উপ-রাস্ত্রপতিগী লোইশঙ
19শুবা CII ইন্দিয়া-অফ্রিকা বিজিনেস কনক্লেবতা থমখিবা উপ রাস্ত্রপতিগী ৱারোল
Posted On:
21 AUG 2024 12:59PM by PIB Imphal
অফ্রিকা অমসুং ভারত্তগী ইকাই খুম্ননীংঙাই ওইবা অখন্নবা মীহুৎশিংগী মীফমগী হৌদোকপগী সেসনদা ৱা ঙাংবা ফংজবা অসি লাইবক ফবনি। অনিমক বিলিয়ন 1.4 ওইরি। ঐহাক্না অখন্নবা দিগনিতরী পুম্নমকপু ভারত্তা তরাম্না ওকচরি।
ঐহাক্না পুম্নমকপু তরাম্না ওকচরি অমসুং ভারত মীয়ামগী মহুৎ শিন্দুনা অদোমগী লমদমগী মীয়ামদা য়াইফ-পাউজেল পীজরি।
ইন্দিয়া-অফ্রিকা বিজিনেস কনক্লেবকী থিম ‘ক্রিএতিং ৱান ফ্যুচর’ অসি ঐখোয়গী সভ্যতাগী চৎনবীশিংদা চেৎনা য়ুম্ফম ওইরি অমসুং ভারতকী ‘G20 প্রসিদেন্তশিপকী মোতো ‘ৱান আর্থ, ৱান ফেমিলী, ৱান ফ্যুচর’ অসি চাউথোকহল্লি।
এক্সিলেন্সীশিং, কনক্লেব অসি কন্তেমপোরনিয়স ওইনা মরী লৈনবা থিমদা খন্ন-নৈন্নবা অমসুং পুম্নমক্কী য়াইফনবা অপুনবা তুংলমচৎ অমা শেম্নবা মাইকৈদা ঐখোয়গী খোঙথাংশিং সিনির্জাইজ তৌনবা ঐখোয়না পুনশিন্নবগী খুদোংচাবা অমনি!
মীওইবা খুন্নাইগী তুং কোইনা চৎনবগীদমক্তা 'ৱান ফ্যুচর শেম্বা' অসি য়াম্না মরু ওই, অমসুং মসিগী থবক মখা তানা থিন্থহল্লোইদবনি, মীয়ামগী শরুক য়াবা অসিনা মসিগী মশক ওইগনি - খন্ন-নৈনবনা লম্বী য়াৎকনি হায়না ঐনা থাজৈ।
মীওইবা খুন্নাইগী খ্বাইদগী চাউবা খুদোংথীবা ওইরিবা, ক্লাইমেৎ চেঞ্জ - তিক্তিং বোম অমা, থেংননবা লৈবাক পুম্নমক্না পুন্না হোৎনমিন্নবা অমসুং মীয়াম্না শরুক য়াশিনবা অমসুং রিসোর্সশিং খ্বাইদগী ফবা মওংদা শীজিন্নদুনা হোৎনমিন্নবা অসি য়াম্না মরু ওই, মরমদি ঐখোয়না মখা তানা ঙাইদুনা লৈরোইদবনি মরমদি ঐখোয়গী অতোপ্পা গ্রহ অমত্তা লৈতে।
ইন্দিয়া-অফ্রিকা গ্রোথ পার্তনরশিপকী মতাংদা 19শুবা CII ইন্দিয়া-অফ্রিকা বিজিনেস কনক্লেবকী অতোপ্পা মীৎয়েং অমনা মপাঙ্গল কনবা শেল-থুমগী পার্তনরশিপ, ইনফ্রাস্ত্রকচর ত্রান্সফোর্মেসন, অমসুং স্পেস সেক্তর কোওপরেসন শেমগৎপা নত্ত্রগা লৌউ-শিংউ, মাইনিং অমসুং ফুদ প্রোসেসিং সেক্তরশিংদা ভেল্যু চেনশিং ফগৎহনবা য়াওনা তোঙান তোঙানবা লমশিংদা গ্রোথ অমসুং পার্তিসিপেতিবরী এভেন্যুশিং মপুং ফানা শীজিন্ননবা নাকল অনিমক্তা খুদোংচাবশিং ফংহনগনি।
