উপ-রাস্ত্রপতিগী লোইশঙ
ভারতনা চাউখৎলকপা অসিনা মালেমদা তংদু লৈতাবা অমসুং শান্তি লৈহন্নবগী খুদম ওইরি হায়না উপ-রাস্ত্রপতিনা ফোংদোকখ্রে
ভারতকী ইনক্লুসিব মলতিলেতরেলিজমনা গ্লোবেল সাউথ চাউখৎহনবদা শাহৌ পীরি হায়না ভি.পি.না হায়খ্রে
মীওইবা খুন্নাইদা খ্বাইদগী চাউবা শীংনবা, ক্লাইমেৎ চেঞ্জ থেংনবদা লৈবাক পুম্নমক্না পুন্না মীৎয়েং চংবা মরু ওই – উপ রাস্ত্রপত
2023দা ভারতকী প্রসিদেন্সী মনুংদা অফ্রিকন য়ুনিয়ন G20গী পর্মিনেন্ত মেম্বর অমা ওইনা হাপখিবা অসি মরু ওইবা জিওপোলিতিকেল দিবেলপমেন্ত অমনি – ভি.পি.
রিসর্জেন্ত অফ্রিকা অমসুং চাউখৎলক্লিবা ভারতনা সাউথ-সাউথ কোওপরেসনদা অচৌবা শাহৌ অমা পীরি হায়না উপ রাস্ত্রপতি ধনখরনা ফোংদোকখ্রে
ভারতকী ভেল্যু সিস্তেমদা এক্সপান্সন অসি পুৱারীদগী এন্তিথেতিকেল ওইদুনা লাকখি – ভি.পি. ধনখর
উপ-রাস্ত্রপতি জগদীপ ধনখরনা 19শুবা CII ইন্দিয়া-অফ্রিকা বিজিনেস কনক্লেবকী হৌদোকপগী ৱারোল পীখ্রে
Posted On:
21 AUG 2024 2:10PM by PIB Imphal
ভারতকী উপ-রাস্ত্রপতি, শ্রী জগদীপ ধনখরনা গ্লোবেল সাউথকী চাউখৎপা পুরকপদা ভারতকী ইনক্লুসিব, মল্তিলেতরেল এপ্রোচকী মরুওইবা অদু পনখি। “ভারতকী চাউখৎলক্লিবা, ভাইব্রেন্ত দেমোক্রেসী অমসুং মীওইবা খুন্নাইগী শরুক তরুক থোকপগী অমা লৈরিবা অসি মালেমগী ওইবা তংদু লৈতাবা অমসুং শান্তিগীদমক্তা অফবা খুদম অমনি” হায়না মহাক্না ফোংদোকখি।
"ক্রীএতিং ৱান ফিউচর" হায়বা থিমদা পাংথোকপা 19শুবা CII ইন্দিয়া-অফ্রিকা বিজিনেস কনক্লেবকী হৌদোকপগী মীফমদা ৱা ঙাংলদুনা উপ-রাস্ত্রপতিনা পব্লিক পার্তিসিপেসন্না অসিগুম্বা খোঙথাংশিং অসিগী মশক অমা ওইবগা লোয়ননা মীপুম খুদিংমক্কী য়াইফনবগীদমক মান্নবা তুংলমচৎ অমা শেম্নবগী মায়কৈদা হোৎনরিবশিং অসি পুনশিন্নবগী তঙাইফদবা অদুদা অকনবা ৱাফম থমখি। 'ৱান ফ্যুচর শেম্বা হায়বসি মীওইবা খুন্নাইগী তুং কোইনা চৎনবগীদমক মরুওইবা অমনি, অমসুং মসিগী চেলেঞ্জ অসি মখা তানা লেপহল্লোইদবনি' হায়না মহাক্না ফোংদোকখি।
ক্লাইমেৎ চেঞ্জ অসি "তিক্কিং বোম্ব" অমসুং "মীওইবা খুন্নাইগী খ্বাইদগী চাউবা খুদোংথীবা" অমনি হায়না পল্লদুনা উপ রাস্ত্রপতিনা লৈবাক পুম্নমকপু খুদোংচাদবা অসি থেংনবদা পুন্না মীৎয়েং চংনবা তকশিনখি। মীয়াম্না শরুক য়াবা অমসুং মহৌশাগী রিসোর্সশিং খ্বাইদগী ফবা মওংদা শিজিন্নবগী তঙাই ফদবা অদু পল্লদুনা উপ-রাস্ত্রপতিনা হায়খি, "ঐখোয়না হিংনবগী অতোপ্পা গ্রহ অমত্তা লৈতে।"
