কমর্স অমসুং ইন্দস্ত্রী মন্ত্রালয়
ই-কম্মর্সকী গ্রোথ অসি সিতিজেন সেন্ত্রিক ওইগদবনি: কেন্দ্রগী মন্ত্রী শ্রী পিয়ু গোয়ল
লৈবাক অসিদা লৈরিবা অপীকপা রিতেলর মিলিয়ন 100দা অপনবা পীহনদবা অসি মথৌ তাই: শ্রী গোয়ল
শ্রী গোয়লনা ভারতকী চাউখৎলক্লিবা ইকনোমী ঙাকশেনবা অমসুং পুক্নিং থৌগৎনীংঙাই ওইবা খোঙথাং মথৌ তারিবশিংদা মতেং পীবগী মরু ওইবা অদু থমখি
ভারত্তা ই-কম্মর্সকী গ্রোথকীদমক বেলেন্স ওইবা গ্রোথ অমা মথৌ তাই: শ্রী গোয়ল
Posted On:
21 AUG 2024 1:29PM by PIB Imphal
কম্মর্স অমসুং ইন্দস্ত্রীগী কেন্দ্রগী মন্ত্রী শ্রী পিয়ুশ গোয়লনা হায়খি মদুদি ঐখোয়না ই-কম্মর্সকী গ্রোথ অসি সিতিজন সেন্ত্রিক ওইহনগদবনি। ঙসি নই দিল্লীদা অখন্নবা মীথুংলেন ওইনা পহলে ইন্দিয়া ফাউন্দেসনগী 'ই-কম্মর্সনা ভারত্তা থবক পীবা অমসুং কঞ্জ্যুমর ৱেলফেয়রদা পীরিবা নেৎ ইম্পেক্ত'কী রিপোর্ত অমা ফোংবগী থৌরমদা শরুক য়াখিবদা মন্ত্রীনা হায়খি মদুদি ই-কম্মর্সকী গ্রোথ অসিনা খুন্নাইগী অচৌবা শরুকশিংদা কান্নবশিং ফংহনবেং দেমোক্রেতাইজ তৌগদবনি।
শ্রী গোয়লনা হায়খি মদুদি তেক্নোলোজী অসি শক্তি পীনবা, অনৌবা পুথোক্নবা অমসুং কঞ্জুমরগী মথৌ তাবশিং ফংনবা পাম্বৈ অমনি - করিগুম্বা মতমদা হেন্না ইফিসিএন্ত ওই। মহাক্না হায়খি মদুদি মার্কেৎ শিয়রগী লমজেলদা ঐখোয়না লৈবাক অসিদা লৈরিবা অপীকপা রিতেলর মিলিয়ন 100গীদমক অৱাবা ওইহল্লোইদবনি।
শ্রী গোয়লনা ভারতকী চাউখৎলক্লিবা শেন্মিৎলোনবু ঙাক-শেনবগী মরুওইবা অদু পনখি অমসুং পুক্নিং থৌগৎনীংঙাই ওইবা খোঙথাং মথৌ তাবা মীওইশিংবু মতেং পাংবগী মরুওইবা অদু পনখি। "ঐখোয়গী মতেং মথৌ তারিবা মীওই কয়া অমা হৌজিকসু লৈরি। ভারতকী তুংলমচৎকীদমক্তা থবক অমসুং খুদোংচাবশিংগী মতাংদা, ঐখোয় পুম্নমক্না ঐখোয়গী থৌদাং লৌগদবনি হায়না ঐনা খল্লি," হায়না মহাক্না ফোংদোকখি।
শ্রী গোয়লনা ভারতকী ত্রেদিস্নেল রিতেল সেক্তরদা ই-কম্মর্সকী হেনগৎলক্লিবা ইথিল অমসুং থবক পীবদা মসিনা পীবা য়াবা কান্নবগী মতাংদা মহাক্না ফোংদোকখি। মন্ত্রীনা হায়খি মদুদি ভারতকী কৈথেলগী তংখাই অমা লাক্কদৌরিবা চহি তরা অসিদা ই-কম্মর্স নেৎৱার্ক্কী শরুক অমা ওইরকপা য়াবগী ওইথোকপা লৈ, ওইরক্লিবা মওং অসি মহাক্না "নুংনাংনীংঙাই ওইবা ৱাফম অমনি" হায়না ফোঙদোকখি।
ই-কম্মর্সকী পাক চাউবা ইম্পেক্তশিংগী মতাংদা পল্লদুনা, শ্রী গোয়লনা মসিগী ইম্পেক্ত অদুগী মতাংদা পামদবা অমসুং দেতা-দ্রিভন ওইবা এনালাইসিস অমা পাংথোক্নবা হায়খি। নোংচুপলোমগী লৈবাকশিংগা চাংদম্নদুনা শ্রী গোয়লনা হায়খি মদুদি ই-কম্মর্স হেনগৎলকপনা মরম ওইদুনা য়ুনাইতেদ স্তেতস অমসুং য়ুরোপগুম্বা লৈবাকশিংদা ত্রেদিস্নেল "মোম অমসুং পোপ" দুকানশিং হন্থরক্লি। মহাক্না হায়খি মদুদি স্বিজর্লেন্দনা ই-কম্মর্সকী ওইবা চেকশিন্না এপ্রোচ অমা পায়খৎখি।
“ঐনা ই-কম্মর্স লৈহন্দনবা হায়নীংদে। মসি লৈহনগদবনি।" শ্রী গোয়ালনা অকনবা ৱাফম থমখি, "অদুম ওইনমক ঐখোয়না মসিগী থৌদাং অসিগী মতাংদা য়াম্না চেকশিন্না খনবা তাই। প্রিদেতরী প্রাইসিং অসি লৈবাক অসিগীদমক্তা অফবরা?”
ই-কম্মর্সনা লোকেল বিজিনেস অমসুং থবক পীবদা, মরু ওইনা ফার্মেসী অমসুং মোবাইল ফোন রিপিয়রিং দুকানশিংগুম্বা সেক্তরশিংদা পীরিবা শাফুগী মতাংদা মন্ত্রীনা নুংনাংবা ফোংদোকখি। মহাক্কী ৱারোল লোইশিল্লদুনা মহাক্না বিজিনেস কম্ম্যুনিতী অমসুং এক্সপর্তশিংদা লৈবাক অসিগী মথৌ তাবশিংগা মরী লৈননা ই-কম্মর্সকী শাফু অদু অকুপ্পা মরোল অমসুং সাইন্তিফিক ওইবা মওংদা কুপ্না নৈননবা অমসুং য়েংশিন্নবা হায়খি।
***
(Release ID: 2047354)
Visitor Counter : 36