কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
ফুদ এন্দ কঞ্জ্যুমর এফ্যার্স মন্ত্রীনা ফ্যার প্রাইস সোপ ৬০বু জন পোসন কেন্দ্রশিংদা ওন্থোক্নবা পাইলোত হৌদোকখ্রে
এফ.পি.এস. সহায় এপ্লিক্লেসন, মেরা রাসন এপ ২.০, ক্বালিতী মেনেজমেন্ত সিস্তেম, ক্বালিতী মেনুএল হেন্দবুক, কন্ত্রেক্ত মেনুএল এফ.সি.আই. অমসুং লেবোরেতরী ৩গী এন.এ.বি.এল. এক্রেদিতেসনসু হৌদোকখ্রে
জন পোসন কেন্দ্রশিংনা ফ্যার প্রাইস সোপ দীলরশিংদা শেন্দোং হেন্না অমসুং কঞ্জ্যুমরশিংদা মচি ওইবা মচল মরাঙ কায়না য়াওবা চীঞ্জাক ফংহনগনি: শ্রী জোসী
Posted On:
20 AUG 2024 3:45PM by PIB Imphal
কঞ্জ্যুমর এফ্যার্স, ফুদ এন্দ পব্লিক দিস্ত্রিব্যুসনগী, অমসুং নিউ এন্দ রিনিউএবল ইনর্জীগী কেন্দ্র মন্ত্রী, শ্রীী প্রহলাদ ভেঙ্কতেস জোসীনা ফ্যার প্রাইস সোপ ৬০বু জন পোসন কেন্দ্রশিংদা ওনথোক্নবগী পাইলোত হৌদোকখ্রে। ঙসি মফমসিদা পাথোকপা থৌরম অদুদা, মহাক্না এফ.পি.এস. সহায় এপ্লিক্লেসন, মেরা রাসন এপ ২.০, ক্বালিতী মেনেজমেন্ত সিস্তেম, ক্বালিতী মেনুএল হেন্দবুক, কন্ত্রেক্ত মেনুএল এফ.সি.আই. অমসুং লেবোরেতরী ৩গী এন.এ.বি.এল. এক্রেদিতেসনসু হৌদোকখি।
থৌরমদুদা ৱা ঙাঙলদুনা, কেন্দ্র মন্ত্রীনা ঙসি হৌদোকখিবা প্রোগ্রাম ৬ মক্না ফুদ সিক্যুরিতী ইকোসিস্তেম মপাঙ্গল কলহন্বতা নত্তনা, সিস্তেম অসিদা ত্রান্সপেরেন্সী পুরক্কনি, অকন্বা ক্বালিতী কন্ত্রোল লৈহনগনি, মচি ওইবা মচল ৱাৎপগী ৱাফম লৈহল্লরোই অমসুং লীকেজ লৈহল্লোই হায়খি।
![](https://static.pib.gov.in/WriteReadData/userfiles/image/image001WI6F.jpg)
গুজরাত, রাজস্থান, তেলঙ্গনা অমসুং উত্তর প্রদেশকী ফ্যার প্রাইস সোপ ৬০বু জন পোসন কেন্দ্রদা ওন্থোকপগী পাইলোত হৌদোকপগী থৌরমদুদা, জন পোসন কেন্দ্রনা ভারত পুম্বদা লৈরিবা ফ্যার প্রাইস সোপ (এফ.পি.এস.)শিংগী শেন্থোক্কী চাং হেনগৎহন্নবগী দিমান্দ ফংহল্লগনি। কেন্দ্রশিং অসিনা কঞ্জ্যুমরশিংদা মচি ওইবা মচল মরাঙ কায়না য়াওবা চীঞ্জাক মখল কয়া ফংহনগনি লোয়ননা এফ.পি.এস. দীলরশিংদা অহেন্বা শেন্থোক লম্বী অমসু পীগনি। কেন্দ্র লৈঙাক্কী অহান্বা নুমিৎ ১০০গী প্রোগ্রামগী শরুক অমা ওইনা পায়খৎলিবা জন পোসন কেন্দ্র অসিদা ন্যুত্রিসন কেতগরীগী পোৎলম ৫০% থম্নবা অদুগা লেমহৌরিববা মফমদুনা ইমুং মনুংগী শীজিন্ননবা পোৎলমশিং থম্নবগী খুদোংচাবা লৈগনি। কেন্দ্র মন্ত্রীনা ফ্যার প্রাইস সোপ দীলরশিংগসু ৱারী ৱাতায় শানখি।
![](https://static.pib.gov.in/WriteReadData/userfiles/image/image002QOX4.jpg)
ইকায়খুম্নরবা প্রধান মন্ত্রীগী লমজিং মখাদা, লৈবাক অসিনা ভিক্সিত ভারত ২০৪৭গী পান্দমগী মায়কৈদা ইচঙ থৌনা চঙশিল্লি হায়না শ্রী জোসীনা ফোঙদোকখি। ভারত লৈঙাক্কী দিপার্তমেন্ত ওফ ফুদ এন্দ পব্লিক দিস্ত্রিব্যুসন্না লৌখৎলিবা থৌরাং অসিনা অসিগুম্বা অওনবশিং অসি পুরক্নবগী পাম্বৈ ওইগনি। লৈবাকসিগী ফুদ সিক্যুরিতীগী পাক চাওবা হেনগৎহন্নবগীদমক প্রধান মন্ত্রী গরিব কল্য়ান অন্ন য়োজনা (পি.এম.জি.কে.এ.ৱাই.) চাউরাক্না লুপা লাখ করোর ১২গী শেন্ফমগা চহি মঙা অমগা শাংদোকখ্রে হায়বা ৱাফমসু মহাক্না থমখি। ৱন নেসন ৱন রাসন্না হান্নদগৌ হৌনা লৈবাক শিন্বা থুংনা অপন্বা লৈতবা ত্রাঞ্জেক্সন পীদুনা লৈরে হায়নসু মহাক্না মখা তাখি।