ভারত অমসুং অফ্রিকাগী মরক্তা লৈরিবা অচেৎপা মরীশিংদা পুক্নিং চিংশিল্লদুনা শ্রী ধনখরনা শেন্মিৎলোন, খুন্নাইগী, অকোইবগী ফিভম, ঙাকশেল অমসুং দিপ্লোমেতিক এস্পেক্তশিং য়াওনা পার্তনরশিপকী তোঙান তোঙানবা মওংশিং শন্দোক্না তাকখি। মহাক্না হায়খি, "অফ্রিকাগী রিসর্জেন্ত অমসুং ভারতনা চাউখৎলকপা অসিনা অখন্ননা ক্লিন তেক্নোলোজী, ক্লাইমেৎ রেসিলিয়েন্ত এগ্রিকলচর, মেরিতাইম সেক্যুরিতী, কনেক্তিবিতী অমসুং ব্লু ইকনোমীগুম্বা লমশিংদা সাউথ-সাউথ কোওপরেসনদা মপাঙ্গল কনবা শাহৌ অমা পীবা ঙমগনি," হায়না মহাক্না হায়খি।
2023দা ভারতনা প্রসিদেন্সী ওইগদৌরিঙৈদা অফ্রিকান য়ুনিয়নবু G20গী পর্মনেন্ত মেম্বর অমা ওইনা য়াওহনবা অসি "মহাক্কী চাউথোকচনীংঙাই ওইবা ৱাফম অমদি মরুওইবা জিওপোলিতিকেল দিবেলপমেন্ত অমনি" হায়না পল্লদুনা উপ-রাস্ত্রপতিনা ইন্তর্নেস্নেল সোলর এলাইন্স, গ্লোবেল বাইওফ্যুএল এলাইন্স অমসুং কোলিসন ফোর দিজাস্তর রেসিলিয়েন্ত ইনফ্রাস্ত্রকচরদা অফ্রিকান লৈবাকশিংনা শরুক য়াবগীদমক থাগৎপা ফোংদোকখি। য়ু.এন.দা অফ্রিকাদা হেন্না ভোইস থোকহন্নবা, ঐখোয়না অফ্রিকা য়ুনিয়নগী "ইজুলৱিনি কনসেন্সস" অমসুং "সির্তে দেক্লারেসন"গীদমক লেপ্লি হায়না মহাক্না ফোংদোকখি।
উপ-রাস্ত্রপতিনা অফ্রিকানা চিতাশিং পীরক্তুনা লৈবাক অসিগী বাইও-দাইবর্সিতী অমুক হন্না শেমগৎপদা মতেং পাংবগীদমক ভারতকী মাইকৈদগী থাগৎপা ফোংদোকখি। মহাক্না হায়খি, "মসিগী চাউখৎ-থৌরাং অসিনা লৈবাক মীয়াম্বু পুক্নিং থৌগৎখি অমসুং ভারত অমসুং অফ্রিকাগী মরক্তা পুক্নিং থৌগৎনীংঙাই ওইবা মরী অমা পুরকখি।" মহাক্না ইন্তর্নেস্নেল বিগ কেৎ এলাইন্সতা য়াওনবা অফ্রিকান লৈবাকশিংদা হায়জখি।
ভারতনা পুৱারীগী ওইনা পাকথোক চাউথোকহনবদা এন্তিথেতিকেল ওই হায়না পল্লদুনা উপ-রাস্ত্রপতিনা পার্তনরশিপশিং শেমগৎনবা অমসুং মপাঙ্গল কনখৎহন্নবা ভারতকী পার্তিসিপেতরী এপ্রোচ অদু ফোংদোকখি। মহাক্না হায়খি মদুদি “ভারতনা অচৌবা দিজিতেলাইজেসন অমসুং তেক্নোলোজীগী অওনবা কয়াগা লোয়ননা মতেং পাংনবগী লম্বী কয়া অমা পীরি অমসুং ম্যুচ্যুএল বেনিফিৎ অমসুং শিয়র সক্সেসকী মাখুদোংচাবা কয়া অমা পীরি”।
রিপাব্লিক ওফ বুরুন্দিগী উপ-রাস্ত্রপতি, শ্রী প্রোস্পর বাজোমবঞ্জা; রিপাব্লিক ওফ দি গমবিয়াগী উপ-রাস্ত্রপতি, শ্রী মুহম্মদ বি.এস. জাল্লো; রিপাব্লিক ওফ লিবেরিয়াগী উপ-রাস্ত্রপতি, শ্রী জরেমিয়া কপেন কৌং; রিপাব্লিক ওফ মোরিসসকী উপ-রাস্ত্রপতি, শ্রী মেরি সিরিল এদ্দী বোইসজোন; রিপাব্লিক ওফ জিম্বাৱেগী উপ-রাস্ত্রপতি, দা. সি.জি.দি.এন চিৱেঙ্গা; CIIগী প্রসিদেন্ত অমসুং ITC লিমিতেদকী চিয়রমেন অমসুং মেনেজিং দিরেক্তর, শ্রী সঞ্জিব পুরি, CII অফ্রিকা কম্মিতীগী চিয়রমেন অমসুং তাতা ইন্তর্নেস্নেল লিমিতেদকী চিয়রমেন, শ্রী নোল তাতা, CIIগী দিরেক্তর জেনরেল শ্রী চন্দ্রজিৎ বেনর্জী অমসুং অতৈ দিগনিতরীশিংনা থৌরম অসিদা শরুক য়াখি।
***
(Release ID: 2047353)
Visitor Counter : 35