এক্সিলেন্সীশিং, হৌখিবা চহি তরা অসিদা মমাংদা অমুক্তা ওইখিদ্রিবা মওংদা চাউখৎলকপা, ভারত অসি দিজিতেলাইজেসন অমসুং তেক্নোলোজীগী খুমাং চাউশিল্লকপনা মতেং পাংনবগী লম্বী কয়া অমা পীরি অমসুং নাকল অনিমক্না কান্নবা ফংনবা অমসুং মায়পাক্নবা খুদোংচাবা কয়া অমা পীরি।
ভারত অমসুং অফ্রিকাগী মরক্তা লৈনরিবা অচেৎপা মরীশিং, মান্নবা পুৱারী, মান্নবা লান্থেং অমসুং অচুম্বা অমসুং প্রোগ্রেসিভ ওইবা তুংলমচৎ অমগীদমক অমগা অমগা থাজবা থম্বা, থোং মান্নবা মালেমগী ওইবা কাংলোন অসিনা মসিগী পার্তনরশিপ অসি মহৌশাগী ওইবা অমসুং হান্নদগী হেন্না মপাঙ্গল কনখৎহল্লি।
ভারতনা অফ্রিকাগী লৈবাক 43দা ইনফ্রাস্ত্রকচর প্রোজেক্ত 206দা দোল্লর বিল্লিয়ন 12.37 হেন্না ইনভেস্ত তৌদুনা মীওই কয়াগী পুন্সিদা কান্নবা পীরি। ভারতনা কেপাসিতী-বিল্দিং, ত্রেনিং অমসুং এজুকেসনেলগী খুদোংচাবশিংসু পীরি। মসিনা চহি অসিগী ওইনা আফ্রিকান য়ুনিয়নগী মীৎয়েং '21শুবা চহিচাগীদমক্তা অফ্রিকান ফিৎ এজুকেৎ' অসিগুম্বা আফ্রিকান য়ুনিয়নগী মরুওইবশিংদা ভারতনা লেপ্লিবা অদু উৎলি।
এক্সিলেন্সীশিং, ভারত অসি অফ্রিকাগী খ্বাইদগী চাউবা মরিশুবা ত্রেদ পার্তনরনি, লৈবাক অনিগী ত্রেদদা বিল্লিয়ন দোল্লর 85 অমসুং ইনভেস্তমেন্তদা বিল্লিয়ন দোল্লর 75 তৌরি। AfCFTA অমসুং ভারতকী DFTP স্কিম্না হেন্না চাউবা শেন্মিৎলোনগী ইন্তিগ্রেসন অমসুং ম্যুচেল দিবেলপমেন্তকীদমক অচৌবা খুদোংচাবা কয়া পীরি।
মালেমগী খ্বাইদগী চাউবা দেমোক্রেসী ওইরিবা, খ্বাইদগী চাউবা অমসুং মীওইবা জাতিগী শরুক তরুক থোকপগী অমা লৈরিবা ভারতনা অফ্রিকাগী লৈবাক 33দা ই-ভিজাগী খুদোংচাবশিং পীদুনা মীয়ামগা মীয়ামগা লৈনরিবা মরী অসি হেন্না চেৎশিলহল্লে।
অনৌবা দিপ্লোমেতিক মিসন 16 হাংদুনা আফ্রিকাদা দিপ্লোমেতিক ফুতপ্রিন্ত হেনগৎহনবা, মহাদেশ অসিদা লৈরিবা ভারতকী মিসনশিংগী অপুনবা মশিং 46 য়ৌহনবা অসি ঐখোয়গী চাউখৎপগী খোঙচৎকী খুদম অমনি।
