ମହାମହିମ, ପ୍ରଧାନମନ୍ତ୍ରୀ ଡୋନାଲ୍ଡ ଟସ୍କ,

ଉଭୟ ଦେଶର ପ୍ରତିନିଧି

ଗଣମାଧ୍ୟମର ବନ୍ଧୁମାନେ,

ନମସ୍କାର

ୱାର୍ସା ଭଳି ଏକ ସୁନ୍ଦର ସହରରେ ଭବ୍ୟ ସ୍ୱାଗତ, ସୁନ୍ଦର ଆତିଥ୍ୟ ଏବଂ ବନ୍ଧୁତ୍ୱପୂର୍ଣ୍ଣ ଶବ୍ଦ ପାଇଁ ମୁଁ ପ୍ରଧାନମନ୍ତ୍ରୀ ଟସ୍କଙ୍କୁ ହୃଦୟରୁ କୃତଜ୍ଞତା ଜଣାଉଛି । ଆପଣ ଦୀର୍ଘ ଦିନ ଧରି ଭାରତର ଜଣେ ଭଲ ବନ୍ଧୁ ଅଟନ୍ତି । ଭାରତ ଏବଂ ପୋଲାଣ୍ଡ ମଧ୍ୟରେ ବନ୍ଧୁତାକୁ ସୁଦୃଢ କରିବାରେ ଆପଣଙ୍କର ଅବଦାନ ଅତୁଳନୀୟ ।

ବନ୍ଧୁଗଣ,

ଭାରତ ଏବଂ ପୋଲାଣ୍ଡ ମଧ୍ୟରେ ସମ୍ପର୍କରେ ଆଜିର ବିଶେଷ ମହତ୍ତ୍ୱ ରହିଛି । ଆଜି ୪୫ ବର୍ଷ ପରେ ଜଣେ ଭାରତୀୟ ପ୍ରଧାନମନ୍ତ୍ରୀ ପୋଲାଣ୍ଡ ଗସ୍ତ କରିଛନ୍ତି। ମୋର ତୃତୀୟ କାର୍ଯ୍ୟକାଳ ଆରମ୍ଭରେ ମୋତେ ଏହି ସୌଭାଗ୍ୟ ମିଳିଛି । ଏହି ଅବସରରେ ମୁଁ ପୋଲାଣ୍ଡ ସରକାର ଏବଂ ଲୋକମାନଙ୍କୁ ବିଶେଷ କୃତଜ୍ଞତା ଜଣାଉଛି । ୨୦୨୨ରେ ୟୁକ୍ରେନ୍ ସଂଘର୍ଷରେ ଫସିଥିବା ଭାରତୀୟ ଛାତ୍ରଛାତ୍ରୀଙ୍କୁ ଉଦ୍ଧାର କରିବାରେ ଆପଣ ଯେଉଁ ଉଦାରତା ଦେଖାଇଛନ୍ତି ତାହା ଆମେ ଭାରତୀୟମାନେ କେବେ ବି ଭୁଲିପାରିବୁ ନାହିଁ।