![](https://static.pib.gov.in/WriteReadData/userfiles/image/image0032HJY.jpg)
দিপার্তমেন্ত অসিনা দিজিতেলাইজেসনগী লমদা ইচঙ থৌনা পায়খৎলিবা থৌরাংশিং অসিনা বেনিফিসরীশিংদা য়ুজর-সেন্ত্রিক সর্ভিসশিং ফগৎহল্লে হায়না কেন্দ্র মন্ত্রীনা হায়খি। এফ.পি.এস. সহায় এপ্লিক্লেসন, মেরা রাসন এপ ২.০, ক্বালিতী মেনেজমেন্ত সিস্তেম, ক্বালিতী মেনুএল হেন্দবুক, কন্ত্রেক্ত মেনুএল এফ.সি.আই. অমসুং লেবোরেতরী ৩গী এন.এ.বি.এল. এক্রেদিতেসন হৌদোকখিবসিনা দিজিতেলাইজেসনগী থৌরাংদা মখা তানা ইনোৎ হাপকনি হায়না হায়খি। শ্রী জোসীনা দিপার্তমেন্ত অসিনা পব্লিক দিস্ত্রিব্যুসন সিস্তেমদা মখা তানা ইনোভেসন অমসুং মপুং ওইনা ফগৎহন্নবা স্তেকহোল্দরশিংদগী সজেসন তরাম্না ওক্লি হায়না মখা তাখি।
![](https://static.pib.gov.in/WriteReadData/userfiles/image/image004KJIM.jpg)
এস.আই.দি.বি.আই.না শেমগৎপা, এফ.পি.এস.-সহায় অসি এফ.পি.এস. দীলরশিংদা পেপরলেস, প্রজেন্স-লেস, কোলেতরেল-ফ্রী, কেস ফ্লো-বেজ ফাইনান্সিং পীননবা শেম্বা ওন-দিমান্দ ইনভোইস বেজ ফাইনান্সিং (আই.বি.এফ.) এপ্লিকেসন অমনি। মেরা রাসন এপ ২.০ মোবাইল এপ অসি লৈবাক পুম্বদা লৈরিবা বেনিফিসরীশিংগীদমক অহেন্বা ভেল্যু এদেদ ফীচরশিংগা লোয়ননা হৌদোকখিবনি। দিপার্তমেন্ত ওফিসিএলশিংনসু (কেন্দ্র অমসুং স্তেত অনিমক্কী) রাসন কার্দ অমসুং পি.দি.এস.কা মরী লৈনবা মরুওইবা ইনফোর্মেসনশিং চঙবা য়াগনি।
ক্বালিতী মেনেজমেন্ত সিস্তেম অসিনা দি.এফ.পি.দি. অমসুং এফ.সি.আই.গী ক্বালিতী কন্ত্রোল লেবশিং পুনশিন্নবা দিজিতেল এপ্লিকেসন অমনি। দিজিতেল ক্যু.এম.এস. অসিনা প্রোকরমেন্ত, স্তোরেজ অমসুং দিস্ত্রিব্যুসনগী থাক্তা রিএল তাইমদা মরুওইবা ত্রাঞ্জেক্সন পুম্নমক কেপচর তৌবা ঙম্বা ক্বালিতী কন্ত্রোল লেবশিংগী মরুওইবা তুল অমনি। দি.এফ.পি.দি.না সেন্ত্রেল পুল ফুদগ্রেনশিংগী অকন্বা ক্বালিতী স্তেন্দর্দশিং ঙাক্না চৎহন্নবা শীজিন্নগদবা তোঙান তোঙানবা থৌওংশিং, স্তেন্দর্দশিং, রোদমেপ অমসুং খুজিল থৌরাংশিংগী মরিক চুম্বা দেস্ক্রিপ্সন অমা পীরিবা মপুং ফাবা হেন্দবুক ওফ ক্বালিতী কন্ত্রোল অমা শেম্লে।
![](https://static.pib.gov.in/WriteReadData/userfiles/image/image005KDIL.jpg)
ফুদ কোর্পোরেসন ওফ ইন্দিয়া (এফ.সি.আই.)গী কন্ত্রেক্ত মেনুএলসু হৌদোকখি। এফ.সি.আই.গী কন্ত্রেক্ত মেনুএল অসি চরক চহিংনবা পুম্নমক লৌথোক্নবা, হিদান্নবা লৈহন্নবা অমসুং কন্ত্রেক্তশিংদা অরোন অথুপ লৈহন্দনবা লমজিং পথাপ ওইহন্নবা মীৎয়েঙ থম্লি। মসিগী পান্দমদি এফ.সি.আই. তেন্দরশিংদা শরুক য়াবগী চাং হেনগৎহন্নবনি। এন.এ.বি.এল. লেবশিংগী এক্রেদিতেসন অসি কস্তমরনা থাজবা অমসুং পেন্বা হেনগৎহন্বগা লোয়ননা তেস্তিং অমসুং কেলিব্রেসন সর্ভিসশিংদা ক্বালিতী অমসুং রিলাইএবিলিতী লৈহন্দুনা, মালেমগী স্তেন্দর্দশিং ইন্দুনা চৎপদা দিপার্তমেন্ত লেবোরেতরীশিংগীদমক মরুওই।
***
(Release ID: 2046971)
Visitor Counter : 37