এক্লিলেন্সীশিং, COVID-19 গী মনুংদা ভারতনা অফ্রিকাদা মেদিকেল সপ্লাই অমসুং ভেক্সিনশিং মতেং পাংখি। ভারত অমসুং অফ্রিকাগী মরক্তা দিফেন্সকী লমদা অচেৎপা মরী লৈনরি। ভারতনা মিলিতরী ত্রেনিং পীরি অমসুং য়ু.এন.পিসকীয়রিংদা অহুমশুবা খ্বাইদগী চাউবা কন্ত্রিব্যুসন পীরি। ভারতনা মেরিতাইম সেক্যুরিতীদসু থৌনা লৈনা শরুক য়ারি অমসুং মসিগী মাইকৈ অসিদা অফ্রিকাগী লমদমশিংদা ইনিসিয়েতিবশিং লৌখৎলি।
এক্সিলেন্সীশিং, ভারত অমসুং অফ্রিকা অসি অরুবা শীংনবশিং অসি থেংননবা মরুওইবা গ্লোবেল পার্তনরশিপশিং শেমগৎলি। ভারতকী চাউখৎপা অমসুং ইনক্লুসিব মল্তিলেতরেলিজম্না গ্লোবেল সাউথকী চাউখৎপা পুরক্লি।
এক্সিলেন্সীশিং, 2023দা ঐখোয়গী প্রসিদেন্সীগী মতমদা G20দা য়ুরোপিয়ন য়ুনিয়নগা লোয়ননা অফ্রিকান য়ুনিয়নবুসু পর্মিনেন্ত মেম্বর অমা ওইনা য়াওহনবা অসি চাউথোকচনীংঙাই ওইবা অমসুং জিও-পোলিতিকেল দিবেলপমেন্ত অমনি। য়ুনাইতেদ নেসন্সতা অফ্রিকাগী ভোইস হেনগৎহন্নবগীদমক, ঐখোয়না অফ্রিকা য়ুনিয়নগী "ইজুলৱিনি কন্সেন্সস” অমসুং "সির্তে দেক্লারেসন"গী মপুং ফানা ঙাক্লৌ পীরি।
এক্সিলেন্সীশিং, ভারত্তা হেদ ক্বার্তর লৈবা ইন্তর্নেস্নেল সোলর এলাইন্স (ISA), গ্লোবেল বাইওফুয়েল এলাইন্স অমসুং কোলিসন ফোর দিজাস্তর রেসিলিয়েন্ত ইনফ্রাস্ত্রকচর (CDRI) দা অফ্রিকান লৈবাকশিংনা শরুক য়াবদা ঐখোয়না চাউথোকচরি।
এক্সিলেন্সীশিং, ভারতনা অফ্রিকাদা ঐখোয়দা চিতাশিং পীদুনা ঐখোয়গী বাইও-দাইভর্সিতী অমুক হন্না শেমগৎপদা মতেং পাংবীবগীদমক থাগৎপা ফোংদোক্লি অমসুং ইন্তর্নেস্নেল বিগ কেৎ এলাইন্সতা শরুক য়ানবা অফ্রিকাগী লৈবাকশিংদা হায়জরি। মসিগী চাউখৎ-থৌরাং অসিনা লৈবাক অসিবু পুক্নিং থৌগৎখি অমসুং ভারত অমসুং অফ্রিকাগী মরক্তা ইমোতিব কন্নেক্ত অমা পুরকখি।
মরুপশিং, ভারতনা দিজিতেল তেক্নোলোজী শীজিন্নদুনা পব্লিক সর্বিসশিংদা অহোংবা পুরক্লি। মসিনা মালেমগী থাক্তা শকখঙনখি। "ইন্দিয়া স্তেক"কুম্বা ইনিসিয়েতিবশিংদা মসিগী এক্সপর্তিস অসি অফ্রিকাগা পুন্না তেক্নোলোজীগী মালেমনা হৌজিক ফাওবদা উখিবা খ্বাইদগী ৱাংবা থাক্কী ওইরি। ভারতকী স্পেস প্রোগ্রামনা অফ্রিকাদা তেক্নোলোজীদা য়ুম্ফম ওইবা সোলুসনশিং পীরি। মসি য়াম্না চাউবা খুদোংচাবা পীবা লম অমনি অমসুং ভারত অসি মসিগী মাইকৈ অসিদা মালেমগী লুচিংবশিংগী মনুংদা অমা ওইরে।