ବନ୍ଧୁଗଣ,

ଚଳିତ ବର୍ଷ ଆମେ ଆମର କୂଟନୈତିକ ସମ୍ପର୍କର ୭୦ତମ ବାର୍ଷିକୀ ପାଳନ କରୁଛୁ । ଏହି ଅବସରରେ ଆମେ ସମ୍ପର୍କକୁ ଏକ ରଣନୈତିକ ଭାଗିଦାରୀରେ ପରିଣତ କରିବାକୁ ନିଷ୍ପତ୍ତି ନେଇଛୁ। ଭାରତ ଓ ପୋଲାଣ୍ଡ ମଧ୍ୟରେ ସମ୍ପର୍କ ଗଣତନ୍ତ୍ର ଏବଂ ଆଇନର ଶାସନ ଭଳି ମିଳିତ ମୂଲ୍ୟବୋଧ ଉପରେ ଆଧାରିତ । ଆଜି ଆମେ ସମ୍ପର୍କକୁ ଏକ ନୂତନ ଦିଗ ଦେବା ପାଇଁ ଅନେକ ପଦକ୍ଷେପ ଚିହ୍ନଟ କରିଛୁ । ଦୁଇ ଗଣତାନ୍ତ୍ରିକ ଦେଶ ଭାବରେ ଆମ ସଂସଦ ମଧ୍ୟରେ ଆଦାନ ପ୍ରଦାନକୁ ପ୍ରୋତ୍ସାହିତ କରାଯିବା ଉଚିତ୍ । ଅର୍ଥନୈତିକ ସହଯୋଗକୁ ବ୍ୟାପକ କରିବା ପାଇଁ ଘରୋଇ କ୍ଷେତ୍ରକୁ ସାମିଲ କରିବା ପାଇଁ କାର୍ଯ୍ୟ କରାଯିବ। ଖାଦ୍ୟ ପ୍ରକ୍ରିୟାକରଣ କ୍ଷେତ୍ରରେ ପୋଲାଣ୍ଡ ବିଶ୍ୱର ଅନ୍ୟତମ ଅଗ୍ରଣୀ ଦେଶ । ଆମେ ଚାହୁଁଛୁ ପୋଲାଣ୍ଡ କମ୍ପାନୀ ଭାରତରେ ନିର୍ମାଣ ହେଉଥିବା ମେଗା ଫୁଡ୍ ପାର୍କରେ ଯୋଗ ଦିଅନ୍ତୁ । ଭାରତରେ ଦ୍ରୁତ ସହରୀକରଣ ସହିତ ଜଳ ବିଶୋଧନ, କଠିନ ବର୍ଜ୍ୟବସ୍ତୁ ପରିଚାଳନା, ସହରୀ ଭିତ୍ତିଭୂମି କ୍ଷେତ୍ରରେ ଆମର ସହଯୋଗ ପାଇଁ ନୂତନ ସୁଯୋଗ ସୃଷ୍ଟି ହେଉଛି । ସ୍ୱଚ୍ଛ କୋଇଲା ପ୍ରଯୁକ୍ତିବିଦ୍ୟା, ସବୁଜ ହାଇଡ୍ରୋଜେନ, ଅକ୍ଷୟ ଶକ୍ତି, ଆର୍ଟିଫିସିଆଲ ଇଣ୍ଟେଲିଜେନ୍ସ ମଧ୍ୟ ଆମର ମିଳିତ ପ୍ରାଥମିକତାର ବିଷୟ । ମେକ୍ ଇନ୍ ଇଣ୍ଡିଆ ଏବଂ ମେକ୍ ଫର୍ ଦି ୱାର୍ଲ୍ଡରେ ସାମିଲ ହେବା ପାଇଁ ଆମେ ପୋଲାଣ୍ଡ କମ୍ପାନୀଗୁଡ଼ିକୁ ନିମନ୍ତ୍ରଣ କରୁଛୁ । ଫିନ୍ ଟେକ୍, ଫାର୍ମା, ମହାକାଶ ଭଳି କ୍ଷେତ୍ରରେ ଭାରତ ଅନେକ ସଫଳତା ହାସଲ କରିଛି। ପୋଲାଣ୍ଡ ସହିତ ଏହି କ୍ଷେତ୍ରରେ ଆମର ଅଭିଜ୍ଞତା ବାଣ୍ଟିବାକୁ ଆମେ ଆନନ୍ଦିତ ହେବୁ । ପ୍ରତିରକ୍ଷା କ୍ଷେତ୍ରରେ ଘନିଷ୍ଠ ସହଯୋଗ ଆମର ଗଭୀର ପାରସ୍ପରିକ ବିଶ୍ୱାସର ପ୍ରତିଫଳନ । ଏହି କ୍ଷେତ୍ରରେ ପାରସ୍ପରିକ ସହଯୋଗ ସୁଦୃଢ଼ ହେବ। ଉଦ୍ଭାବନ ଏବଂ ପ୍ରତିଭା ଉଭୟ ଦେଶର ଯୁବ ଶକ୍ତିର ପରିଚୟ । ଦକ୍ଷ କର୍ମଚାରୀଙ୍କ କଲ୍ୟାଣ ପାଇଁ, କୁଶଳୀ ଶ୍ରମିକଙ୍କ କଲ୍ୟାଣ ପାଇଁ ଏବଂ ଗତିଶୀଳତାକୁ ପ୍ରୋତ୍ସାହିତ କରିବା ପାଇଁ ଉଭୟ ପକ୍ଷ ମଧ୍ୟରେ ସାମାଜିକ ସୁରକ୍ଷା ଚୁକ୍ତି ସ୍ୱାକ୍ଷରିତ ହୋଇଛି ।

