নেস্নেল হ্যুমেন রাইতস কম্মিসন
NHRC, ভারতনা অন্ধ্র প্রদেশকী অনাকাপল্লি জিলাদা লৈবা প্রাইবেত ইন্দস্ত্রিএল য়ুনিত অমদা থোকখিবা পোখাইবগী থৌদোক্তা শিন্মী কয়া লৈখিদবগী সু মোতু কোগনিজেন্স লৌখৎখ্রে
চীফ সেক্রেতরী অমসুং দিরেক্তর জেনরেল ওব পুলিস, অন্ধ্র প্রদেশতা নোতিস ইস্যু তৌখ্রে
চয়োল অনিগী মনুংদা লানখৎলক্কদবা অকুপ্পা রিপোর্ততা অশোই অঙাম য়াওদনবগী কাংলোনশিংদা থওইদবা লৈখিব্রা হায়বগী মতাংদা থিগৎনবা খঙহনখ্রে
এফ.আই.আর., অশোকপশিংগী হকশেল অমসুং অনা লাইয়েং অমসুং লৈখিদ্রবা অমসুং অশোকপগী ইমুংশিংদা কাইথখিবা খেতিপুরোনগী ফিভম হংগৎখ্রে
Posted On:
23 AUG 2024 1:52PM by PIB Imphal
নেসনেল হ্যুমেন রাইতস কম্মিসন (NHRC), ইন্দিয়ানা ওগস্ত ২১, ২০২৪ দা অন্ধ্র প্রদেশকী অনাকাপল্লি জিলাদা লৈবা উচুতপুরম স্পেসল একনোমিক জোনগী প্রাইবেত ইন্দস্ত্রিএল য়ুনিত অমদা রিএক্তর পোখাইবদা শিন্মী ১৭না লৈখিদবা অমসুং ৫০না অশোক অপন নংখিবগী মতাংদা মীদিয়াদা ফোংবা রিপোর্তশিংগী সু মোতো কোগনিজেন্স লৌখৎখ্রে। পোখাইখিবদুগী চপ চাবা মরমশিং খঙবা ঙমদ্রি। পাউগী মতুং ইন্না, স্তেত দিজাস্তর রেস্পোন্স ফোর্সকী তীমশিংনা পোখাইরবা মতুংদা অকাই অতোইশিংদা হিংহৌবা মীওইশিং লৈরিব্রা হায়না কন্না থিবা হুম্বগী থবক চত্থরি। অদুমওইনমক, হকচাং কয়া মরক্তা লৈরম্বা য়াই হায়দুনা অশিবগী মশীং হেনগৎলবা য়াই হায়রি। পোখাইখিবা মতমদা শিন্মী কয়া মফম অদুদা লৈখিবগে হায়বা চপ চানা খঙদ্রি।
কমিসন অসিনা মীদিয়া রিপোর্তশিংদা ফোঙলিবশিং অসি মরী লৈনবা ওথোরিতীশিংগী অশোইবা লৈবনা ভিক্তিমশিংগী অধিকার মাঙহল্লি হায়রি। মসিগী মতুং ইন্না, অন্ধ্র প্রদেশকী চীফ সেক্রেতরী অমসুং দিরেক্তর জেনরেল ওব পুলিসতা নোতিস অমা থাদুনা ইন্দস্ত্রিএল য়ুনিত অদুগী মপুনা সেফতী নোর্ম অমসুং লিগেল প্রোভিজনশিং মতীক চানা লৌখৎখিব্রা অমসুং মরী লৈনবা ওথোরিতীশিংনা সুপর্ভাইজ তৌখিব্রা হায়বদু থিগৎনবা অমসুং চয়োল অনিগী মনুংদা অকুপ্পা মরোল য়াওরবা রিপোর্ত অমা পীখৎলক্নবা খঙহনখ্রে।
মসিদা এফ.আই.আর., অশোকপশিংগী হকশেল অমসুং অনা লাইয়েং অমসুং লৈখিদ্রবা অমসুং অশোকপগী ইমুংশিংদা কাইথখিবা খেতিপুরোন অমসুং অতৈ রিলিফ/রিহেবিলিতেসন পীরিবগী ফিভমসু য়াওরবা য়াই। কম্মিসন অসিনা খুদোংথীবা থৌদোক অসিগী থৌদাং মরম ওইবা মতীক চাদবা ওফিসরশিংগী মথক্তা লৌখৎখ্রবা থবকশিংসু খঙনিংই হায়খি।
***************
(Release ID: 2048108)
Visitor Counter : 33