এক্সিলেন্সীশিং, ভারতনা অফ্রিকাগী অপাম্বা অদুগা মান্নৈ মদুদি রো মেতরিএল পুথোক পুশিন তৌবদা মখা পোনবা হন্থহনবা অমসুং মালেমগী শেন্মিৎলোনদা মসিগী পুথোক পুশিন অমসুং ললোন-ইতিক্কী থবক থৌরমশিং হেন্না ফগৎহনবা। মসিগী মাইকৈ অসিদা চংশিবনা ঐহাক্না থাজবা থম্লি মদুদি মফম অসিদা লৈরিবা অথোইবা মীহুৎশিংনা খন্ন-নৈনবদা অনৌবা মওং অমদা লাক্কনি।
মরুপশিং, অফ্রিকাগী মহৌশাগী ওইবা রিসোর্সশিং, অমসুং ঐহাক্না ইকাই খুম্নরবা ভাইস-প্রেসিদেন্ত খুদিংমক্কী ৱা ঙাংবগী অফবা খুদোংচাবা ফংখি। দেমোগ্রাফিক এদভান্তেজ, অমসুং অফ্রিকান কন্তিনেন্তেল ফ্রী ত্রেদ এরিয়া এগ্রীমেন্ত, AfCFTA গী খুত্থাংদা হেনগৎলক্লিবা ইকনোমিক ইন্তিগ্রেসন অসিনা ইনবেস্তমেন্ত অমসুং পার্তনরশিপকীদমক্তা মসি য়াম্না পাম্নবা মফম অমা ওইহল্লি। মসিগী তুংগী থাক্তা পুখৎনবগীদমক্তা খন্ন-নৈনবদা পার্তনরশিপ অসিবু ক্বালিতেতিব ওইনা পুথোকপদগী হেন্না মপুং ফাবা, অপনবা লৈতবা লৈরোই।
এক্সিলেন্সীশিং, রিসর্জেন্ত অফ্রিকা অমসুং রাইজিং ইন্দিয়ানা অখন্ননা ক্লিন তেক্নোলোজী, ক্লাইমেৎ রেসিলিয়েন্ত এগ্রিকলচর, মেরিতাইম সেক্যুরিতী, কনেক্তিবিতী অমসুং ব্লু ইকনোমীগুম্বা লমশিংদা সাউথ-সাউথ কোওপরেসনদা মপাঙ্গল কনখৎহনবা ঙমগনি।
ভারতনা নাকল অনিগী মরক্তা মতেং পীনবগীদমক হেন্না মতমগা চুনবা এজেন্দা অমা পীনবগীদমক ভারত-অফ্রিকা ফোরম সমিত IV পাংথোক্নবা থাজবা থম্লি।
এক্সিলেন্সীশিং, ঐখোয়না অফ্রিকা অসি ঐখোয়গী প্রাইওরিতিশিংগী মনুংদা খ্বাইদগী ৱাংবা থাক্তা লৈহল্লগনি হায়বগী থাজবা পীজরি। ঐখোয়না বিশ্ব বন্ধু অমা ওইবগী অশেংবা ৱাখল্লোন্দা অমনা অমগী কান্নবা অমসুং অমনা অমবু ইকায় খুম্নবা লৈবা মরী অমা শেমগৎনবা হোৎনরি।
ইকাই খুম্নরবা মীহুৎশিং, ঐহাক্না ইকাই খুম্নরবা ভাইস প্রসিদেন্তশিংনা পীখিবা ৱারোলশিং অদু ঐহাক্না পুক্নিং থৌগৎখি। মখোয় খুদিংমক্না ঐহাকপু থাগৎপা ফোংদোকখি। লৈবাক অনিগী মরক্তা লৈরিবা পোতেন্সিএল অদুগী মতাংদা মখোয়না খন্নখি।