ବନ୍ଧୁଗଣ,

ଭାରତ ଓ ପୋଲାଣ୍ଡ ମଧ୍ୟ ଅନ୍ତର୍ଜାତୀୟ ମଞ୍ଚରେ ଘନିଷ୍ଠ ସମନ୍ୱୟ ରକ୍ଷା କରି ଆଗକୁ ବଢ଼ୁଛନ୍ତି। ବୈଶ୍ୱିକ ଆହ୍ୱାନର ମୁକାବିଲା ପାଇଁ ଜାତିସଂଘ ଏବଂ ଅନ୍ତର୍ଜାତୀୟ ଅନୁଷ୍ଠାନରେ ସଂସ୍କାର ସମୟର ଆବଶ୍ୟକତା ବୋଲି ଆମେ ଉଭୟ ସହମତ । ଆତଙ୍କବାଦ ଆମ ପାଇଁ ଏକ ବଡ଼ ଚ୍ୟାଲେଞ୍ଜ। ଭାରତ ଓ ପୋଲାଣ୍ଡ ଭଳି ମାନବିକତାରେ ବିଶ୍ୱାସ କରୁଥିବା ଦେଶକୁ ଏଭଳି ଅଧିକ ସହଯୋଗର ଆବଶ୍ୟକତା ରହିଛି। ସେହିଭଳି ଜଳବାୟୁ ପରିବର୍ତ୍ତନ ମଧ୍ୟ ଆମ ପାଇଁ ଏକ ମିଳିତ ପ୍ରାଥମିକତାର ବିଷୟ। ଆମେ ଆମର ଉଭୟ ସାମର୍ଥ୍ୟକୁ ମିଶାଇ ଏକ ସବୁଜ ଭବିଷ୍ୟତ ପାଇଁ କାମ କରିବୁ । ୨୦୨୫ ଜାନୁଆରୀରେ ପୋଲାଣ୍ଡ ୟୁରୋପୀୟ ସଂଘର ସଭାପତି ଦାୟିତ୍ୱ ଗ୍ରହଣ କରିବ । ମୋର ବିଶ୍ୱାସ ଯେ ଆପଣଙ୍କ ସହଯୋଗ ଭାରତ ଏବଂ ୟୁରୋପୀୟ ସଂଘ ମଧ୍ୟରେ ସମ୍ପର୍କକୁ ସୁଦୃଢ଼ କରିବ ।

ବନ୍ଧୁଗଣ,

ୟୁକ୍ରେନ୍ ଓ ପଶ୍ଚିମ ଏସିଆରେ ଚାଲିଥିବା ସଂଘର୍ଷ ଆମ ସମସ୍ତଙ୍କ ପାଇଁ ଗଭୀର ଚିନ୍ତାର ବିଷୟ। ଭାରତ ଦୃଢ଼ ଭାବରେ ବିଶ୍ୱାସ କରେ ଯେ କ୍ଷେତ୍ରରେ କୌଣସି ସମସ୍ୟାର ସମାଧାନ ହୋଇପାରିବ ନାହିଁ । ଯେକୌଣସି ସଙ୍କଟରେ ନିରୀହ ଲୋକଙ୍କ ଜୀବନ ଯିବା ସମଗ୍ର ମାନବ ଜାତି ପାଇଁ ସବୁଠାରୁ ବଡ଼ ଚ୍ୟାଲେଞ୍ଜ ପାଲଟିଛି। ଶାନ୍ତି ଓ ସ୍ଥିରତାର ଯଥାଶୀଘ୍ର ପୁନରୁଦ୍ଧାର ପାଇଁ ଆମେ ଆଲୋଚନା ଏବଂ କୂଟନୀତିକୁ ସମର୍ଥନ କରୁଛୁ । ଏଥିପାଇଁ ଭାରତ ନିଜର ବନ୍ଧୁ ରାଷ୍ଟ୍ରମାନଙ୍କ ସହ ଯଥାସମ୍ଭବ ସହଯୋଗ କରିବାକୁ ପ୍ରସ୍ତୁତ ଅଛି।

