প্রধান মন্ত্রী শ্রী নরেন্দ্র মোদীগী চাউখৎপা ভারতকী ৱারেপ অদু মংফাওনহন্নবা, মাইক্রো, স্মোল অমসুং মেদিয়ম এন্তর্প্রাইজ মন্ত্রালয়(MSME) গী খাদি অমসুং ভিলেজ ইন্দস্ত্রীজ কম্মিসন (KVIC) না ঙসি রাজঘাত, নই দিল্লীগী KVIC গী ওফিসতা কম্ম্যুনিকেসন মন্ত্রালয়গী মখাদা থবক তৌরিবা পোস্ত দিপার্তমেন্তকা মরুওইবা MoU অমা খুৎয়েক পীনখ্রে। মসিগী মখাদা, লৈবাক শীনবা থুংনা থবক তৌরিবা পোস্তেল দিপার্তমেন্তকী এমপ্লোয়ীশিংনা প্রধান মন্ত্রী ইমপ্লোয়মেন্ত জেনরেসন প্রোগ্রাম (PMEGP) গী মখাদা লৈবাক শীনবা থুংনা শেমগৎলিবা অনৌবা য়ুনিৎশিং ফিজিকেল ভেরিফিকেসন তৌগনি। KVIC না পোস্তেল দিপার্তমেন্তকী এমপ্লোয়ীশিংবু ফিজিকেল ভেরিফিকেসনগীদমক ত্রেনিংসু পীগনি।

KVIC গী চেয়রমেন শ্রী মনোজ কুমার, MSMEগী জোইন্ত সেক্রেতরী শ্রী বিপুল গোয়ল, KVICগী CEO শ্রী বতসল্যা সক্সেনা অমসুং দিপার্তমেন্ত ওফ পোস্তসকী জেনরেল মেনেজর, কুমারি মনিশা বন্সল বাদল য়াওফুনা MoU অসি দিপার্তমেন্ত ওফ পোস্তসকী মহুৎ শিন্দুনা দা. অমনপ্রীত সিংহ অমসুং KVICগী মহুৎ শিন্দুনা দিপুতী CEO, PMEGP, শ্রী রজন বাবুনা খুৎয়েক পীখি। জেনরেল মেনেজর, দোক্তর পোস্ত অমসুং দাই বিভাগকী মায়কৈদগী অমনপ্রীত সিংহনা ৱা ঙাংখি। মসিগী খুত্থাংদা, KVIC.না লৈবাক শীনবা থুংনা লৈরিবা পোস্ত ওফিস 1,65,000গী সর্ভিসশিংগী কান্নবা ফংগনি। মসিগী মনুংদা 139,067 না খুঙ্গংগী মফমশিংদা থবক তৌরি।

থৌরম অদুদা KVICগী চেয়রমেন শ্রী মনোজ কুমারনা হায়খি মদুদি প্রধান মন্ত্রী শ্রী নরেন্দ্র মোদীগী ভিজনগী মতুং ইন্না KVICনা সরকারগী দিপার্তমেন্ত অনিগী মরক্তা কোওপরেতিব ৱার্ক কলচর প্রমোৎ তৌনবা পোস্তেল দিপার্তমেন্তকা লোয়ননা MoU অসি খুৎয়েক পীনখি। মসিগী খুত্থাংদা, KVICনা লৈবাক শিনবা থুংনা লৈরিবা পোস্তেল দিপার্তমেন্তকী চহি 150 হেন্না শাংলবা কম্ম্যুনিকেসন নেৎৱার্ক্কী কান্নবা ফংগনি। মসিগী খুত্থাংদা, PMEGP য়ুনিৎশিংগী ফিজিকেল ভেরিফিকেসনগা লোয়ননা, মার্জিন মনীগী সবসিদীসু হেন্না থুনা সেত্তল তৌগনি। KVICগী চেয়রমেননা হায়খি মদুদি PMEGP না লৈবাক শীনবা থুংনা ওন্তপ্রিনোরশিপ প্রমোৎ তৌখি অমসুং অনৌবা থবক ফংহন্নবা খুদোংচাবা কয়া ফংহনখ্রে। স্কিম অসি হৌরকপদগী হৌনা PMEGPনা অনৌবা প্রোজেক্ত লাখ 9.69 হেন্না লিংখৎপদা মতেং পাংখ্রে অমসুং ওন্তপ্রিনোর লাখ 84.64 হেন্না থবক ফংহনখ্রে। হৌজিক ফাওবদা, লুপা করোর 69021.29গী লোন অমগী মথক্তা, স্কিম অসিগী খুত্থাংদা লুপা করোর 25563.44গী মার্জিন মনী সবসিদী য়েন্থোকখ্রে। হৌখিবা শেনবা চহি 2023-24 খক্তদা, PMEGP.না ওন্তপ্রিনোর লাখ 9.80 হেনবদা থবক পীখ্রে অমসুং লুপা করোর 3093 হেনবগী মার্জিন মনী সবসিদী য়েন্থোকখ্রে।

KVICগী চেয়রমেননা মখা তারদুনা হায়খি মদুদি হৌখিবা চহি 10 অসিদা, খাদি, পূজ্যা বাপুগী লেগেসী অসি চাউখৎলবা ভারত অমগী গেরেন্তী ওইরক্লি। প্রধান মন্ত্রী শ্রী নরেন্দ্র মোদীগী লুচিং মখাদা অমসুং MSME মন্ত্রালয়গী লমজিং মখাদা, নীংতম ভারতকী পুৱারীদা অহানবা ওইনা খাদি অমসুং ভিলেজ ইন্দস্ত্রীজকী তর্নওভর অসি করোর লাখ 1.55 হেনখ্রে। প্রধান মন্ত্রীগী ব্রেন্দ পৱারনা হৌখিবা চহি 10দা খাদি অমসুং ভিলেজ ইন্দস্ত্রীজগী পোত্থোকশিং য়োনবা শরুক মঙা হেনগৎহনখ্রে অমসুং পোত্থোক পুথোকপা শরুক মরি হেনগৎহনখ্রে। অহানবা ওইনা সেক্তর অসিদা অনৌবা থবক লাখ 10.17 শেম্লে। থৌরম অদুদা পোস্ত দিপার্তমেন্ত অমসুং KVICগী ওফিসরশিং অমসুং এমপ্লোয়ীশিংসু শরুক য়াখি।

*****