ভারত অসি চাউখৎলক্লিবা শেন্মিৎলোন অমনি, চাউখৎলক্লিবা শেন্মিৎলোন অমনি। হৌখিবা চহি তরাগী খুজিং অসিদা হেনগৎলকপা অসি এক্সপোনেন্সিএল অমসুং হিস্তোরিক ওইরে, মালেম পুম্বনা মশক খঙলে মদুদি মালেমদা অমসুং অখন্ননা অফ্রিকাদা পীবা য়াবা কয়া অমা লৈরি অমসুং মফম অসিদা খন্ন-নৈনবা অসিদা য়াম্না থুনা থবক ওইনা পাংথোক্কনি হায়না ঐহাক্না থাজবা থম্লি।
ভারত অমসুং অফ্রিকাগী গ্রোথ পার্তনরশিপ অসিনা কেতলিস্ত অমা ওইনা থবক তৌবা ঙম্মি অমসুং মালেমগী শান্তি অমসুং অপুনবগীদমক অফবা ওইগদবা, মালেমগী রিবেলেন্স অমসুং গ্লোবেল সাউথকী মপাঙ্গল কনখৎহনবদা মতেং পাংগনি হায়না ঐনা থাজবা থম্লি।
অদুগা খন্ন-নৈনবশিং অসি য়াম্না কান্নবা, প্রদক্তিব ওইগনি অমসুং ঐখোয়গী খোঙচৎ অসিদা ঐখোয়বু চাউখৎপগী মথংগী থাক্তা পুখৎকনি।
ঐখোয়না তোঙান তোঙানবা মওংদা মরুপ-মপাং ওইবগী মরী অসি মখা তানা চেৎশিলহল্লসি, থাক খুদিংমক্তা ঐখোয়গী তেংবাং পীনবা হেনগৎহল্লসি অমসুং মীওইবা খুন্নাইগী য়াইফনবা লম খুদিংমক্তা পুন্না থবক তৌমিন্নসি অমসুং মরুওইনা নাকল অনিমক্কী হ্যুমেন রিসোর্স, মেনরেল রিসোর্স অমসুং নেচরেল রিসোর্স মপুং ফানা শীজিন্নবদা মীৎয়েং থমসি। অমসুং মালেমগী শরুক অসিনা মালেমগী তংদু লৈতাবা, মালেমগী নুংশি চান্নবা পুরক্নবগীদমক্তা অহোংবা পুরক্নবা পার্তনরশিপ অমা ওইহল্লসি।
ঐহাক্না ৱাফম অমগা লোয়ননা লোইশিনজরি, ভারতনা চাউখৎলকপা, মীওইবা খুন্নাইগী শরুক তরুক থোকপগী অমা লৈরকপা, ভাইব্রেন্ত দেমোক্রেসী, থাক খুদিংমক্তা কন্সতিত্যুস্নেল ওইনা শেমগৎ-শাগৎপা অসিনা মালেমগী তংদু-লৈতাবদা অমসুং শান্তি লৈহনবদা মতেং ওইরগনি।
ভারতকী শরুক য়াবা, ভারতকী ফুতফোল, ভারতকী হেন্দহোল্দিং, ভারতনা পুন্না থবক তৌমিন্নবা হোৎনবা অসি পাকথোক-চাউথোকপদা এন্তিথেতিকেল ওই। পুৱারীগী ওইনা, লৈবাক অসিনা পাকথোক চাউথোকপা অসিদা থাজবা লৈতে। মরম অদুনা, ঐখোয়গী পার্তনরশিপ, পুৱারীদা য়াম্না কুপ্না চুশিনবা পার্তনরশিপ অসিনা মীওইবা খুন্নাইগী য়াইফনবগীদমক মালেমগী ওইবা অচৌবা অহোংবা পুরকপদা মতেং পাংনবা পোতেন্সিএল লৈ।
থাগৎচরি
****
(Release ID: 2047351)
Visitor Counter : 38