌমীশিংনা শীংথানীংঙাই ওইবা থবকশিং তৌরি।

কেন্দ্রগী মন্ত্রীনা হায়খি মদুদি প্রধান মন্ত্রীনা লৌউ-শিংউদা শেন্থোক শরুক অনি হেনগৎহন্নবা কেম্পেন অমা হৌদোকখ্রে অমসুং মহাক্না থবক পায়খৎলিবা লৌমীশিংগীদমক্তা ফোর্ম্যুলা 6 লৈ, মসিদা পোত্থোক হেনগৎহন্নবা থবক তৌরিবা অসিগীদমক অফবা মরু মথৌ তাই। পোত্থোক পুথোকপা অসি অফবনি অদুবু মসিদগী হেন্না ওইথোকপা য়াবা লৈ। উহৈ, মনা-মশিং, সিরিএল, হৱায়, অমসুং ওইল সীদকী অফবা মরুশিং অসি য়াম্না মরু ওই। প্রধান মন্ত্রীনা লৌমীশিংদা মহৈ-মরোং 65গী ময়াৎ 109 পুথোকখিবদা মহাক্না নুংঙাইবা ফোংদোকখি। মহাক্না হায়খি মদুদি চেংগী মখল অমা লৈরি মদুদা ঈশিং চাদা 30 হেন্না চংদে। মিল্লেৎসকী মখল অমা লৈরি মদুগী মহৈ-মরোং অসি নুমিৎ 70দা মপুং মরৈ ফাই। ক্লাইমেৎ ফ্রেন্দলী ওইরবা, তেম্পরেচরগী চাং ৱাংখৎলকপদসু অফবা মহৈ-মরোং ফংবা ঙম্বা মহৈ-মরোংশিং লৈ। মহাক্না ICARগা ৱারী শানগনি, মসিনা মরম ওইদুনা লৌমীশিংদা মহৈ-মরোং ফংহল্লগনি। শ্রী চৌহান্না হায়খি মদুদি মহৈ-মরোং পুথোকপগী মমল হন্থহনবা অসি মহাক্কী অনিশুবা ৱারেপনি, লৌমীশিংনা প্রধান মন্ত্রী কিসান সম্মান নিধিদগী মতেং য়াম্না ফংলি, KCCদগী ফর্তিলাইজরগীদমক মমল হোংনা লোন ফংলি। অহুমশুবা ৱারেপদি মহৈ-মরোংগী অচুম্বা মমল ফংহনবনি। কেন্দ্রগী মন্ত্রীনা হায়খি মদুদি বিহারগী মখানা অসি থোইদোক হেন্দোক্না মমিং লৈরি অমসুং মখানা অসি এক্সপোর্তকী মগুন লৈ অমসুং মসি এক্সপোর্ত তৌরকপা মতমদা লৌমীশিংনা হেন্না কান্নবা ফংলি। কেন্দ্রগী মন্ত্রীনা থাজবা পীখি মদুদি মহাক্না মসিগা মরী লৈনবা ওফিস অমা বিহারদা লাক্নবা হোৎনগনি।

কেন্দ্রগী মন্ত্রীনা হায়খি মদুদি লৌউ-শিংউগী দাইভর্সিফিকেসন অসি সরকারগী রোদমেপতা য়াওরি অমসুং ত্রেদিস্নেল মহৈ-মরোংশিংগা লোয়ননা, শেল হেন্না ফংহনগদবা মহৈ-মরোংশিংবু প্রমোৎ তৌবদা ঐখোয়না থৌরাং অমত্তা লেপহল্লোই। মহাক্না হায়খি মদুদি মহাক্না ফুদ প্রোসেসিংগী মতাংদসু ৱারী শানগনি। বিহারগী তেলেন্ত অসি মালেমদা শীংথানীংঙাই ওইরি। মসিগী তেলেন্ত অসিবু চুম্না শীজিন্নবনা বিহারবু ভারতকী লুচিংবা ওইহনবতা নত্তনা ভারতপু মালেমগী লুচিংবা ওইহনগনি।

শ্রী চৌহান্না হায়খি মদুদি অনৌবা ৱাখল্লোনশিংগা লোয়ননা ঐখোয়না মসি লৌউ-শিংউদা মতৌ করম্না শীজিন্নবা য়াগনি। ঐখোয়না কেমিকেল ফর্তিলাইজরশিং কয়াম কুইনা শীজিন্নগনি? মসিনা ফর্তিলিতী কেপাসিতীসু হন্থহল্লি অমসুং পুথোকপা অসিনা হকচাংদা অকায়বা পী। হৌজিক্কী মতমসিদা তিনথ্রোকশিং লৈখিদ্রে। মখোয়শিং অসি মেন্যুর হাপচিন্দুনা মুত্থৎখ্রে। লৈমায়গী ফিৎ 50-60গী মখাদা লৈবা তিনথ্রোকশিংনা লৈমায়দা চংলকই অমসুং থোরকই, মসিনা লম অদুবু লৈহাও ফনা থম্বা ঙম্মি। প্রধান মন্ত্রীগী লুচিং মখাদা নেচরেল ফার্মিংগী মিসন অমা হৌরে। মসিনা পোত্থোক হন্থহল্লোই, অদুবু হেনগৎহনগনি।

শ্রী চৌহান্না হায়খি মদুদি মথংদদি মহাক্না ফিল্দশিংদা থৌরমশিং পাংথোক্কনি অমসুং প্রেক্তিকেল প্রোব্লেমশিংসু য়েংশিনগনি। লৌমীশিং য়াওদনা মালেম অসি মথৌ তৌবা ঙম্লোই। লেমহৌরিবা পোৎলমশিং অসি ফেক্তরীদা শেমগনি অদুবু নহাক্না গেহু অমসুং চেং অসি কদাইদগী ফংগনি? ঐখোয় পুম্নমক্না পুন্না থবক তৌমিন্নগনি।

*****