ବନ୍ଧୁଗଣ,

ପୋଲାଣ୍ଡରେ ଇଣ୍ଡୋଲୋଜି ଏବଂ ସଂସ୍କୃତର ବହୁତ ପୁରୁଣା ଏବଂ ସମୃଦ୍ଧ ପରମ୍ପରା ରହିଛି । ଭାରତୀୟ ସଭ୍ୟତା ଏବଂ ଭାଷା ପ୍ରତି ଗଭୀର ଆଗ୍ରହ ଦ୍ୱାରା ଆମ ସମ୍ପର୍କର ଏକ ମଜଭୁତ ଭିତ୍ତିଭୂମି ସ୍ଥାପନ କରାଯାଇଥିଲା । ଗତକାଲି ମୁଁ ଆମର ଲୋକମାନଙ୍କ ମଧ୍ୟରେ ସମ୍ପର୍କର ଏକ ପ୍ରତ୍ୟକ୍ଷ ଏବଂ ଜୀବନ୍ତ ଉଦାହରଣ ଦେଖିଲି | ଭାରତୀୟ ପୋଲାଣ୍ଡ "ଡୋବ୍ରେ ମହାରାଜା" ଏବଂ କୋହ୍ଲାପୁରର ମହାରାଜାଙ୍କ ସ୍ମୃତିରେ ନିର୍ମିତ ସ୍ମାରକୀଗୁଡ଼ିକରେ ଶ୍ରଦ୍ଧାଞ୍ଜଳି ଅର୍ପଣ କରିବାର ସୌଭାଗ୍ୟ ମୋତେ ମିଳିଥିଲା । ମୁଁ ଖୁସି ଯେ ଆଜି ବି ପୋଲାଣ୍ଡର ଲୋକମାନେ ତାଙ୍କର ପରୋପକାର ଏବଂ ଉଦାରତାକୁ ସମ୍ମାନ ଦିଅନ୍ତି । ତାଙ୍କ ସ୍ମୃତିକୁ ଅମର କରିବା ପାଇଁ ଆମେ ଭାରତ ଓ ପୋଲାଣ୍ଡ ମଧ୍ୟରେ ଜାମ୍ ସାହେବର ନବନଗର ଯୁବ ବିନିମୟ କାର୍ଯ୍ୟକ୍ରମର ଆରମ୍ଭ କରିବାକୁ ଯାଉଛୁ । ପ୍ରତିବର୍ଷ ପୋଲାଣ୍ଡର ୨୦ ଜଣ ଯୁବକଙ୍କୁ ଭାରତ ଯାତ୍ରାରେ ନିଆଯିବ ।

ବନ୍ଧୁଗଣ,

ମୁଁ ପୁଣି ଥରେ ପ୍ରଧାନମନ୍ତ୍ରୀ ଟସ୍କ ଏବଂ ତାଙ୍କ ବନ୍ଧୁତାକୁ କୃତଜ୍ଞତା ଜଣାଉଛି । ଏବଂ ଆମ ସମ୍ପର୍କକୁ ଏକ ନୂତନ ସ୍ତରକୁ ନେବା ପାଇଁ ମୁଁ ମୋର ପ୍ରତିବଦ୍ଧତା ଦୋହରାଉଛି । ଆପଣଙ୍କୁ ବହୁତ ଧନ୍ୟବାଦ।

HS